ဆွီဒင်နိုင်ငံ အခြေစိုက် ပညာရေးအဖွဲ့ အစည်းကြီးဖြစ်တဲ့ EF Education First ဟာ ကမ္ဘာ့နိုင်ငံအသီးသီးက လူပုဂ္ဂိုလ်တွေကို အင်္ဂလိပ်စာစစ်တမ်း (EF Standard English Test) ဖြေဆိုစေပြီး အင်္ဂလိပ်စာကျွမ်းကျင်မှုညွှန်းကိန်း (EF English Proficiency Index) ကို နှစ်စဉ်ထုတ်ပြန်လေ့ရှိပါတယ်။ ၂ဝ၁၁ခုနှစ်မှာ စတင်ပြီး အင်္ဂလိပ်စာကျွမ်းကျင်မှုညွှန်းကိန်းကို ထုတ်ပြန်ခဲ့ရာမှာ၂ဝ၁၈ခုနှစ်ဆိုရင် ရှစ်ကြိမ်တိုင်ခဲ့ပြီဖြစ်ပါတယ်။

၂ဝ၁၈ခုနှစ်အတွက်လည်း ကမ္ဘာ့ (၈၈) နိုင်ငံမှ လူဦးရေ (၁.၃) သန်းကို အင်္ဂလိပ်စာဖြေဆိုစေပြီး ထုတ်ပြန်ခဲ့တာပါ။ ဖြေဆိုသူအားလုံးရဲ့ (၉၂) ရာခိုင်နှုန်းဟာ (၄ဝ) နှစ်အောက်မှာရှိကြပြီး လူငယ်တွေလို့ ဆိုနိုင်ပါတယ်။ EF EPI Score အနေနဲ့ အမြင့်ဆုံးရမှတ် (၁ဝဝ) အထိ သတ်မှတ်ထားပြီး သက်ဆိုင်ရာနိုင်ငံရဲ့ ဖြေဆိုသူလူဦးရေနဲ့ ပျမ်းမျှတွက်ချက်တာဖြစ်ပါတယ်။

အင်္ဂလိပ်စာအကောင်းဆုံးနိုင်ငံစာရင်းမှာတော့ ဆွီဒင်၊ စင်္ကာပူ၊ နယ်သာလန်၊ နော်ဝေးနဲ့ ဒိန်းမတ်နိုင်ငံတွေက ရပ်တည်နေပါတယ်။ ဒါ့အပြင် ပိုလန်၊ ဖိလစ်ပိုင်၊ ဆွစ်ဇာလန်၊ ရိုမေနီးယားနဲ့ ခရိုအေးရှားနိုင်ငံတွေက အင်္ဂလိပ်စာကောင်းမွန်တယ်လို့ ဖော်ပြထားပါတယ်။ အိန္ဒိယ၊ နိုက်ဂျီးရီးယား၊ ဟောင်ကောင်၊ တောင်ကိုရီးယားနဲ့ စပိန်နိုင်ငံတွေဟာ အင်္ဂလိပ်စာအသင့်အတင့်ရှိတယ်လို့ ဆိုထားပါတယ်။

 

ဂျော်ဂျီယာ၊ ချီလီ၊ တရုတ်၊ ထိုင်ဝမ်နဲ့ ဂျပန်နိုင်ငံတွေဟာ အင်္ဂလိပ်စာညံ့တဲ့နိုင်ငံစာရင်းမှာ ပါဝင်နေပါတယ်။ မြန်မာ၊ ဆော်ဒီအာရေဗျ၊ ကူဝိတ်၊ ကမ္ဘောဒီးယား၊ အီရတ်၊ လစ်ဗျားစတဲ့နိုင်ငံတွေဟာ အင်္ဂလိပ်စာအညံ့ဆုံးနိုင်ငံစာရင်းမှာ ပါဝင်တယ်လို့ ထုတ်ပြန်ထားပါတယ်။

အာရှတိုက်မှာတော့ စင်္ကာပူနိုင်ငံက (၆၈.၆၃) ရမှတ်နဲ့ ထိပ်ဆုံးကရပ်တည်နေပြီး ဖိလစ်ပိုင်နိုင်ငံ (၆၁.၈၄) ရမှတ်နဲ့ မလေးရှားနိုင်ငံ (၅၉.၃၂) ရမှတ်နဲ့ ရှိနေပါတယ်။ မြန်မာနိုင်ငံဟာ ရမှတ် (၄၄.၂၃) သာရှိပြီး စစ်တမ်းမှာပါဝင်တဲ့ ကမ္ဘာ့ (၈၈) နိုင်ငံမှာ အဆင့် (၈၂) မှာ ရပ်တည်နေပါတယ်။

အရှေ့တောင်အာရှနိုင်ငံတွေထဲမှာ (၆) နိုင်ငံအထိ စစ်တမ်းထဲမှာ ပါဝင်လာပြီး အင်္ဂလိပ်စာအဆင့်အတန်းမှာ မြန်မာနဲ့ ကမ္ဘောဒီးယားနိုင်ငံဟာ အညံ့ဆုံးနေရာမှာရှိတယ်လို့ ဆိုထားပါတယ်။

ကျော်စိုးအောင် (အခရာ)

www.akhayar.com