လင့်ခ်လမ်းလမ်းဆုံမှာ သူ့ကိုမသိတဲ့သူမရှိ။ ယာဉ်ထိန်းရဲတော်တော်များများထဲမှာမှ ပြည်သူ့အချစ်ကိုခံယူထားတဲ့ ထူးထူးခြားခြားယာဉ်ထိန်းရဲတစ်ယောက်။ သူ့လိုအလုပ်ကို ချစ်မြတ်နိုးတဲ့သူမျိုးကို ကျွန်တော်တို့မြင် တွေ့ဖို့မလွယ်။ “နေပူသလား” သူရှိသည်။ “မိုးရွာသလား” သူရှိသည်။ ဒီလိုမျိုး ရိုးရိုးသားသားကြိုးစားတဲ့အတွက်လူတိုင်းရဲ့အသိအမှတ်ပြုမှုကိုခံရသည်။ လင့်ခ်လမ်းလမ်းဆုံကို ဖြတ်ဖူးတဲ့သူတိုင်း ယာဉ်ထိန်းရဲတပ်ကြပ်ကြီး ခင်မြင့်မောင်ကို သိကြသည် မဟုတ်ပါလား။

၂၀၀၈ နိုဝင်ဘာလောက်မှာ နောက်ဆုံးနှစ်ဖြေပြီးပြီးချင်း လူငယ်လေးခင်မြင့်မောင်တစ်ယောက် ရန်ကုန်တက်လာခဲ့သည်။ ရန်ကုန်ရောက်တော့ ဦးလေးဆီမှာ တည်းခိုသည်။ ဦးလေးက ယာဉ်ထိန်းရဲအရာရှိတစ်ယောက်ဖြစ်ပြီး သင်္ဃန်းကျွန်းနယ်မြေ (၄) ဝန်းထဲမှာနေထိုင်သည်။

“အဲ့ဒီဝန်းက တစ်ဖက်ကယာဉ်ထိန်း၊ တစ်ဖက်က စခန်းရဲ ညီလေးရ။ အစ်ကိုက အဲ့ဒီမှာတည်းရင်းကနေ ယာဉ်ထိန်းရဲ ဖြစ်လာတာ”

အတိတ်ကိုပြန်သတိရတဲ့ မျက်ဝန်းတွေနဲ့ကိုခင်မြင့်မောင်က ကျွန်တော့်ကိုပြောသည်။

အရင်ကတော့ ယာဉ်ထိန်းရဲတွေကို နယ်မြေ ၁၊ ၂၊ ၃၊ ၄၊ ၅၊ ၆၊ ၇ ဆိုပြီး ခွဲပေမယ့် နောက်ပိုင်းမှာတော့ သက်ဆိုင်ရာမြို့နယ်အလိုက်သာခွဲခြားတော့သည်။  အစ်ကိုက ယာဉ်ထိန်းရဲ တန်းဖြစ်လာတဲ့သူတော့မဟုတ်။ ဝက်ထီးကန်မှာ ရဲလေ့ကျင့်ရေးသင်တန်း အရင်တက်ရသည်။ အဝိုင်းလေးက ဦးထုပ်နီလို့ခေါ်ကြတဲ့ အဓိကရုန်းနှိမ်နင်း ရေးတပ်မှာ ခုနှစ်လလောက်ကြာသည်။ နောက်တော့မှ ယာဉ်ထိန်းရဲအဖြစ်လျှောက်တဲ့သူတွေကို နေပြည်တော်က ကလှမ်းခေါ်သည်။ ဒီလိုနဲ့ပဲ အစ်ကိုခင်မြင့်မောင်တစ်ယောက် ယာဉ်ထိန်းရဲဖြစ်လာသည်။

“အစ်ကို စစချင်းတာဝန်ထမ်းဆောင်တာက ရှစ်မိုင်လမ်းဆုံမီးပွိုင့်၊ နောက်တော့ အေဒီပွိုင့်ကို တာဝန်ကျတယ်၊ ပြီးတော့ ဆီဒိုးနားရှေ့က မီးပွိုင့်၊ အခုတော့ ဒီလင့်ခ်လမ်းလမ်းဆံမုာပေါ့”

