လီဗာပူးလ်အသင်းဟာ နာမည်ကျော် အားကစားပစ္စည်းထုတ်လုပ်ရောင်းချရေး ကုမ္ပဏီ Nike နဲ့ အင်္ကျီစပွန်စာချုပ်ချုပ်ဆိုဖို့ နီးစပ်နေပြီဖြစ်ပြီး စာချုပ်ချုပ်ဆိုဖြစ်ခဲ့ရင် ပရီးမီးယားလိဂ်ပြိုင်ပွဲရဲ့ စံချိန်တင်ပမာဏဖြစ်လာမယ်လို့ နာမည်ကြီး စွားပွားရေးမဂ္ဂဇင်းတစ်ခုဖြစ်တဲ့ Forbes က ဖော်ပြခဲ့ပါတယ်။ လီဗာပူးလ်အသင်းရဲ့ လက်ရှိအင်္ကျီစပွန်ဆာက New Balance ဖြစ်ပြီး သူတို့နဲ့ချုပ်ဆိုထားတဲ့ စာချုပ်သက်တမ်း(၅)နှစ်က နောက်ဆုံးနှစ်ထဲကို ရောက်ရှိနေပါပြီ။ New Balance နဲ့ ချုပ်ဆိုထားတဲ့ စာချုပ်အရ လီဗာပူးလ်အသင်းဟာ (၁)နှစ်ကို ပေါင်(၄၅)သန်းအထိရရှိနေပြီး တကယ်လုိ့ Nike နဲ့ လက်တွဲဖြစ်မယ်ဆိုရင်တော့ ၂၀၂၀-၂၁ ရာသီက စလို့ (၁)နှစ်ကို အဲဒီထက် ပိုများတဲ့ပမာဏ ရရှိမှာပါ။

လီဗာပူးလ်အသင်းဟာ မနှစ်က (၆)ကြိမ်မြောက် ချန်ပီယံလိဂ်ဖလားကို ဆွတ်ခူးခဲ့သလို ပရီးမီးယားလိဂ်မှာလည်း ချန်ပီယံဖြစ်လုနီးပါးအခြေအနေအထိ ရောက်ရှိခဲ့ပြီး ကမ္ဘာတစ်ဝန်းမှာ လီဗာပူးလ်အသင်းကို အားပေးတဲ့ ပရိသတ်မြင့်တက်လာတာကြောင့် စီးပွားရေးကုမ္ပဏီတွေက သူတို့ကို စပွန်ဆာပေးဖို့ တန်းစီနေကြတာဖြစ်ပါတယ်။ ပြီးခဲ့တဲ့လတွေတုန်းက လီဗာပူးလ်အသင်းဟာ အင်္ကျီစပွန်ဆာအတွက် နာမည်ကျော် ကုမ္ပဏီတွေဖြစ်တဲ့ Puma ၊ Adidas တို့နဲ့ ဆွေးနွေးခဲ့တယ်လို့ သတင်းထွက်ပေါ်ခဲ့ပေမယ့် Nike ကုမ္ပဏီက ပြိုင်ဘက်တွေကို ကျော်ဖြတ်ပြီး လီဗာပူးလ်အသင်းရဲ့ စပွန်ဆာဖြစ်လာဖို့ နီစပ်နေပါပြီ။ အခုလောလောဆယ် ပရီးမီးယားလိဂ်မှာ အင်္ကျီစပွန်ဆာတန်ဖိုး အများဆုံးရရှိနေတာက မန်ယူအသင်းဖြစ်ပြီး Adidas ကုမ္ပဏီနဲ့ ချုပ်ဆိုထားတဲ့ စာချုပ်အရ (၁)နှစ်ကို ပေါင်(၇၅)သန်းအထိ ရရှိနေပါတယ်။ Nike နဲ့ လီဗာပူးလ်အသင်းတို့ရဲ့ စာချုပ်တန်ကြေးက ဘယ်လောက်လဲဆိုတာ အတိအကျ မသိရသေးပေမယ့် မန်ယူအသင်းရရှိနေတာထက် ပိုများလိမ့်မယ်လို့ Forbes က ခန့်မှန်းခဲ့ပါတယ်။ ဒါပေမဲ့ လီဗာပူးလ်နဲ့ လက်ရှိစပွန်ဆာ ကုမ္ပဏီ New Balance တို့ရဲ့ စာချုပ်ထဲမှာ သက်တမ်းတိုးမယ်ဆိုရင် တိုးခွင့်ရှိတဲ့အချက် ပါဝင်ပြီး New Balance နဲ့ပဲ စာချုပ်သက်တမ်းတိုးရင်တောင် မန်ယူအသင်းထက် ပိုများလိမ့်မယ်လို့လည်း Forbes က ဖော်ပြခဲ့ပါတယ်။ လက်ရှိကမ္ဘာ့ကြေးအကြီးဆုံး အင်္ကျီစပွန်ဆာစာချုပ် ချုပ်ဆိုထားတာက လာလီဂါထိပ်သီး ဘာစီလိုနာဖြစ်ပြီး Nike နဲ့ချုပ်ဆိုထားတဲ့ စာချုပ်အရ (၁)နှစ်ကို ပေါင်သန်း(၁၀၀)အထိ ရရှိနေတာဖြစ်ပါတယ်။

REF:Daily Mail,Forbes
Photo:Liverpool FC Facebook
Naing Linn(Akhayar)
www.akhayar.com