ဝန်ထမ်းဘဝဆိုတာ တစ်လလုံး ကြိုးစားပမ်းစား အလုပ်လုပ်ရပေမယ့်လည်း ရလာတဲ့လစာလေးတွေ ကြည့်ပြီး ကိုယ့်ကိုကိုယ် မျက်ရည်လည်ကြတဲ့သူတွေတောင် ရှိပါသေးတယ်။ အလုပ်ရှင်သူဌေးအတွက် နေ့စဉ်အလုပ်အကျွေးပြုရုံမက လူမှုအခက်အခဲများကိုလည်း ရင်ဆိုင်ဖြေရှင်းကြရပါသေးတယ်။ လက်ရှိထက် လစာပိုကောင်းတဲ့ အလုပ်အကိုင်ကို ပြောင်းသွားခဲ့ရင်လည်း သူဌေးက “ ဒီဝန်ထမ်းဟာ အလုပ်အပေါ်သစ္စာမရှိဘူး ၊ လစာပိုကောင်းတော့ အလုပ်ထွက်သွားတယ်” ဆိုပြီး သမုတ်ကြပါသေးတယ်။

တကယ်တော့ လစာပိုကောင်းတဲ့အလုပ်ကို ပြောင်းသွားတာ ဝန်ထမ်းရဲ့အပြစ်မဟုတ်ပါဘူး။ ပေးသင့်ပေးထိုက်တဲ့ လစာထက် လျှော့ပေးတဲ့ သူဌေးရဲ့အပြစ်သာ ဖြစ်ပါတယ်။ ပေးအပ်ထားတဲ့ တာဝန်ကို ကျေပွန်အောင် ထမ်းဆောင်ခဲ့ပေမယ့်လည်း အရည်အချင်းရှိသူကို နေရာမပေးဘဲ ဖော်လံဖားတွေကိုသာ နေရာပေးတတ်တဲ့ မန်နေဂျာမျိုးတွေရဲ့ လက်အောက်မှာ လုပ်ကိုင်ရပြီဆိုရင်လည်း အမျိုးမျိုးဒုက္ခရောက်ကြရပါသေးတယ်။ ရရှိလာတဲ့ အခြေခံလစာ ၊ တွေ့ကြုံလာရတဲ့ အခက်အခဲ ၊ ကြီးမြင့်လာတဲ့ ကုန်ဈေးနှုန်းကို ရင်ဆိုင်အံတုရင်း သံသရာလည်နေပါတော့တယ်။

ကိုယ့်ဘဝကို တိုးတက်အောင် မကြိုးစားဘဲ သူတစ်ပါးကို ချောက်တွန်းလိုက်ရမှ နေရာရတတ်တယ်လို့ တွေးထင်နေကြတဲ့ ဝန်ထမ်းမျိုးတွေနဲ့ တွဲဖက်လုပ်ကိုင်ရမယ်ဆိုရင်လည်း ဒုက္ခမျိုးစုံ ခံစားရပြီး မပျော်မရွှင်ဖြစ်ကြရပါတယ်။ ရလာတဲ့ လစာလေးကို ကျစ်ကျစ်ပါအောင် ကိုင်ထားရင်း အခက်အခဲမျိုးစုံကို ဖြေရှင်းနေကြရတဲ့ ဝန်ထမ်းများပဲ ဖြစ်ပါတယ်။

တကယ်လို့ ဝန်ထမ်းတွေရဲ့ဘဝမှာ တစ်လလုံး ကြိုးကြိုးစားစားလုပ်ပြီး ရလာတဲ့လစာက မဆို့မပို့ဖြစ်နေတယ်လို့ ထင်နေတာလား။ အကျိုးအမြတ်ကိုတော့ အလုပ်ရှင်သူဌေးကသာ အပြည့်အဝခံစားပြီး ဝန်ထမ်းတွေဘဝက “အမိမဲ့သား ရေနည်းငါး” ဖြစ်နေတယ်လို့ ထင်နေတာလား။ အဲလိုထင်နေရင်တော့ သင်ကိုယ်တိုင် ကြီးပွားတိုးတက်အောင် ကြိုးစားပြီး ကုမ္မဏီတစ်ခုထောင်နိုင်အောင် ကြိုးစားလိုက်ပါ။ ပြီးမှ ဘဝတူ ဝန်ထမ်းတွေကို စာနာစိတ်အပြည့်နဲ့ အကောင်းဆုံး ကူညီလိုက်ပါ။ စာနာစိတ်ပြည့်နေတဲ့ လောကကြီးက သာယာလှပနေပါလိမ့်မယ်။ လောကလူသားများအားလုံးကို စာနာစိတ်လေးနဲ့ လွှမ်းခြုံကြပါစို့။

ကျော်စိုးအောင် (အခရာ)

www.akhayar.com