[Zawgyi]

ျမန္မာအမ်ိဳးသမီးေတြ ၾကံဳေတြ႕ေနရတဲ့ ကာယိေႁႏၵထိခိုက္ေစေသာအျပဳအမူမ်ား

အေဝးေျပးကားေပၚမွာ လက္ေခ်ာင္းႀကီးနဲ႔လာလာပြတ္တယ္ဆိုတဲ့ သတင္းတစ္ပုဒ္ကို ဖတ္လိုက္ရပါတယ္။ ဒါက ေတာ္ေတာ္ဆိုးတဲ့ကိစၥပါ။ တကယ္ေတာ့ ဒီအေဝးေျပးကားေပၚမွာမွမဟုတ္ပါဘူး၊ ေနရာေတာ္ေတာ္မ်ားမ်ားမွာ ကာယိေႁႏၵထိခိုက္ေစတဲ့အျပဳအမူအမ်ိဳးမ်ိဳးေၾကာင့္ အမ်ိဳးသမီေတြဟာ စိတ္အေနွာက္အယွက္ျဖစ္ရပါတယ္။ ေယာက်္ားေလးေတြ ခံရတဲ့ကိစၥမ်ိဳးေတြရွိေပမယ့္လည္း ဒါကမိန္းမအခ်ိဳးနဲ႔ယွဥ္ရင္ မေျပာပေလာက္ပါဘူး။ ဒါေတြ ပေပ်ာက္ေအာင္ဘယ္လိုလုပ္မလဲ။ ဥပေဒကေရာ ဘယ္လုိအကာအကြယ္ေပးထားသလဲဆိုတာကို ေျပာျပသြားပါမယ္။

 အသံ

ကာယိေႁႏၵထိခိုက္တယ္ဆိုတာက လမ္းသြားေနတဲ့ေကာင္မေလးေယာက္ကို

“အႀကီးႀကီးပဲဟ”

“အကိတ္ႀကီး”

“ရွယ္ႀကီးကြာ” ဆိုတဲ့စကားမ်ိဳး (ဒါမွမဟုတ္) အလားတူစကားမ်ိဳးကို တိုးတိုးတစ္မ်ိဳး၊ က်ယ္က်ယ္တစ္မ်ိဳး မၾကားၾကားေအာင္ ေျပာဆိုတာမ်ိဳးကို ေျပာတာပါ။ လက္ေခါက္မႈတ္တာတို႔၊ နာမည္ေခၚတာတို႔လည္း အတူတူပါပဲ။ ဒီလုိမ်ိဳးက ျမန္မာမိန္းကေလးေတာ္ေတာ္မ်ားမ်ားၾကံဳေတြ႕ဖူးတဲ့ အရာျဖစ္မွာပါ။

မ်က္လံုး

ေနာက္တစ္ခုက ကိေလသာမ်က္လံုးပါ။ ဒါမ်ိဳးက လမ္းသြားလမ္းလာမွမဟုတ္ပါဘူး။ အလုပ္ခြင္မွာပါ ၾကံဳရတတ္ပါတယ္။ လိင္ဆႏၵတပ္မက္တဲ့ စူးစူးရဲရဲအၾကည့္ေတြဆိုတာမ်ိဳးကလည္း မိန္းကေလးေတြရဲ႕ကာယိေႁႏၵကို ပ်က္ျပားေစပါတယ္။ တင္သား၊ ရင္သားေတြကေန အၾကည့္မခြာဘဲ စိုက္ၾကည္႔ေနတာမ်ဳိးကိုလည္း ၾကံဳဖူးၾကမွာပါ။

