[Zawgyi]

ဂႏၳဝင္ေဘာလုံးသမားႀကီး Ronaldinho ဘာေၾကာင့္ ဆင္းရဲသြားတာလဲ

ေဘာလုံးေလာကမွာ Ronaldinho လုိ႔ေျပာလုိက္ရင္ မသိသူမရွိ။ ေမွာ္ဝင္ေျခစြမ္းေတြနဲ႔ ၿပိဳင္ဘက္ေနာက္တန္းေတြကုိ ေသြးပ်က္ေစသူ။ ေဘာလုံးဆုိတာ သူ႕အတြက္ သံလုိက္မွာ ကပ္ေနတဲ့ သံမႈန္ေလးသဖြယ္ ဖမ္းစားႏုိင္တဲ့သူပါ။ သူ႕ကုိ ေမြးတာက ၁၉၈ဝခုႏွစ္ မတ္လ (၂၁) ရက္။ ရွစ္ႏွစ္သားေလာက္တုန္းက သူ႕ ေျခစြမ္းကုိ ေဒသခံေတြက သတိျပဳမိလာတယ္။ ၿပိဳင္ဘက္ေဘာလုံးအသင္းကုိ ၂၃ဂုိး – ဂုိးမရွိနဲ႔ အႏုိင္ရတုန္းက သူတစ္ေယာက္တည္းနဲ႔ (၂၃) ဂုိးလုံး သြင္းပစ္တယ္။ အဲဒီလုိနဲ႔ ၁၉၉၇ခုႏွစ္မွာ ဘရာဇီးအသင္းကုိ ယူ-၁၇ ဖီဖာခ်န္ပီယံရွစ္မွာ ဗုိလ္စြဲေစတယ္။ သူအားက်ရတဲ့သူေတြက Rivelino ၊ Diego Maradona ၊ Romário ၊ Ronaldo နဲ႔ Rivaldo တုိ႔ပါ။

မိခင္ကလပ္ Gremio မွာ ေျခစြမ္းျပတယ္။ ၂ဝဝ၁ခုႏွစ္ကုိ ေရာက္ေတာ့ PSG အသင္းကုိ ယူရုိ (၅) သန္းနဲ႔ ေျပာင္းေရႊ႕သြားတယ္။ ျပင္သစ္ေျမမွာလည္း သူဟာ ကမၻာ့အဆင့္ကစားသမားျဖစ္ေၾကာင္း သက္ေသျပႏုိင္ခဲ့တယ္။ ၂ဝဝ၂ ကမၻာ့ဖလားကြာတားဖုိင္နယ္မွာ အဂၤလန္ဂုိးသမားႀကီး David Seaman ကုိ ေက်ာ္ၿပီး ကုိက္ (၄ဝ) အကြာက သြင္းယူခဲ့တဲ့ ဖရီးကစ္ဂုိးဟာ သူ႕အတြက္ အမွတ္ရစရာပါပဲ။

စိန္တစ္လုံး၊ ေက်ာက္တစ္ပြင့္မွာ အနာမကင္းသလုိပဲ Ronaldinho မွာလည္း အားနည္းခ်က္ရွိတယ္။ သူက အေပ်ာ္အပါးမက္လြန္းတယ္။ ပါတီပြဲေတြ က်င္းပရတာ ေပ်ာ္တယ္။ Night Out ထြက္ခ်င္တယ္။ PSG အသင္းမွာ ကစားတုန္းက တစ္ပတ္မွာ တစ္ရက္ပဲ ေလ့က်င့္ခန္းဆင္းတယ္။ စေနေန႔မွာ ေဘာလုံးပြဲကန္စရာရွိမွ ေသာၾကာေန႔မွာ ေလ့က်င့္ခန္းဆင္းတာလုိ႔ ကစားေဖာ္ Jerome Leroy က ေျပာတယ္။

