ကျွန်တော်တို့ သက်တမ်းတလျှောက်မှာ အိပ်ရာက ရုတ်တရက်လန့်နိုးလာတဲ့အခါ လှုပ်လို့ ရှားလို့ မရတာမျိုး၊ တစ်ခုခုက တက်ဖိထားသလို အသက်ရှုတွေ ကျပ်ပြီး နိုးလာတာမျိုး တစ်ကြိမ်တစ်ခါတော့ ဖြစ်ဖူးကြမှာပါ။

အဲဒီလို ဖြစ်ပြီဆို အိပ်ရာက နိုးနေပေမယ့် ခြေတွေ၊ လက်တွေပါ လှုပ်လို့မရတဲ့အပြင် ယုတ်စွအဆုံး မျက်ခွံတောင် ဖွင့်လို့ မရတော့ပါဘူး။ ဒီလိုဖြစ်တာဟာ တစ်ခါတလေ မိနစ်ပိုင်းလောက်ပဲ ကြာတတ်ပေမယ့် တစ်ခါတလေကျတော့လည်း နာရီပိုင်းလောက်ကြာတတ်ပါတယ်။ ဖြစ်နေတုန်း တစ်ယောက်ယောက်ကပဲ တက်ဖိထားသလိုဆိုတော့ အတော်ကြောက်စရာကောင်းတဲ့ ကိစ္စဗျ။

ဒီလိုတွေ ဘာကြောင့်ဖြစ်ရလဲ?

ဒီလိုဖြစ်ရခြင်းဟာ Sleep Paralysis လို့ ခေါ်တဲ့ ထူးခြားတဲ့ သဘာဝအိပ်ခြင်းဖြစ်စဉ်ကြောင့် ဖြစ်ရတာပါ။ အထူးသဖြင့် စိုးရိမ်ပူပန်တတ်သူတွေနဲ့ စိတ်ကျဝေဒနာခံစားရသူတွေဟာ ဒီလို ဖြစ်ဖို့ ၃၁.၉ ရာခိုင်နှုန်းလောက် အခွင့်အလမ်း ပိုများတယ်လို့ ဆိုပါတယ်။

သိပ္ပံနည်းကျတွေ့ရှိချက်အရတော့ အိပ်ရာက နိုးနေပေမယ့် လှုပ်လို့ မရတဲ့ ဖြစ်စဉ်မှာ လူဟာ သတိမေ့နေသလို ဖြစ်နေတာပါတဲ့။ အဲ့ဒါကြောင့် စိတ်က နိုးနေပေမယ့် လူက လှုပ်လို့ မရတာပေါ့။ ဘာတွေနဲ့ ပက်သက်လဲဆိုတော့ ကျွန်တော်တို့ ငယ်ငယ်က သင်ရတဲ့ REM Stage ( Rapid Eye Movement) နဲ့ ဆိုင်ပါတယ်။

ဦးနှောက်ဟာ REM Sleep Stage မှာ အဆမတန်နိုးကြားနေပြီး လူ့ခန္ဓာကိုယ်ကတော့ အိပ်မောကျနေဆဲပဲ ရှိပါသေးတယ်။ နိုးသွားတဲ့ အချိန်မှာ လှုပ်မရဘူးဆိုတာ အိပ်မက်ဆက်မက်နေတာ၊ အိပ်မက်ထဲက မထွက်နိုင်သလို ဖြစ်နေတာမျိုးနဲ့ တူပါတယ်တဲ့။ အဲ့ဒါကိုတော့ REM Atonia လို့ ခေါ်ပါတယ်။

ဒါဟာ အမြဲတမ်းတော့ ဖြစ်နေတာ မဟုတ်ဘဲ REM Atonia ဝင်တဲ့ တစ်ခါတစ်ရံမှာမှ ထဖြစ်ပြီး လှုပ်မရတတ်တာမျိုးပါ။ အဲဒီအချိန်မှာ ဦးနှောက်ဟာ အရမ်းနိုးကြားနေတော့ ခန္ဓာကိုယ်ကို ဒီလို သတင်းပို့ချက်အမှားတွေ စပေးပါတော့တယ်။ “မင်းလက်မောင်းတွေ လှုပ်လို့ မရဘူးနော်၊ ဒါပေမယ့် မင်းလက်မောင်းလှုပ်နေတယ်လို့ ထင်ယောင်စမ်း” ဆိုတာမျိုးပေါ့။

Sleep Paralysis ဖြစ်နေတဲ့ အချိန်မှာ ဒီလို ဖြစ်ရပ်တွေ အပိုင်း ၃ ပိုင်းခွဲပြီး ဖြစ်ပွားလေ့ရှိပါတယ်။

Incubus (တစ်စုံတစ်ယောက်တက်ဖိထားတယ်လို့ ခံစားရခြင်း)

ဒါကတော့ အိပ်ပျော်နေသလို နိုးနေသလို ဖြစ်နေတဲ့ အချိန်မျိုးမှာ တစ်စုံတစ်ခု ဒါမှမဟုတ် တစ်စုံတစ်ယောက်က ရင်ဘတ်ကို ဖိထားသလို အသက်ရှူမဝဖြစ်တာပါ။ တကယ်တော့ ဒါဟာ စိတ်ပိုင်းဆိုင်ရာ ခံစားချက်သက်သက်သာ ဖြစ်ပါတယ်။ အိပ်မက်ကနေဖြစ်ဖြစ်၊ တစ်စုံတစ်ခုကနေ ရုတ်တရက် လန့်နိုးလာတဲ့အခါ ကြောက်ရွံ့စိတ်ကြောင့် ရုတ်တရက်အသက်ရှူမဝမှုဖြစ်ပွားတာပါ။ ခန္ဓာကိုယ်ကတော့ REM Breathing Mode မှာ ရှိနေလို့ လှုပ်မရဖြစ်နေတာပါတဲ့။