ရုပ္ရည္

ဒါကိုေတာ့ Body Shaming လုပ္တယ္လို႔ေျပာလို႔ရပါတယ္။ ပိန္ပိန္ေသးေသးဆို ­ငါးေဖာင္ရိုးမ၊ ဂြက္ေထာ္ဆင္မယဥ္သာဆိုတဲ့စကားမ်ိဳးေတြနဲ႔ ကိုယ္ခႏၶာအသြင္သ႑ာန္ကို ေယာက်္ားေလးေတြက လူျမင္ကြင္းမွာ ေလွာင္ေျပာင္တာပါ။ ကၽြန္ေတာ္တို႔လူ႔အသိုင္းအဝိုင္းမွာခ်စ္လို႔ခင္လို႔ အေပ်ာ္အျပက္စတာမ်ိဳးကိုေတာ့ Body Shaming လုပ္တယ္လို႔ဆိုႏိုင္ေပမယ့္လူျမင္ကြင္းမွာ အုပ္စုလိုက္ေလွာင္ေျပာင္တဲ့ပံုစံဆိုရင္ေတာ့ ဒါဟာမိန္းကေလးေတြကို ကာယိေႁႏၵပ်က္ျပားေစတဲ့အျပဳအမူမ်ိဳးပဲျဖစ္ပါတယ္။

ေတြ႕ထိကိုင္တြယ္ျခင္း

ဘတ္(စ္)စီးတဲ့မိန္းကေလးတိုင္း  မျဖစ္မေနၾကံဳတတ္တာက ဘတ္(စ္)ကားစပယ္ယာေတြရဲ႕ လက္ဆြဲတာ၊ ခါးကေနပင့္တင္တဲ့လုပ္ရပ္ေတြပါ။ ေနာက္တစ္မ်ိဳးက မၾကံဳဖူးရင္ေတာင္ၾကားဖူးမယ္လို႔႔ထင္ပါတယ္။ အေနာက္ကလာေထာက္တာမ်ိဳးျဖစ္ျဖစ္၊ မထိတထိလာထိတာမ်ိဳးပဲျဖစ္ျဖစ္ တစ္ခုမဟုတ္တစ္ခု အနည္းနဲ႔အမ်ားဆိုသလို ၾကံဳတတ္ပါတယ္။ ရုံးဆင္းရံုးတက္ YBS ရဲ႕ခပ္က်ပ္က်ပ္အခ်ိန္ဆိုရင္ ေရွာင္ခ်င္ရင္ ေတာင္ေနရာ မရွွွိပါဘူး။ ေနာက္တစ္ခုက အလုပ္ခြင္မွာပါ။ ခ်စ္သလို၊ ခင္သလိုနဲ႔ ဟိုလာတို႔၊ ဒီလာကိုင္တဲ့ပံုစံ ေတြပါ။ ဒီလုိမ်ိဳးလုပ္ရပ္ေတြကို မႀကိဳက္တဲ့ပိုမ်ားမယ္လို႔ထင္ပါတယ္။ ကိုယ္ကမႀကိဳက္ဘဲနဲ႔ ကိုယ့္ကို ဟိုတို႔ဒီတို႔လာလုပ္၊ အထက္လူႀကီးဆိုေတာ့ ျပန္ေျပာရတာလဲခက္၊ ခံရတာလည္းခက္ျဖစ္ေနတဲ့ မိန္းကေလးေတြ ရွိေကာင္းရွိမွာပါ။ ဒီလိုပံုစံေတြကလည္း ကာယိေႁႏၵပ်က္ျပားေစတဲ့ အျပဳအမူေတြျဖစ္ပါတယ္။

မဖြယ္မရာပံုေတြကိုျမင္ေတြ႕ေအာင္ျပျခင္း

ဒါကေတာ့ အမ်ိဳးမ်ိဳးျဖစ္ႏို္င္ပါတယ္။ Facebook ရဲ႕ Chat Box ကေနပို႔တာ၊ E-mail နဲ႔ပို႔တာ၊ ကိုယ့္ကိုအဲ့ဒီလုိပံုေတြ မျမင္ျမင္ေအာင္နည္းအမ်ိဳးမ်ိဳးနဲ႔ျပတာ အကုန္လံုးကို ဆိုလိုပါတယ္။ အခုေျပာျပတဲ့အရာအားလံုးကိုေက်ာ္လာတယ္ဆိုရင္ေတာ့ အေျခအေနေတာ္ေတာ္ဆိုးေနပါၿပီ။ ဥပေဒနဲ႔ ရင္ဆိုင္သင့္ပါတယ္။

