မြန်မာနိုင်ငံမှာ တစ်ခုတည်းသောရှိတဲ့ ဂျူးဘုရားကျောင်း တစ်ကျောင်းကို သိကြပါသလား။ နောက်ပြီး အဲဒီ့ဘုရားကျောင်းရဲ့ အကြောင်းကိုရောပေါ့။ အခုပြောနေတဲ့ ဘုရားကျောင်းဟာ ဂျူးလူမျိုးတွေ ၀တ်ပြုကိုးကွယ်တဲ့ ဘုရားကျောင်းဖြစ်ပြီး နာမည်ကတော့ “Musmeah Yeshua” လို့ ခေါ်ပါတယ်။

Musmeah Yeshua Synagogue in Yangon, Myanmar

Musmeah Yeshua Synagogue in Yangon, Myanmar

သူ့ရဲ့ ထူးခြားချက်ကတော့ အပေါ်မှာ ပြောခဲ့သလိုပါပဲ။ မြန်မာနိုင်ငံ တစ်နိုင်ငံလုံးအတိုင်းအတာနဲ့ တစ်ကျောင်းတည်းရှိတဲ့ ဂျူးဘာသာဝင်လူမျိုးတွေရဲ့ ဘုရားကျောင်းဖြစ်ပြီး ရန်ကုန်မြို့မှာ တည်ရှိတာပါ။

ဂျူးဘုရားကျောင်း ရှိနေတယ်ဆိုကတည်းက ရန်ကုန်မှာ ဂျူးလူမျိုးတွေရှိနေတာ သိသာပါတယ်။ ဒုတိယကမ္ဘာစစ်မတိုင်ခင်တုန်းက ရန်ကုန်မြို့မှာ ဂျူးလူမျိုးတွေ (၂၅၀၀) ကျော်ခန့် နေထိုင်သွားခဲ့ကြပါတယ်။ အဲဒီ့ဂျူးလူမျိုးတွေဟာ ကိုလိုနီခေတ်မှာ ရောက်ရှိအခြေချခဲ့ကြတာဖြစ်ပြီး ဂျပန်ခေတ်ရောက်တော့ “Musmeah Yeshua” ဘုရားကျောင်းနဲ့ ရန်ကုန်မြို့ကို အသီးသီး စွန့်ခွာသွားကြပေမယ့် ဂျူးမိသားစုနဲ့ ဂျူးအနွယ်ဝင်လူမျိုးတချို့ ရန်ကုန်မြို့မှာ နေထိုင်နေကြဆဲပါပဲ။

Musmeah Yeshua Synagogue in Yangon, Myanmar

Musmeah Yeshua Synagogue in Yangon, Myanmar

“Musmeah Yeshua” ဂျူးဘုရားကျောင်းကို (၁၈၅၄) ခုနှစ်မှာ စတင်တည်ဆောက်ခဲ့ပေမယ့် အဲဒီတုန်းက သစ်သားအဆောက်အဦးပဲ ရှိပါသေးတယ်။ အခုလို သမိုင်းဝင်အဆောက်အဦးအဖြစ်ကတော့ (၁၈၉၃) ခုနှစ်မှာ ပြောင်းလဲဆောက်လုပ်ခဲ့တာဖြစ်ပြီး (၁၈၉၆) ခုနှစ်မှာ ပြီးစီးခဲ့ပါတယ်။

ရန်ကုန်မြို့ရဲ့ သမိုင်းဝင်အမွေအနှစ်အဆောက်အဦးအဖြစ် (၂၀၁၆) ခုနှစ်မှာ သတ်မှတ်ခံခဲ့ရပြီး နံပါတ်စဉ်အရဆိုရင်တော့ (၁၃)ခုမြောက် အဆောက်အဦးပဲဖြစ်ပါတယ်။

Musmeah Yeshua Synagogue in Yangon, Myanmar

Musmeah Yeshua Synagogue in Yangon, Myanmar

အခုလို နာမည်ကြီးသမိုင်းဝင် “Musmeah Yeshua” ဂျူးဘုရားကျောင်းဟာဆိုရင် ရန်ကုန်မြို့ရဲ့ အချက်အချာနေရာဖြစ်တဲ့ ဆူးလေ (၂၆) လမ်း မဟာဗန္ဓုလလမ်းနဲ့ ကုန်သည်လမ်းကြားမှာ တည်ရှိပါတယ်နော်။

Reference: Wiki, Lodggy

Moethaesay (Akhayar)