တာဝန်ထမ်းဆောင်ခဲ့တဲ့ အချိန်တွေကိုဂုဏ်ယူနေသည့်စိတ်က အစ်ကို့မျက်နှာမှာ အထင်သားပေါ်နေသည်။

၂၀၁၁ နှစ်လယ်လောက်တုန်းက အစ်ကိုနေပြည်တော်ကို ခေတ္တပြောင်းရွှေ့သွားရသည်။ နောက်တော့ သိပ်မကြာပါ။ အစ်ကိုလင့်ခ်လမ်း လမ်းဆုံကိုပြန်ရောက်လာသည်။ အစ်ကိုကယာဉ်မောင်းတိုင်း သတိတရရှိနေတဲ့ယာဉ်ထိန်းရဲတစ်ဦး မဟုတ်ပါလား။

အင်တာဗျူးလုပ်တဲ့နေ့ နေပူပူမှာအလုပ်လုပ်နေတဲ့ အစ်ကို့ကိုလက်ဆောင်ပေးဖို့ ရေဓါတ်ပြန်ဖြည့်ပေးတဲ့ 100PLUS အချိုရည် ကျွန်တော်ဝယ်သွားသည်။ အစ်ကိုနဲ့တွေ့ဖို့ကျွန်တော်သွားတော့ နေ့လည် ၁ နာရီခွဲနေပြီ။ 100PLUS ၁ ကဒ်ထမ်းလာ တဲ့ ကျွန်တော့်ကိုမြင်တော့ အစ်ကိုလက်လှမ်းပြသည်။

“ညီလေးရာ တစ်ဘူး၊ နှစ်ဘူးဆို ရပါပြီကွာ။ အဲ့ဒီလောက်အများကြီးအစ်ကို့အတွက် မလိုအပ်ပါဘူး” တဲ့။ အစ်ကိုအဲ့ဒီလောက်အထိရိုးရှင်းတဲ့သူ။ အင်တာဗျူးကို လင့်ခ်လမ်းထောင့် Gastro ဆိုင်မှလုပ်ဖို့ပြောပေမယ့် အစ်ကိုကကျွန်တော့်ကို အားနာနေသည်ထင်သည်။

“ညီလေးတို့အဆင်ပြေမယ်ဆိုရင်ရှေ့က ဘုန်းကြီးကျောင်းကုန်းပေါ်မှာလုပ်မလား။ တိတ်တိတ်ဆိတ်ဆိတ်နဲ့ အေးအေးဆေးဆေးပဲ”။ ဒါနဲ့ပဲကျွန်တော်တို့ ဘုန်းကြီးကျောင်းကုန်းပေါ်မှာ စကားလက်ဆုံကျသွားကြသည်။

 

Akhayar - myanmar traffic policeman khin mynint maung and his life

အလုပ်နဲ့ပက်သက်ပြီး သူ့ရဲ့ ခံယူချက်ကို အစ်ကိုက အခုလိုပြောသည်။

“အစ်ကိုရဲ့ ခံယူချက်ကို ပြောမယ်နော်။ အလုပ်ဆိုတာ ပြီးမြောက်အောင်လုပ်မှ အလုပ်။ အလုပ်တစ်ခုကို သူများခိုင်းလို့ပဲဖြစ်ဖြစ်၊ ကိုယ့်ရဲ့စီးပွားရေးပဲဖြစ်ဖြစ်၊  ဌာနကညွှန်ကြားလို့ပဲဖြစ်ဖြစ်၊ ကိုယ့်ရဲ့စိတ်ဆန္ဒနဲ့ပဲဖြစ်ဖြစ် ဘယ်လိုအလုပ်မျိုးကိုမဆို တာဝန်ကျေပွန်မှ အလုပ်ပြီးမြောက်တယ်လို့ခေါ်တယ်။ အဲ့ဒီလိုအလုပ်လုပ်တဲ့ နေရာမှာ စိတ်ပျော်ရွှင်နေရမယ်။ “

အပြောနဲ့အလုပ် တကယ်ကိုကိုက်တဲ့လူတစ်ဦးအဖြစ် ကျွန်တော်စိတ်ထဲက ကြိတ်ပြီးချီးကျူးမိသည်။ လူငယ်တွေ ကို ဘာပြောချင်လဲဆိုတော့