ဥပေဒရဲ႕အကာအကြယ္

 ပုဒ္မ ၃၅၄

 မည္သူမဆို မိန္းမတစ္ဦး၏ကာယိေႁႏၵကို ပ်က္စီးေစရန္ အၾကံျဖင့္ေသာ္လည္းေကာင္း၊ ကာယိေႁႏၵကိုပ်က္စီးတန္ရာသည္ကို သိလွ်က္နဲ႔ေသာ္လည္းေကာင္း၊ ထိုမိန္းမကိုလက္ေရာက္မႈက်ဴးလြန္လွ်င္ သို႔မဟုတ္ ရာဇဝတ္မႈကင္းေသာ အႏိုင္အထက္ျပဳမႈကိုုျပဳလွ်င္ ထိုသူအား ၂ ႏွစ္အထိေထာင္ဒဏ္တစ္မ်ိဳးမ်ိဳးျဖစ္ေစ၊ ေငြဒဏ္ျဖစ္ေစ၊ ဒဏ္ႏွစ္ရပ္လံုးျဖစ္ေစ ခ်မွတ္ရမည္။

ပုဒ္မ ၅၀၉

မည္သူမဆို မိန္းမတစ္ဦးဦး၏ ကာယိေႁႏၵကိုေစာ္ကားရန္ ၾကံရြယ္၍ ေျပာဆိုျခင္းျပဳသည္တြင္ (သို႔တည္းမဟုတ္) အသံျပဳသည္တြင္ (သို႔တည္းမဟုတ္) ကုိယ္အမူအရာကိုျပသသည္တြင္ ေျပာဆိုေသာစကားကိုျဖစ္ေစ၊ ျပဳေသာအသံကိုျဖစ္ေစ၊ ထိုမိန္းမၾကားေစရန္ၾကံရြယ္လွ်င္ (သို႔တည္းမဟုတ္) ျပဳေသာကိုယ္အမူအရာကိုျဖစ္ေစ၊ ျပေသာကိုယ္အမူအရာကိုျဖစ္ေစ၊ ျပေသာအရာဝတၳဳကိုျဖစ္ေစ၊ ထိုမိန္းမအားျမင္ေစရန္ၾကံရြယ္လွ်င္ (သို႔မဟုတ္) ထုိမိန္းမအား ထိုမိန္းမအား ကာယိေႁႏၵကို ေစာ္ကားရန္ ၾကံရြယ္၍ ထိုမိန္းမ၏ ဆိတ္ကြယ္ရာသို႔က်ဴးေက်ာ္လွ်င္ ထုိသူကိုတစ္ႏွစ္အထိ အလုပ္မဲ့ေထာင္ဒဏ္ကိုျဖစ္ေစ၊ ေငြဒဏ္ျဖစ္ေစ၊ ဒဏ္ႏွစ္ရပ္လံုးျဖစ္ေစခ်မွတ္ရမည္။