၂ဝဝ၃ခုႏွစ္မွာ ဘာစီလုိနာအသင္းကုိ ေရာက္တယ္။ ဒီကာလေတြဟာ သူ႕အတြက္ ေရႊေရာင္အခ်ိန္ေတြပါ။ ဖီဖာကမၻာ့အေကာင္းဆုံးေဘာလုံးသမားဆု (FIFA World Player of the Year) ကုိ ၂ဝဝ၄ခုႏွစ္နဲ႔ ၂ဝဝ၅ခုႏွစ္ေတြမွာ ရရွိခဲ့သလုိ Ballon d’Or ဆုကုိ ၂ဝဝ၅ခုႏွစ္မွာ ဆြတ္ခူးျပန္တယ္။ ၂ဝဝ၈ခုႏွစ္မွာ ကမၻာေက်ာ္ Forbes မဂၢဇင္းရဲ႕ လႊမ္းမုိးမႈအရွိဆုံးပုဂၢိဳလ္ (၁ဝဝ) စာရင္းမွာ အဆင့္ (၃၈) ခ်ိတ္တယ္။ ၿပီးေတာ့ ဝင္ေငြက ေဒၚလာ (၃၇) သန္းအထိ ရွိခဲ့တယ္။

ေလ့က်င့္ခန္းကုိ ပုံမွန္မဆင္းသလုိ ညဘက္မွာ ကလပ္တက္တဲ့ အက်င့္က Ronaldinho ကုိ လမ္းေဘးေရာက္ေစတာပဲ။ မိန္းမလုိက္စားတယ္၊ အေသာက္ဖက္လာတယ္။ ေလ့က်င့္ခန္းပုံမွန္မဆင္းေတာ့ ကုိယ္လက္ၾကံ့ခုိင္မႈ အားနည္းလာတယ္။ ကုိယ္အေလးခ်ိန္တက္လာတယ္။

ေဘာလုံးစြမ္းရည္ေကာင္းေပမယ့္ ေလ့က်င့္ရည္မျပည့္တာေၾကာင့္ အရင္လုိ မျမန္ေတာ့ဘူး။ ဘာစီလုိနာအသင္းတာဝန္ရွိသူေတြက သူ႕အက်င့္ဆုိးေတြဟာ လူငယ္ေျခတက္ Lionel Messi ကုိ လႊမ္းမုိးမွာစုိးလုိ႔ ၂ဝဝ၈ခုႏွစ္မွာ ေအစီမီလန္အသင္းကုိ ေရာင္းထုတ္ခဲ့တယ္။

စပိန္နဲ႔ အီတလီႏုိင္ငံေျပာင္းသြားတာပဲရွိတယ္။ Ronaldinho ရဲ႕ အက်င့္ေတြက “အရင္လုိပါပဲ အရင္အတုိင္းပဲ” ။ တစ္ညလုံး ကဲတယ္။ အေပ်ာ္အပါးလုိက္စားတယ္။ မနက္ပုိင္းက်ေတာ့ ေလ့က်င့္ခန္း မဆင္းႏုိင္ေတာ့ဘူး။ တန္းအိပ္တာပဲ။ အဲဒီအခ်ိန္တုန္းက ေအစီမီလန္နည္းျပႀကီး Carlo Ancelotti ဆုိရင္ “Ronaldinho လုိေကာင္မ်ိဳး ေျမာင္းထဲေရာက္တာ အံ့ၾသစရာမရွိဘူး။ ေဘာလုံးမွာ ပါရမီရွိေပမယ့္ ၾကံ့ခုိင္မႈမွ မရွိတာေလ” လုိ႔ ရင္ဖြင့္သြားပါတယ္။

အီတလီေျမကေန မိခင္ဘရာဇီးႏုိင္ငံကုိ ျပန္ေရာက္ရတယ္။ လစာ၊ ဝင္ေငြေတြလည္း ေလ်ာ့နည္းကုန္ပါၿပီ။ Flamengo (၂ဝ၁၁ – ၂ဝ၁၂) ၊ Atlético Mineiro (၂ဝ၁၂ – ၂ဝ၁၄) ၊ Querétaro (၂ဝ၁၄ – ၂ဝ၁၅) နဲ႔ Fluminense (၂ဝ၁၅) ေတြမွာ ကစားခဲ့ျပန္တယ္။ အဲဒီကာလေတြမွာ သူ႕ရဲ႕ ရပ္တည္မႈဟာ အားကစားေလာကမွာ တျဖည္းျဖည္း အေရာင္မွိန္လာတယ္။

