Hollywood လောကရဲ့ ထူးချွန်ပြောင်မြောက်တဲ့ အသိပညာရှင်၊ အတတ်ပညာရှင်တွေကို ပေးအပ်တဲ့ အကယ်ဒမီဆု (Academy Award) ကို အော်စကာဆု (Oscar) ဆိုပြီးတော့ နာမည်ပြောင်ခေါ်ကြတာ ရုပ်ရှင်ချစ်သူတိုင်း သိကြမယ်ထင်ပါတယ်။ ဒါပေမယ့် အော်စကာဆိုတဲ့ နာမည်ကို ဘယ်အချိန်တည်းက သုံးစွဲခဲ့တယ်၊ ဘာကြောင့် သုံးစွဲခဲ့တယ်ဆိုတာ လူသိနည်းပါသေးတယ်။ အခုဆောင်းပါးမှာတော့ အကယ်ဒမီဆုကို အော်စကာဆုလို့ ဘာကြောင့်ခေါ်ဝေါ်သလဲဆိုတဲ့ အကြောင်းကို စုစည်းဖော်ပြပါမယ်။

Academy of Motion Picture Arts and Sciences (AMPAS) အဖွဲ့အစည်းကနေ အကယ်ဒမီဆုကို ၁၉၂၉ခုနှစ် မေလ (၁၆) ရက်နေ့မှာ စတင်ပေးအပ်ခဲ့တာပါ။ ဒါပေမယ့် အဲဒီအချိန်တုန်းက အကယ်ဒမီဆုလို့ပဲ သုံးနှုန်းခဲ့ပြီး အော်စကာဆုအနေနဲ့ မခေါ်သေးပါဘူး။ ပြီးတော့ အော်စကာဆုလို့ ဘာကြောင့်နာမည်ပြောင်ဖြစ်လာသလဲဆိုတာ ဝိဝါဒကွဲပြားဆဲပါ။

AMPAS အဖွဲ့အစည်းရဲ့ ပထမဆုံးအမျိုးသမီးဥက္ကဌ Bette Davis ရဲ့ အထုပ္ပတ္တိထဲမှာတော့ သူမရဲ့ အမျိုးသား Harmon ‘Oscar’ Nelson ကို အစွဲပြုပြီး အကယ်ဒမီရုပ်တုကို အော်စကာလို့ နာမည်ပြောင်းခဲ့တယ်လို့ ရေးသားထားပါတယ်။ ၁၉၃၁ခုနှစ်မှာ AMPAS အဖွဲ့အစည်းရဲ့ Executive Secretary ဖြစ်တဲ့ Margaret Herrick ဟာ အကယ်ရုပ်တုကို ပထမဆုံးအကြိမ်မြင်တွေ့တဲ့အခါ သူမရဲ့ ဦးလေး Oscar Pierce နဲ့ ဆင်တူတယ်လို့ ယူဆပြီး Uncle Oscar လို့ ရေရွတ်မိရာကနေ အော်စကာအနေနဲ့ နာမည်တွင်လာတယ်လို့ တချို့က ဆိုကြပါတယ်။

မင်းသမီးကြီး Katharine Hepburn ဟာ အော်စကာဆုကို ရရှိတယ်လို့ အမေရိကန်စာရေးဆရာ Sidney Skolsky က ၁၉၃၄ခုနှစ်မှာ သုံးနှုန်းခဲ့ဖူးပါတယ်။ ၁၉၃၄ခုနှစ် အကယ်ဒမီဆုပေးပွဲမှာလည်း အော်စကာဆိုတဲ့ စကားလုံးကို Time Magazine က သုံးဖူးပါတယ်။ ၁၉၃၄ခုနှစ်တည်းက မီဒီယာတွေဟာ အကယ်ဒမီဆုအစား အော်စကာဆုအနေနဲ့ သုံးစွဲခဲ့တယ်လို့ ယူဆရမှာပါ။ ဒါပေမယ့် ၁၉၃၉ခုနှစ်မှာတော့ AMPAS အဖွဲ့အစည်းဟာ အော်စကာဆုဟာ အကယ်ဒမီဆုရဲ့ နာမည်ပြောင်ဖြစ်ကြောင်း တရားဝင်ကြေညာခဲ့ပါတယ်။ အော်စကာဆုဆိုတဲ့ နာမည်ပြောင်ကို ဘာကြောင့်ရလာတယ်ဆိုတာ တိတိကျကျမပြောနိုင်ပေမယ့် ၁၉၃၉ခုနှစ်ရောက်မှ တရားဝင်သုံးစွဲလာတယ်လို့ ဆိုရမှာဖြစ်ပါတယ်။

Reference and Photo Credit – Fortune ၊ Mental Floss

ကျော်စိုးအောင် (အခရာ)

www.akhayar.com