မိန္းကေလးေတြကို ဒီလိုမ်ိဳးစၾကေနာက္ၾကလုပ္တာက ဓေလ့ႀကီးလုိျဖစ္ေနေတာ့ ေပ်ာက္သြားဖို႔ဆိုတာ ေယာက်္ားေလးေတြအားလံုး ပူးေပါင္းပါဝင္မွရမွာပါ။ ဥပေဒက ဘယ္လုိပဲကာကြယ္ေပးထားတယ္ေျပာေျပာ၊ တရားရံုးေရာက္မွာကေနာက္ ကိုယ္ခံရမွာက အရင္ပါ။ ေနာက္ၿပီး ျမန္မာမိန္းကေလးေတြဆိုတာက ရွက္တတ္ေၾကာက္တတ္ေတာ့ ရံုးေရာက္ဂိတ္ေရာက္မျဖစ္ခ်င္ၾကသလို လူျမင္ကြင္းမွာျဖစ္ခဲ့ရင္ေတာင္ ေခါင္းငံု႔ခံလာၾကတာမ်ားပါတယ္။ တကယ္ေတာ့ဒီလိုကိစၥေတြမွာ ရွက္သင့္တာက ျပဳလုပ္သူေတြသာျဖစ္ပါတယ္။

မင္းသုခ (အခရာ)

(www.akhayar.com)

[Unicode]

မြန်မာအမျိုးသမီးတွေ ကြုံတွေ့နေရတဲ့ ကာယိန္ဒြေထိခိုက်စေသောအပြုအမူများ

အဝေးပြေးကားပေါ်မှာ လက်ချောင်းကြီးနဲ့လာလာပွတ်တယ်ဆိုတဲ့ သတင်းတစ်ပုဒ်ကို ဖတ်လိုက်ရပါတယ်။ ဒါက တော်တော်ဆိုးတဲ့ကိစ္စပါ။ တကယ်တော့ ဒီအဝေးပြေးကားပေါ်မှာမှမဟုတ်ပါဘူး၊ နေရာတော်တော်များများမှာ ကာယိန္ဒြေထိခိုက်စေတဲ့အပြုအမူအမျိုးမျိုးကြောင့် အမျိုးသမီတွေဟာ စိတ်အနှောက်အယှက်ဖြစ်ရပါတယ်။ ယောကျ်ားလေးတွေ ခံရတဲ့ကိစ္စမျိုးတွေရှိပေမယ့်လည်း ဒါကမိန်းမအချိုးနဲ့ယှဉ်ရင် မပြောပလောက်ပါဘူး။ ဒါတွေ ပပျောက်အောင်ဘယ်လိုလုပ်မလဲ။ ဥပဒေကရော ဘယ်လိုအကာအကွယ်ပေးထားသလဲဆိုတာကို ပြောပြသွားပါမယ်။

 အသံ

ကာယိန္ဒြေထိခိုက်တယ်ဆိုတာက လမ်းသွားနေတဲ့ကောင်မလေးယောက်ကို

“အကြီးကြီးပဲဟ”

“အကိတ်ကြီး”

“ရှယ်ကြီးကွာ” ဆိုတဲ့စကားမျိုး (ဒါမှမဟုတ်) အလားတူစကားမျိုးကို တိုးတိုးတစ်မျိုး၊ ကျယ်ကျယ်တစ်မျိုး မကြားကြားအောင် ပြောဆိုတာမျိုးကို ပြောတာပါ။ လက်ခေါက်မှုတ်တာတို့၊ နာမည်ခေါ်တာတို့လည်း အတူတူပါပဲ။ ဒီလိုမျိုးက မြန်မာမိန်းကလေးတော်တော်များများကြုံတွေ့ဖူးတဲ့ အရာဖြစ်မှာပါ။

မျက်လုံး

နောက်တစ်ခုက ကိလေသာမျက်လုံးပါ။ ဒါမျိုးက လမ်းသွားလမ်းလာမှမဟုတ်ပါဘူး။ အလုပ်ခွင်မှာပါ ကြုံရတတ်ပါတယ်။ လိင်ဆန္ဒတပ်မက်တဲ့ စူးစူးရဲရဲအကြည့်တွေဆိုတာမျိုးကလည်း မိန်းကလေးတွေရဲ့ကာယိန္ဒြေကို ပျက်ပြားစေပါတယ်။ တင်သား၊ ရင်သားတွေကနေ အကြည့်မခွာဘဲ စိုက်ကြည့်နေတာမျိုးကိုလည်း ကြုံဖူးကြမှာပါ။