၂ဝ၁၅ခုႏွစ္ စက္တင္ဘာလ (၂၈) ရက္ေန႔မွာ Fluminense အသင္းတာဝန္ရွိသူေတြနဲ႔ ညွိႏႈိင္းၿပီး စာခ်ဳပ္ကုိ ဖ်က္သိမ္းခဲ့တယ္။ ၿပီးေတာ့ အိႏၵိယႏုိင္ငံမွာ ဖူဆယ္ကစားေသးတယ္။

၂ဝ၁၈ခုႏွစ္ ဇန္နဝါရီ (၁၇) ရက္ေန႔မွာ ေဘာလုံးသမားဘဝမွ အနားယူေၾကာင္း တရားဝင္ေၾကညာခဲ့တယ္။ အခုမွ ေၾကညာတာဆုိေပမယ့္ အသင္းလက္မဲ့ျဖစ္ေနတာ ၂ဝ၁၅ခုႏွစ္ စက္တင္ဘာလကတည္းကပါ။ ကစားသမားဘဝတုန္းက ေငြေၾကးမစုေဆာင္းမိခဲ့တဲ့ Ronaldinho ဟာ စီးပြားေရးလုပ္ေတာ့လည္း ကံမေကာင္းတတ္။ ေျမြပူရာ ကင္းေမွာက္တယ္လုိ႔ပဲ ေျပာမလား၊ လဲရာ သူခုိးေထာင္းတယ္လုိ႔ ဆုိမလား၊ ကံဆုိးမ သြားရာ မုိးလုိက္လုိ႔ရြာပဲ ေဖာ္က်ဴးမလား မေျပာတတ္။

၂ဝ၁၅ခုႏွစ္တုန္းက သူနဲ႔ သူ႕အကုိ Roberto Assis တုိ႔ဟာ အစုိးရခြင့္ျပဳခ်က္မရဘဲ တားျမစ္ေနရာမွာ ေဆာက္လုပ္ေရးလုပ္ခဲ့တဲ့အတြက္ ဒဏ္ရုိက္ခံခဲ့ရပါတယ္။ အေၾကြးေတြဟာ ေပါင္ (၁.၇) သန္းအထိရွိလာၿပီျဖစ္တာေၾကာင့္ ႏုိင္ငံရပ္ျခားကုိ ထြက္ေျပးလုိ႔မရႏုိင္ေအာင္ Rio Grande do Sul ျပည္နယ္တရားရုံးက သူ႕ရဲ႕ ႏုိင္ငံကူးလက္မွတ္ (Passport) ကုိ သိမ္းဆည္းဖုိ႔ ညႊန္ၾကားထားပါတယ္။ သူ႕ရဲ႕ဘဏ္အေကာင့္ထဲမွာ  ၅.၂၄ေပါင္ (၁ဝ,၉ဝ၉ က်ပ္) သာက်န္ရွိေတာ့တယ္လုိ႔ သိရပါတယ္။

Ronaldinho ဟာ တင္ရွိေနတဲ့ အေၾကြးေတြဆပ္ႏုိင္ဖုိ႔ တရုတ္နဲ႔ ဂ်ပန္ႏုိင္ငံေတြမွာ Nike ေၾကာ္ျငာေတြ ရုိက္ကူးၿပီး ပုိက္ဆံျပန္ရွာေနရပါတယ္။ သူဟာ ဘာစီလုိနာအသင္းမွာ ကစားတုန္းက ဘရာဇီးလ္ – စပိန္ (Dual Citizenship) ႏုိင္ငံသားခံယူထားသူျဖစ္တဲ့အတြက္ စပိန္ႏုိင္ငံကူးလက္မွတ္ကုိပဲ အသုံးျပဳလုိ႔ရေတာ့တာပါ။