Intruder (တစ်စုံတစ်ယောက် ရှိနေတယ်လို့ ခံစားရခြင်း)

ဒါကတော့ ဒီလို အိပ်တစ်ဝက်၊ နိုးတစ်ဝက် ခံစားချက်မှာ အခန်းထဲမှာ၊ ကိုယ့်ဘေးမှာ တစ်စုံတစ်ယောက်ရှိနေတယ်လို့ ခံစားရတာ၊ ကြောက်စရာတစ်ခုခု မြင်ရသလို ကြားနေသလို ထင်ယောင်ထင်မှား ဖြစ်နေတာမျိုးပါ။ ဒါကိုတော့ “Hypervigilant State of the Midbrain” လို့ ခေါ်ပြီး ပတ်ဝန်းကျင်က သေးသေးမွှားမွှားအရာလေးကိုတောင် ကြီးကြီးမားမားအရာ ဒါမှမဟုတ် ကိုယ့်ကို အန္တရာယ်ပြုမယ့် အရာလို့ ထင်တာမျိုးပါ။ Sleep Paralysis ဖြစ်နေတဲ့ အချိန်မျိုးမှာ အသံတိုးတိုးလေးတစ်ခုကြားရင်တောင် အရမ်းကြောက်စရာကောင်းတယ် ထင်တတ်တာမျိုးပေါ့။

Unusual Bodily Experiences (မျောလွင့်သွားသလို ခံစားရခြင်း)

ဒီအခြေအနေကို ကြုံဖူးသူတွေကတော့ သူတို့ရဲ့ စိတ်ဝိညဉ်ဟာ ခန္ဓာကိုယ်အပြင်ဘက်ထွက်သွားတဲ့ အတွေ့အကြုံမျိုး ခံစားဖူးသူတွေပါ။ အဲဒီလိုအချိန်တွေမှာဆိုရင် သူတို့ဟာ လေဟာနယ်ထဲမှာ မျောလွင့်နေသလို၊ ပျံသန်းနေရသလို ခံစားနေခဲ့ရတယ်လို့ ဆိုပါတယ်။

ဒါဆို ဘီလူးစီးတာမျိုး မဖြစ်အောင် ဘယ်လို ကာကွယ်ရမလဲ

ဒီလိုမဖြစ်အောင် ကာကွယ်ဖို့က ခက်ပါတယ်။ ဘာလို့လဲဆိုတော့ ဒါဟာ မျိုးရိုးဗီဇကြောင့်လည်း ဖြစ်နိုင်သလို တခြား အိပ်စက်ခြင်းဆိုင်ရာ ပြဿနာတွေနဲ့ ကျန်းမာရေးဆိုင်ရာ ပြဿနာတွေကြောင့်လည်း ဖြစ်နိုင်လို့ပါပဲ။ ဒါပေမယ့် ဖြစ်နိုင်ချေနည်းအောင်တော့ ဒီနည်းလေးတွေ လုပ်လို့ ရပါတယ်။

ပက်လက်လှန်မအိပ်ပါနဲ့

ဘေးတစောင်းအိပ်ခြင်းဟာ Sleep Paralysis (မြန်မာပြည်မှာတော့ ဘီလူးစီးခြင်းလို့ ခေါ်ကြပါတယ်) ကို လျော့ကျစေပါတယ်။

အာရုံစိုက်ပါ

အကယ်၍ ခင်ဗျားက ရုတ်တရက်အိပ်ရာနိုးလာပြီး လှုပ်မရ၊ ပြုမရဖြစ်နေပြီဆိုရင် လက်ချောင်းတစ်ချောင်းဖြစ်စေ၊ ခြေချောင်းလေးတစ်ချောင်းဖြစ်စေကိုပဲ အာရုံစိုက်ပြီး လှုပ်အောင်ကြိုးစားကြည့်ပါ။ ကြွက်သားတစ်ချက်စလှုပ်လို့ ရပြီဆိုတာနဲ့ Sleep Paralysis ပျက်ပြယ်သွားပါပြီ။

ဘုရားစာရွတ်ပါ

ကျွန်တော်တို့ ဗုဒ္ဓဘာသာအလိုအရဆိုရင်တော့ ဘုရားစာကို စိတ်ထဲက ရွတ်ပေးတာလည်း ကောင်းပါတယ်။ အနည်းဆုံးတော့ စိတ်တည်ငြိမ်လာပြီး ခဏနေ သက်သာသွားပါလိမ့်မယ်။

အခရာပရိသတ်ကြီးလည်း ဒီဘီလူးစီးသလို အဖြစ်မျိုး ကြုံဖူးလားဗျ။ ကြုံဖူးရင် ဘယ်လို လွတ်အောင် ဘာတွေ လုပ်ခဲ့ရလဲဆိုတာကို Comment Box မှာ မျှဝေပေးခဲ့ပါဦးခင်ဗျား။

ရိုးလူ (အခရာ)

www.akhayar.com

Ref : jerseydemic.com

Photo Credit : jerseydemic.com