ရုပ်ရည်

ဒါကိုတော့ Body Shaming လုပ်တယ်လို့ပြောလို့ရပါတယ်။ ပိန်ပိန်သေးသေးဆို ­ငါးဖောင်ရိုးမ၊ ဂွက်ထော်ဆင်မယဉ်သာဆိုတဲ့စကားမျိုးတွေနဲ့ ကိုယ်ခန္ဓာအသွင်သဏ္ဍာန်ကို ယောကျ်ားလေးတွေက လူမြင်ကွင်းမှာ လှောင်ပြောင်တာပါ။ ကျွန်တော်တို့လူ့အသိုင်းအဝိုင်းမှာချစ်လို့ခင်လို့ အပျော်အပြက်စတာမျိုးကိုတော့ Body Shaming လုပ်တယ်လို့ဆိုနိုင်ပေမယ့်လူမြင်ကွင်းမှာ အုပ်စုလိုက်လှောင်ပြောင်တဲ့ပုံစံဆိုရင်တော့ ဒါဟာမိန်းကလေးတွေကို ကာယိန္ဒြေပျက်ပြားစေတဲ့အပြုအမူမျိုးပဲဖြစ်ပါတယ်။

တွေ့ထိကိုင်တွယ်ခြင်း

ဘတ်(စ်)စီးတဲ့မိန်းကလေးတိုင်း  မဖြစ်မနေကြုံတတ်တာက ဘတ်(စ်)ကားစပယ်ယာတွေရဲ့ လက်ဆွဲတာ၊ ခါးကနေပင့်တင်တဲ့လုပ်ရပ်တွေပါ။ နောက်တစ်မျိုးက မကြုံဖူးရင်တောင်ကြားဖူးမယ်လို့ထင်ပါတယ်။ အနောက်ကလာထောက်တာမျိုးဖြစ်ဖြစ်၊ မထိတထိလာထိတာမျိုးပဲဖြစ်ဖြစ် တစ်ခုမဟုတ်တစ်ခု အနည်းနဲ့အများဆိုသလို ကြုံတတ်ပါတယ်။ ရုံးဆင်းရုံးတက် YBS ရဲ့ခပ်ကျပ်ကျပ်အချိန်ဆိုရင် ရှောင်ချင်ရင် တောင်နေရာ မရှိပါဘူး။ နောက်တစ်ခုက အလုပ်ခွင်မှာပါ။ ချစ်သလို၊ ခင်သလိုနဲ့ ဟိုလာတို့၊ ဒီလာကိုင်တဲ့ပုံစံ တွေပါ။ ဒီလိုမျိုးလုပ်ရပ်တွေကို မကြိုက်တဲ့ပိုများမယ်လို့ထင်ပါတယ်။ ကိုယ်ကမကြိုက်ဘဲနဲ့ ကိုယ့်ကို ဟိုတို့ဒီတို့လာလုပ်၊ အထက်လူကြီးဆိုတော့ ပြန်ပြောရတာလဲခက်၊ ခံရတာလည်းခက်ဖြစ်နေတဲ့ မိန်းကလေးတွေ ရှိကောင်းရှိမှာပါ။ ဒီလိုပုံစံတွေကလည်း ကာယိန္ဒြေပျက်ပြားစေတဲ့ အပြုအမူတွေဖြစ်ပါတယ်။

မဖွယ်မရာပုံတွေကိုမြင်တွေ့အောင်ပြခြင်း

ဒါကတော့ အမျိုးမျိုးဖြစ်နိုင်ပါတယ်။ Facebook ရဲ့ Chat Box ကနေပို့တာ၊ E-mail နဲ့ပို့တာ၊ ကိုယ့်ကိုအဲ့ဒီလိုပုံတွေ မမြင်မြင်အောင်နည်းအမျိုးမျိုးနဲ့ပြတာ အကုန်လုံးကို ဆိုလိုပါတယ်။ အခုပြောပြတဲ့အရာအားလုံးကိုကျော်လာတယ်ဆိုရင်တော့ အခြေအနေတော်တော်ဆိုးနေပါပြီ။ ဥပဒေနဲ့ ရင်ဆိုင်သင့်ပါတယ်။