“ပါရမီေၾကာင့္ ထိပ္ဆုံးကုိ ေရာက္သြားႏုိင္တယ္။ ဒါေပမယ့္ ႀကိဳးစားမႈကပဲ ထိပ္ဆုံးမွာ ဆက္ထိန္းႏုိင္မယ္” ဆုိတဲ့ စကားဟာ Ronaldinho အတြက္ ေသြးထြက္ေအာင္ မွန္တယ္။ သူဟာ ၂ဝဝ၂ခုႏွစ္မွာ ကမၻာေက်ာ္ျဖစ္လာတယ္။ ၂ဝဝ၅ခုႏွစ္မွာ သူ႕ေအာင္ျမင္မႈ အထြဋ္အထိပ္ပဲ။ ဒါေပမယ့္ သူဟာ အေပ်ာ္အပါးမက္လြန္းတယ္။ ႀကိဳးစားမႈမရွိတာေၾကာင့္ ေအာင္ျမင္မႈကုိ ေရရွည္မထိန္းႏုိင္ဘူး။ အသက္ (၃ဝ) မျပည့္ေသးခင္ ေျခစြမ္းက်သြားၿပီ။ ေကာက္ရုိးမီးလုိပဲ။

တျခားလူကုိ မၾကည့္နဲ႔။ ဂ်ဴဗင္တပ္တုိက္စစ္မွဴး Cristiano Ronaldo ကုိပဲ ခ်ိန္ထုိး။ ေဘာလုံးစြမ္းရည္ေၾကာင့္ တစ္ဦးခ်င္းေအာင္ျမင္မႈေတြ ရလာေပမယ့္ ေအာင္ျမင္မႈကုိ ႀကိဳးစားမႈနဲ႔ပဲ ဆက္ထိန္းထားတယ္။ (၃၃) ႏွစ္ရွိၿပီဆုိေပမယ့္ ဇရာကုိ အံတုႏုိင္တယ္။ ေလ့က်င့္ေရးကြင္းကုိ အေစာဆုံးလာၿပီး ေနာက္အက်ဆုံးျပန္တာ Cristiano Ronaldo ပဲ။ ေဘာလုံးသမားဘဝမွာ ေငြေၾကးမစုေဆာင္းဘဲ အေပ်ာ္အပါးမက္လြန္းတဲ့အတြက္ Ronaldinho ဟာ လက္ရွိအခ်ိန္မွာ ဒုကၡေရာက္ရတာျဖစ္ပါတယ္။

ေက်ာ္စုိးေအာင္ (အခရာ)

www.akhayar.com 

[Unicode]

ဂန္ထဝင်ဘောလုံးသမားကြီး Ronaldinho ဘာကြောင့် ဆင်းရဲသွားတာလဲ

ဘောလုံးလောကမှာ Ronaldinho လို့ပြောလိုက်ရင် မသိသူမရှိ။ မှော်ဝင်ခြေစွမ်းတွေနဲ့ ပြိုင်ဘက်နောက်တန်းတွေကို သွေးပျက်စေသူ။ ဘောလုံးဆိုတာ သူ့အတွက် သံလိုက်မှာ ကပ်နေတဲ့ သံမှုန်လေးသဖွယ် ဖမ်းစားနိုင်တဲ့သူပါ။ သူ့ကို မွေးတာက ၁၉၈ဝခုနှစ် မတ်လ (၂၁) ရက်။ ရှစ်နှစ်သားလောက်တုန်းက သူ့ ခြေစွမ်းကို ဒေသခံတွေက သတိပြုမိလာတယ်။ ပြိုင်ဘက်ဘောလုံးအသင်းကို ၂၃ဂိုး – ဂိုးမရှိနဲ့ အနိုင်ရတုန်းက သူတစ်ယောက်တည်းနဲ့ (၂၃) ဂိုးလုံး သွင်းပစ်တယ်။ အဲဒီလိုနဲ့ ၁၉၉၇ခုနှစ်မှာ ဘရာဇီးအသင်းကို ယူ-၁၇ ဖီဖာချန်ပီယံရှစ်မှာ ဗိုလ်စွဲစေတယ်။ သူအားကျရတဲ့သူတွေက Rivelino ၊ Diego Maradona ၊ Romário ၊ Ronaldo နဲ့ Rivaldo တို့ပါ။

