အဟင်းဟင်း။ တချို့လူတွေက ပြောကြတယ်လေ “အအိပ်နဲ့အစား အငှားလိုက်တယ်” ဆိုပြီးတော့။ ကာဠနဂါးတွေအတွက် အအိပ်နဲ့အစား အငှားလိုက်လို့ရတဲ့ အခွင့်အလမ်းကောင်းကြီးလာပါပြီ။ အိပ်ယာပေါ်မှာ နှစ်လ (၆ဝ ရက်) လှဲအိပ်နေရုံနဲ့ ၁၆,၅ဝဝ ယူရို (၁၈,၅၂၁ ဒေါ်လာ) ရရှိနိုင်မှာ ဖြစ်ပါတယ်။ အသက် (၂၄) နှစ်မှ (၅၅) နှစ်ကြားမှာရှိတဲ့ အမျိုးသမီးတွေအနေနဲ့ အလွယ်တကူလျှောက်ရုံပါပဲ။

အာကာသထဲမှာ ဒြပ်ဆွဲပျော့ (Microgravity) ကြောင့် ဖြစ်ပေါ်တဲ့ ကိုယ်အလေးချိန်မဲ့သွားမှုဟာ အာကာသပညာရှင်တွေကို ဘယ်လောက်အထိ အကျိုးသက်ရောက်စေတယ်ဆိုတာ လေ့လာဖို့ အမျိုးသားလေကြောင်းနဲ့ အာကာသဦးစီးဌာန (National Aeronautics and Space Administration – NASA) နဲ့ ဥရောပအာကာသအဖွဲ့ အစည်း (European Space Agency) တို့ရဲ့ လမ်းညွှန်မှုကြောင့် ဂျာမဏီအာကာသစင်တာ (German Aerospace Center) က သုတေသနပြုလုပ်သွားမှာပါ။

လျှောက်ထားသူတွေဟာ သတ်မှတ်ထားတဲ့ အခန်းထဲမှာ နှစ်လကြာအောင် နေထိုင်ရမှာဖြစ်ပြီး သိပ္ပံပညာရှင်တွေက ဒြပ်ဆွဲပျော့ရဲ့ သက်ရောက်မှုကို လေ့လာသွားမှာဖြစ်ပါတယ်။ အာဟာရဗေဒပညာရှင်တွေ သတ်မှတ်ထားတဲ့ အစားအသောက်ကိုပဲ စားသုံးရမှာဖြစ်ပြီး လျှောက်ထားသူတွေအနေနဲ့ ဂျာမန်ဘာသာစကားကို တတ်မြောက်ထားရမှာဖြစ်ပါတယ်။ နှစ်လလောက် အိပ်လိုက်စားလိုက်လုပ်ရုံနဲ့ မြန်မာငွေ (၂၈ဝ) သိန်းကျော် ရချင်ရင်တော့ ဒီလင့်ခ်မှာ လျှောက်ထားနိုင်ပါတယ်။ အစားတလိုင်း အအိပ်တလိုင်း သူငယ်ချင်းမတွေကိုလည်း လက်တို့လိုက်ပါဦး။

Reference and Photo Credit – Fortune ၊ NASA

ကျော်စိုးအောင် (အခရာ)

www.akhayar.com