ဥပဒေရဲ့အကာအကွယ်

 ပုဒ်မ ၃၅၄

 မည်သူမဆို မိန်းမတစ်ဦး၏ကာယိန္ဒြေကို ပျက်စီးစေရန် အကြံဖြင့်သော်လည်းကောင်း၊ ကာယိန္ဒြေကိုပျက်စီးတန်ရာသည်ကို သိလျှက်နဲ့သော်လည်းကောင်း၊ ထိုမိန်းမကိုလက်ရောက်မှုကျူးလွန်လျှင် သို့မဟုတ် ရာဇဝတ်မှုကင်းသော အနိုင်အထက်ပြုမှုကိုပြုလျှင် ထိုသူအား ၂ နှစ်အထိထောင်ဒဏ်တစ်မျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

ပုဒ်မ ၅၀၉

မည်သူမဆို မိန်းမတစ်ဦးဦး၏ ကာယိန္ဒြေကိုစော်ကားရန် ကြံရွယ်၍ ပြောဆိုခြင်းပြုသည်တွင် (သို့တည်းမဟုတ်) အသံပြုသည်တွင် (သို့တည်းမဟုတ်) ကိုယ်အမူအရာကိုပြသသည်တွင် ပြောဆိုသောစကားကိုဖြစ်စေ၊ ပြုသောအသံကိုဖြစ်စေ၊ ထိုမိန်းမကြားစေရန်ကြံရွယ်လျှင် (သို့တည်းမဟုတ်) ပြုသောကိုယ်အမူအရာကိုဖြစ်စေ၊ ပြသောကိုယ်အမူအရာကိုဖြစ်စေ၊ ပြသောအရာဝတ္ထုကိုဖြစ်စေ၊ ထိုမိန်းမအားမြင်စေရန်ကြံရွယ်လျှင် (သို့မဟုတ်) ထိုမိန်းမအား ထိုမိန်းမအား ကာယိန္ဒြေကို စော်ကားရန် ကြံရွယ်၍ ထိုမိန်းမ၏ ဆိတ်ကွယ်ရာသို့ကျူးကျော်လျှင် ထိုသူကိုတစ်နှစ်အထိ အလုပ်မဲ့ထောင်ဒဏ်ကိုဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေချမှတ်ရမည်။

မိန်းကလေးတွေကို ဒီလိုမျိုးစကြနောက်ကြလုပ်တာက ဓလေ့ကြီးလိုဖြစ်နေတော့ ပျောက်သွားဖို့ဆိုတာ ယောကျ်ားလေးတွေအားလုံး ပူးပေါင်းပါဝင်မှရမှာပါ။ ဥပဒေက ဘယ်လိုပဲကာကွယ်ပေးထားတယ်ပြောပြော၊ တရားရုံးရောက်မှာကနောက် ကိုယ်ခံရမှာက အရင်ပါ။ နောက်ပြီး မြန်မာမိန်းကလေးတွေဆိုတာက ရှက်တတ်ကြောက်တတ်တော့ ရုံးရောက်ဂိတ်ရောက်မဖြစ်ချင်ကြသလို လူမြင်ကွင်းမှာဖြစ်ခဲ့ရင်တောင် ခေါင်းငုံ့ခံလာကြတာများပါတယ်။ တကယ်တော့ဒီလိုကိစ္စတွေမှာ ရှက်သင့်တာက ပြုလုပ်သူတွေသာဖြစ်ပါတယ်။

မင်းသုခ (အခရာ)

(www.akhayar.com)