မိခင်ကလပ် Gremio မှာ ခြေစွမ်းပြတယ်။ ၂ဝဝ၁ခုနှစ်ကို ရောက်တော့ PSG အသင်းကို ယူရို (၅) သန်းနဲ့ ပြောင်းရွှေ့သွားတယ်။ ပြင်သစ်မြေမှာလည်း သူဟာ ကမ္ဘာ့အဆင့်ကစားသမားဖြစ်ကြောင်း သက်သေပြနိုင်ခဲ့တယ်။ ၂ဝဝ၂ ကမ္ဘာ့ဖလားကွာတားဖိုင်နယ်မှာ အင်္ဂလန်ဂိုးသမားကြီး David Seaman ကို ကျော်ပြီး ကိုက် (၄ဝ) အကွာက သွင်းယူခဲ့တဲ့ ဖရီးကစ်ဂိုးဟာ သူ့အတွက် အမှတ်ရစရာပါပဲ။

စိန်တစ်လုံး၊ ကျောက်တစ်ပွင့်မှာ အနာမကင်းသလိုပဲ Ronaldinho မှာလည်း အားနည်းချက်ရှိတယ်။ သူက အပျော်အပါးမက်လွန်းတယ်။ ပါတီပွဲတွေ ကျင်းပရတာ ပျော်တယ်။ Night Out ထွက်ချင်တယ်။ PSG အသင်းမှာ ကစားတုန်းက တစ်ပတ်မှာ တစ်ရက်ပဲ လေ့ကျင့်ခန်းဆင်းတယ်။ စနေနေ့မှာ ဘောလုံးပွဲကန်စရာရှိမှ သောကြာနေ့မှာ လေ့ကျင့်ခန်းဆင်းတာလို့ ကစားဖော် Jerome Leroy က ပြောတယ်။

၂ဝဝ၃ခုနှစ်မှာ ဘာစီလိုနာအသင်းကို ရောက်တယ်။ ဒီကာလတွေဟာ သူ့အတွက် ရွှေရောင်အချိန်တွေပါ။ ဖီဖာကမ္ဘာ့အကောင်းဆုံးဘောလုံးသမားဆု (FIFA World Player of the Year) ကို ၂ဝဝ၄ခုနှစ်နဲ့ ၂ဝဝ၅ခုနှစ်တွေမှာ ရရှိခဲ့သလို Ballon d’Or ဆုကို ၂ဝဝ၅ခုနှစ်မှာ ဆွတ်ခူးပြန်တယ်။ ၂ဝဝ၈ခုနှစ်မှာ ကမ္ဘာကျော် Forbes မဂ္ဂဇင်းရဲ့ လွှမ်းမိုးမှုအရှိဆုံးပုဂ္ဂိုလ် (၁ဝဝ) စာရင်းမှာ အဆင့် (၃၈) ချိတ်တယ်။ ပြီးတော့ ဝင်ငွေက ဒေါ်လာ (၃၇) သန်းအထိ ရှိခဲ့တယ်။

လေ့ကျင့်ခန်းကို ပုံမှန်မဆင်းသလို ညဘက်မှာ ကလပ်တက်တဲ့ အကျင့်က Ronaldinho ကို လမ်းဘေးရောက်စေတာပဲ။ မိန်းမလိုက်စားတယ်၊ အသောက်ဖက်လာတယ်။ လေ့ကျင့်ခန်းပုံမှန်မဆင်းတော့ ကိုယ်လက်ကြံ့ခိုင်မှု အားနည်းလာတယ်။ ကိုယ်အလေးချိန်တက်လာတယ်။