“လူတွေက တစ်ခုခုလုပ်ရင် ကိုယ့်ချည်းပဲအောင်မြင်ချင်ကြတယ်။ နေရာတိုင်းမှာ အဲ့လိုပဲ။ သတ္တလောက တစ်ခုလုံးမှာ အဲ့ဒီလိုပဲ။ ဒါပေမယ့်လူဆိုတာက တစ်ယောက်တည်းအောင်မြင်ချင်လို့မရဘူး။ ကိုယ်ပတ်ဝန်းကျင်ကိုလည်းကြည့်ရတယ်။ နေရာတိုင်းမှာ ကိုယ့်ဖို့တစ်ဖို့ပဲမကြည့်နဲ့။ တစ်ယောက်တည်းအောင် မြင်ချင်တဲ့အကျင့်ကို  ဖျောက်။ အောင်မြင်ချင်ရင် ကြိုးစားရမယ်ညီလေး။ ဘယ်လောက်ပဲပါရမီ ရှိရှိမကြိုးစားရင် မအောင်မြင်နိုင်ဘူး။ အစ်ကိုတို့ဘုရားတောင်မှ ပါရမီဓါတ်ခံပါပြီးသား။ ဒါပေမယ့် ကြိုးစားရတယ်။ ရွာကလူပဲဖြစ်ဖြစ်၊ မြို့ကလူပဲဖြစ်ဖြစ်ကြိုးစားရမယ်။ ကြိုးစားတဲ့နေရာမှာလည်း ကောင်းတဲ့ဖက်မှာ ပိုပြီးတော့ ကြိုးစားစေချင်တယ်။”

လို့ပြောရင်း နဖူးကချွေးတွေကို လက်နဲ့တစ်ချက်သုတ်လိုက်သည်။

တကယ်တော့ အစ်ကိုက ရခိုင်ပြည်နယ်ရွာကလေးတစ်ရွာကနေ ရန်ကုန်မြို့ကို တက်လာခဲ့တဲ့သူ။ ငယ်ငယ်က ရန်ကုန်ကိုဖုန်းဆက်ချင်တယ်ဆိုရင် စစ်တွေမြို့ပေါ်အထိတက်လာပြီး ဖုန်းဆက်ခဲ့ရတဲ့ဘဝ။ ဦးလေးနဲ့အတူ ယာဉ်ထိန်းရဲဝန်းထဲမှာနေရင်းနဲ့ ယာဉ်ထိန်းရဲဖြစ်ချင်စိတ်တွေတစ်ဖွားဖွား ဖြစ်ပေါ်ခဲ့ရာက ကိုယ့်ရဲ့ရည်မှန်းချက် ကို တစ်စိုက်မတ်မတ်အကောင်အထည်ဖော်ခဲ့တဲ့သူ။

ဖြောင့်တဲ့မတ်တဲ့သစ်ပင်တွေဟာ အရင်ခုတ်ခံရတတ်တယ်တဲ့လား။ သူများမိုးခါးရေသောက်ရင် ကိုယ်လည်း လိုက်သောက်ရမယ်တဲ့လား။  တကယ်တော့ ရိုးသားဖြောင့်မတ်တဲ့သူတွေအတွက် နေရာတစ်ခုဆိုတာ ရှိပြီးသား ဖြစ်သည်။

ကျွန်တော့်ကို လက်ဆွဲနှုတ်ဆက်ရင်း “ဘဝမှာ ကြိုးစားပါညီလေး” ဟု အစ်ကိုက မှာသည်။ ပြီးတော့ တာဝန်ကျရာနေရာကို ပြန်ထွက်သွားသည်။ ခဏတာတွေ့ကြပေမယ့် ညီအစ်ကိုရင်းချာတွေလို ကျွန်တော်ခံစားရသည်။ တကယ်တော့ တပ်ကြပ်ကြီးခင်မြင့်မောင်ဆိုတာ ရိုးသားကြိုးစားရင်အောင်မြင်နိုင်တယ်လို့ လူငယ်တွေကို အရှင်လတ်လတ် သက်သေပြခဲ့တဲ့သူတစ်ဦး မဟုတ်ပါလား။

မင်းသုခ (အခရာ)

(www.akhayar.com)