နိုင်ငံတော် သမ္မတရုံးက အများပြည်သူရုံးပိတ်ရက် စုစုပေါင်း ၂၆ ကိုကြေငြာပေးလိုက်ပြီဖြစ်သည်။နှစ်တစ်နှစ်တွင် ရမည့်စုစုပေါင်းပိတ်ရက် ပမာဏကတော့ ပြောင်းလဲမသွား၊ ပြောင်းလဲသွားတာက အချိန်ကာလဖြစ်သည်။ တစ်ဆက်တည်းပိတ်တာကနေ ကြိုကြား၊ ကြိုကြားပိတ်သလိုဖြစ်သွားသည်။ အဲဒီတော့ ခရီးရှည်ထွက်ဖို့ စီစဉ်ထားတဲ့သူတွေ၊ ရက်ရှည်တရားစခန်းဝင်ချင်တဲ့သူတွေ၊ ဇာတိကို ပြန်ချင်တဲ့သူတွေက အဆင်သိပ်မပြေတော့ ဟု ကြားနေရသည်။

အစိုးရဝန်ထမ်းတွေ အတွက်ကတော့ ကြိုတင်စီစဉ်ထားတဲ့ကိုယ်ပိုင်ခရီးစဉ်တွေ မပျက်ရအောင် ဌာနဆိုင်ရာ အုပ်ချုပ်မှုနည်းလမ်းများဖြင့် ညှိနှိုင်းဆောင်ရွက်ပေးမည်ဟုလည်းပြောထားသည်။ ပုဂ္ဂလိက ဝန်ထမ်းတွေအတွက်လည်း အဆင်ပြေအောင် လုပ်ပေးဖို့တော့ လိုဦးမည်။

တကယ်ဆိုရင် World Atlas က ထုတ်ပြန်ထားတဲ့ အများပြည်သူရုံးပိတ်ရက် အများဆုံးနိုင်ငံများ စာရင်းနှိုင်းယှဉ်ကြည့်မယ်ဆိုရင် မြန်မာနိုင်ငံမှရရှိနေတဲ့ အားလပ်ရက်အရေအတွက်က နည်းသည်ဟုလည်း မဆိုသာပါ။

(၁) အိန္ဒိယ – ၂၁ ရက်

(၂) ကိုလံဘီယာ၊ ဖိလစ်ပိုင် – ၁၈ ရက်

(၃) တရုတ်၊ ဟောင်ကောင် – ၁၇ ရက်

(၄) ထိုင်း၊ တူရကီ၊ ပါကစ္စတန် – ၁၆ ရက်

(၅) ဂျပန်၊ မလေးရှား၊ အာဂျင်တီးနား၊ လစ်သူနီးယား၊ ဗီယက်နမ်၊ ဆွီဒင် – ၁၅ ရက်  တို့ဖြစ်ကြသည်။

Public Holiday ဆိုတာက အများပြည်သူရုံးပိတ်ရက်ကိုပြောတာဖြစ်ပြီးတော့ အဲ့ဒီနေ့တွေဆို တစ်နိုင်ငံလုံး မှာရုံးပိတ်ပါတယ်။ Statutory Holiday ဆိုတာက ပြဌာန်းဥပဒေအရ ရုံးပိတ်ရက်ကိုဆိုလိုပါတယ်။ တစ်နိုင်ငံလုံးမှာ ပိတ်တာမျိုး မဟုတ်ပဲ ပြည်နယ်အလိုက်ရှိတဲ့ ပွဲတော်တွေအပေါ်မူတည်ပြီးတော့ ပိတ်တာပါ။

Public Holiday နည်းပေမယ့် Statutory Holiday အများအပြားပိတ်ပေးတဲ့ နိုင်ငံများလည်း ရှိကြသည်။

(၁) သြစတေးရီးယား၊ – ၃၈ ရက်

Statutory – ၂၅ ရက် + Public – ၁၃ ရက်

(၂) မော်လ်တာ – ၃၈ ရက်

Statutory – ၂၄ ရက် + Public – ၁၄ ရက်

(၃) ပိုလန် – ၃၇ ရက်

Statutory – ၂၆ ရက် + Public – ၁၁ ရက်

(၄) ဘိုလီးဗီးယား – ၃၇ ရက်

Statutory – ၂၅ ရက် + Public – ၁၂ ရက်  တို့ဖြစ်ကြသည်။

တကယ်ဆိုရင် မြန်မာနိုင်ငံရဲ့ ရုံးပိတ်ရက် ပမာဏသည် မနည်းလှပါ။ World Atlas က ထုတ်ပြန်ထားတဲ့ အများပြည်သူရုံးပိတ်ရက်အများဆုံးဖြစ်သည့် အိန္ဒိယထက် ၅ရက် ပိုများသည်။ ဒါပေမယ့် မြန်မာနိုင်ငံရဲ့ပိတ်ရက်တွေက အလျော်အစားရှိသည်။ စနေ၊ တနင်္ဂနွေ နဲ့တိုက်သွားရင်တော့ အစားပြန်မရပါ။ ဒီနှစ်သင်္ကြန်မှာတောင် စနေ၊ တနင်္ဂနွေ နဲ့တိုက်သွားတော့ ပိတ်ရက်က သုံးရက်ပဲရှိတော့သည်။ တချို့နိုင်ငံတွေမှာ အဲ့ဒီလိုတိုက်သွားရင် အစားပြန်ပေးကြသည်။

ပိတ်ရက်ရှည်ကြာပေးတဲ့ အတွက် ဘဏ်လုပ်ငန်းတွေ နှောင့်နှေးသည်၊ ရုံးလုပ်ငန်းတွေ ကြန့်ကြာသည်။ ငွေကြေးစီးဆင်းမှု အနည်းငယ် တုန့်ဆိုင်းသွားသည့်အတွက် စီးပွားရေးလုပ်ငန်းတွေ နည်းနည်းပါးပါး ထိခိုက်လိမ့်မည်။ ဝန်ထမ်းတွေဖက်က ကြည့်ပြန်ရင်လည်း အရင်က ပိတ်ရက်ရှည်ရတော့ နယ်ပြန်ချင်တဲ့သူ အဆင်ပြေပြေ နယ်ပြန်လို့ရသည်။ ခရီးထွက်ဖို့ စီစဉ်ထားတဲ့သူကလည်း အေးအေးဆေးဆေး ထွက်နိုင်သည်။ တရားစခန်းဝင်မည့်သူ၊ ပဉ္ဇင်းတက်မည့်သူတွေကလည်း အနည်းဆုံး ၇ ရက်၊ ၁ ပတ် ကုသိုလ်ပြုလို့ရသည်။ တစ်နှစ်ပတ်လုံးအလုပ်လုပ်ရသည့် ဝန်ထမ်းတွေက အားလပ်ရက်ရှည် လိုချင်ကြသလို အစိုးရကလည်း နှောင့်နှေးကြန့်ကြာမှုတွေကို လျော့ချချင်သည်။ တကယ်တော့ နှစ်ဦးနှစ်ဖက် အဆင်ပြေရင်တော့ အကောင်းဆုံးဖြစ်သည်။ ဟိုတုန်းကတော့ သင်္ကြန်ပိတ်ရက်ဆိုတာက ၅ ရက်ဆိုပြီး ရှိခဲ့ဖူးသည်။

မင်းသုခ (အခရာ)

(www.akhayar.com)