ဘောလုံးစွမ်းရည်ကောင်းပေမယ့် လေ့ကျင့်ရည်မပြည့်တာကြောင့် အရင်လို မမြန်တော့ဘူး။ ဘာစီလိုနာအသင်းတာဝန်ရှိသူတွေက သူ့အကျင့်ဆိုးတွေဟာ လူငယ်ခြေတက် Lionel Messi ကို လွှမ်းမိုးမှာစိုးလို့ ၂ဝဝ၈ခုနှစ်မှာ အေစီမီလန်အသင်းကို ရောင်းထုတ်ခဲ့တယ်။

စပိန်နဲ့ အီတလီနိုင်ငံပြောင်းသွားတာပဲရှိတယ်။ Ronaldinho ရဲ့ အကျင့်တွေက “အရင်လိုပါပဲ အရင်အတိုင်းပဲ” ။ တစ်ညလုံး ကဲတယ်။ အပျော်အပါးလိုက်စားတယ်။ မနက်ပိုင်းကျတော့ လေ့ကျင့်ခန်း မဆင်းနိုင်တော့ဘူး။ တန်းအိပ်တာပဲ။ အဲဒီအချိန်တုန်းက အေစီမီလန်နည်းပြကြီး Carlo Ancelotti ဆိုရင် “Ronaldinho လိုကောင်မျိုး မြောင်းထဲရောက်တာ အံ့သြစရာမရှိဘူး။ ဘောလုံးမှာ ပါရမီရှိပေမယ့် ကြံ့ခိုင်မှုမှ မရှိတာလေ” လို့ ရင်ဖွင့်သွားပါတယ်။

အီတလီမြေကနေ မိခင်ဘရာဇီးနိုင်ငံကို ပြန်ရောက်ရတယ်။ လစာ၊ ဝင်ငွေတွေလည်း လျော့နည်းကုန်ပါပြီ။ Flamengo (၂ဝ၁၁ – ၂ဝ၁၂) ၊ Atlético Mineiro (၂ဝ၁၂ – ၂ဝ၁၄) ၊ Querétaro (၂ဝ၁၄ – ၂ဝ၁၅) နဲ့ Fluminense (၂ဝ၁၅) တွေမှာ ကစားခဲ့ပြန်တယ်။ အဲဒီကာလတွေမှာ သူ့ရဲ့ ရပ်တည်မှုဟာ အားကစားလောကမှာ တဖြည်းဖြည်း အရောင်မှိန်လာတယ်။

၂ဝ၁၅ခုနှစ် စက်တင်ဘာလ (၂၈) ရက်နေ့မှာ Fluminense အသင်းတာဝန်ရှိသူတွေနဲ့ ညှိနှိုင်းပြီး စာချုပ်ကို ဖျက်သိမ်းခဲ့တယ်။ ပြီးတော့ အိန္ဒိယနိုင်ငံမှာ ဖူဆယ်ကစားသေးတယ်။

၂ဝ၁၈ခုနှစ် ဇန်နဝါရီ (၁၇) ရက်နေ့မှာ ဘောလုံးသမားဘဝမှ အနားယူကြောင်း တရားဝင်ကြေညာခဲ့တယ်။ အခုမှ ကြေညာတာဆိုပေမယ့် အသင်းလက်မဲ့ဖြစ်နေတာ ၂ဝ၁၅ခုနှစ် စက်တင်ဘာလကတည်းကပါ။ ကစားသမားဘဝတုန်းက ငွေကြေးမစုဆောင်းမိခဲ့တဲ့ Ronaldinho ဟာ စီးပွားရေးလုပ်တော့လည်း ကံမကောင်းတတ်။ မြွေပူရာ ကင်းမှောက်တယ်လို့ပဲ ပြောမလား၊ လဲရာ သူခိုးထောင်းတယ်လို့ ဆိုမလား၊ ကံဆိုးမ သွားရာ မိုးလိုက်လို့ရွာပဲ ဖော်ကျူးမလား မပြောတတ်။

၂ဝ၁၅ခုနှစ်တုန်းက သူနဲ့ သူ့အကို Roberto Assis တို့ဟာ အစိုးရခွင့်ပြုချက်မရဘဲ တားမြစ်နေရာမှာ ဆောက်လုပ်ရေးလုပ်ခဲ့တဲ့အတွက် ဒဏ်ရိုက်ခံခဲ့ရပါတယ်။ အကြွေးတွေဟာ ပေါင် (၁.၇) သန်းအထိရှိလာပြီဖြစ်တာကြောင့် နိုင်ငံရပ်ခြားကို ထွက်ပြေးလို့မရနိုင်အောင် Rio Grande do Sul ပြည်နယ်တရားရုံးက သူ့ရဲ့ နိုင်ငံကူးလက်မှတ် (Passport) ကို သိမ်းဆည်းဖို့ ညွှန်ကြားထားပါတယ်။ သူ့ရဲ့ဘဏ်အကောင့်ထဲမှာ  ၅.၂၄ပေါင် (၁ဝ,၉ဝ၉ ကျပ်) သာကျန်ရှိတော့တယ်လို့ သိရပါတယ်။

Ronaldinho ဟာ တင်ရှိနေတဲ့ အကြွေးတွေဆပ်နိုင်ဖို့ တရုတ်နဲ့ ဂျပန်နိုင်ငံတွေမှာ Nike ကြော်ငြာတွေ ရိုက်ကူးပြီး ပိုက်ဆံပြန်ရှာနေရပါတယ်။ သူဟာ ဘာစီလိုနာအသင်းမှာ ကစားတုန်းက ဘရာဇီးလ် – စပိန် (Dual Citizenship) နိုင်ငံသားခံယူထားသူဖြစ်တဲ့အတွက် စပိန်နိုင်ငံကူးလက်မှတ်ကိုပဲ အသုံးပြုလို့ရတော့တာပါ။

“ပါရမီကြောင့် ထိပ်ဆုံးကို ရောက်သွားနိုင်တယ်။ ဒါပေမယ့် ကြိုးစားမှုကပဲ ထိပ်ဆုံးမှာ ဆက်ထိန်းနိုင်မယ်” ဆိုတဲ့ စကားဟာ Ronaldinho အတွက် သွေးထွက်အောင် မှန်တယ်။ သူဟာ ၂ဝဝ၂ခုနှစ်မှာ ကမ္ဘာကျော်ဖြစ်လာတယ်။ ၂ဝဝ၅ခုနှစ်မှာ သူ့အောင်မြင်မှု အထွဋ်အထိပ်ပဲ။ ဒါပေမယ့် သူဟာ အပျော်အပါးမက်လွန်းတယ်။ ကြိုးစားမှုမရှိတာကြောင့် အောင်မြင်မှုကို ရေရှည်မထိန်းနိုင်ဘူး။ အသက် (၃ဝ) မပြည့်သေးခင် ခြေစွမ်းကျသွားပြီ။ ကောက်ရိုးမီးလိုပဲ။

တခြားလူကို မကြည့်နဲ့။ ဂျူဗင်တပ်တိုက်စစ်မှူး Cristiano Ronaldo ကိုပဲ ချိန်ထိုး။ ဘောလုံးစွမ်းရည်ကြောင့် တစ်ဦးချင်းအောင်မြင်မှုတွေ ရလာပေမယ့် အောင်မြင်မှုကို ကြိုးစားမှုနဲ့ပဲ ဆက်ထိန်းထားတယ်။ (၃၃) နှစ်ရှိပြီဆိုပေမယ့် ဇရာကို အံတုနိုင်တယ်။ လေ့ကျင့်ရေးကွင်းကို အစောဆုံးလာပြီး နောက်အကျဆုံးပြန်တာ Cristiano Ronaldo ပဲ။ ဘောလုံးသမားဘဝမှာ ငွေကြေးမစုဆောင်းဘဲ အပျော်အပါးမက်လွန်းတဲ့အတွက် Ronaldinho ဟာ လက်ရှိအချိန်မှာ ဒုက္ခရောက်ရတာဖြစ်ပါတယ်။

ကျော်စိုးအောင် (အခရာ)

www.akhayar.com