မြောက်ကိုရီးယားခေါင်းဆောင် Kim Jong-un နဲ့ အမေရိကန်သမ္မတ Donald Trump တို့တွေ့ ဆုံတဲ့ Trump – Kim Summit ကို ဗီယက်နမ်နိုင်ငံမှာ ကျင်းပနေပါတယ်။ လူတိုင်းမသိကြတာက Kim Jong-un ဘေးမှာ ထပ်ကြပ်မကွာလိုက်လာတဲ့ ညာလက်ရုံး Kim Yo-jong ပါ။

Kim Jong-un ကို လူသိများပေမယ့် သူ့ရဲ့ ညာလက်ရုံးဖြစ်တဲ့ ညီမငယ် Kim Yo-jong ကတော့ လူသိနည်းပါတယ်။ သူမဟာ ကိုရီးယားနှစ်နိုင်ငံ တွေ့ ဆုံခဲ့တဲ့ Inter-Korean Summit တုန်းကလည်း ပါဝင်ဖူးသူပါ။

Kim Yo-jong ရဲ့အသက်ကို အတိအကျမသိရပေမယ့် ၂၉နှစ်နဲ့ ၃၁နှစ်ကြားမှာပဲ ရှိသေးတယ်လို့ သိရပါတယ်။ တချို့တွေက သူမဟာ ၁၉၈၈ခုနှစ် စက်တင်ဘာလ (၂၆) ရက်နေ့မှာ မွေးဖွားခဲ့ပြီး အခုချိန်မှာ အသက် (၃၁) ရှိပြီလို့ ဆိုကြပါသေးတယ်။ မြောက်ကိုရီးယားအာဏာရှင်ဟောင်း Kim Jong-il နဲ့ ဂျပန်အကမယ် Ko Yong Hui တို့က မွေးဖွားလာတဲ့ သားသမီး (၃) ယောက်အထဲက အငယ်ဆုံးသမီးဖြစ်ပါတယ်။ သူမရဲ့အစ်ကိုနှစ်ယောက်က Kim Jong-chul နဲ့ လက်ရှိခေါင်းဆောင် Kim Jong-un တို့ပါ။

သွားလေသူ Kim Jong-il ကဆိုရင် သမီးထွေးကို အချစ်ပိုခဲ့ပြီး ‘မင်းသမီးလေး . . အရမ်းလှတာပဲ” လို့တောင် တဖွဖွပြောတတ်သူပါ။ Kim Yo-jong ဟာ ငယ်စဉ်ဘဝတုန်းက ဆွစ်ဇာလန်နိုင်ငံမှာရှိတဲ့ English Language International School မှာ တက်ခဲ့ပါသေးတယ်။ (အဲဒီကျောင်းမှာ အစ်ကိုတော် Kim Jong-un လည်း တက်ဖူးပါတယ်။)

သူမဟာ ခြောက်တန်းအောင်တော့ ၂ဝဝဝခုနှစ်မှာ မြောက်ကိုရီးယားနိုင်ငံကို ပြန်လာခဲ့ပါတယ်။ အထက်တန်းပညာကို ဘယ်ကျောင်းမှာ သင်ယူခဲ့သလဲဆိုတာ တိတိကျကျမသိရပေမယ့် စစ်ပညာကိုတော့ Kim Il Sung Military University မှာ သင်ယူခဲ့တာပါ။ ဖခင်ကြီး Kim Jong-il ဆိုရင် သမီးငယ်လေးက နိုင်ငံရေးကို စိတ်ဝင်စားတဲ့အတွက် သူ မရှိတော့ရင် နိုင်ငံကို ဦးဆောင်နိုင်လိမ့်မယ်လို့တောင် ပြောခဲ့ဖူးပါတယ်။

အာဏာရှင် Kim Jong-un က စကားကို ဟောင်ဖွာဟောင်ဖွာပြောတတ်ပေမယ့် ညီမဖြစ်တဲ့ Kim Yo-jong ကတော့ သိုသိုသိပ်သိပ်နေထိုင်တတ်ပြီး သူမကို ဖခင်ရဲ့နာရေးမှသာ မြင်တွေ့ကြရတာဖြစ်ပါတယ်။

၂ဝ၁၈ခုနှစ်တုန်းက တောင်ကိုရီးယားနိုင်ငံမှာ ကျင်းပခဲ့တဲ့ ‘2018 Winter Olympics’ ဖွင့်ပွဲအတွက် Kim Yo-jong ဟာ မြောက်ကိုရီးယားနိုင်ငံကိုယ်စားပြု တက်ရောက်မှသာ သူမရဲ့ ပုံရိပ်တွေ ပျံ့ နှံ့ခဲ့တာဖြစ်ပါတယ်။

တကယ်တမ်းတော့ သူမဟာ မြောက်ကိုရီးယားနိုင်ငံရဲ့ ပါဝါအရှိဆုံးအမျိုးသမီးလို့တောင် ဆိုရမှာပါ။ အခုချိန်အထိ အစ်ကိုဘေးမှာ ရပ်တည်ရင်း လိုလေးသေးမရှိအောင် ကူညီပေးနေတဲ့ ညီမငယ် Kim Yo-jong ပဲဖြစ်ပါတယ်ခင်ဗျာ။

Photo Credit – Business Insider

ကျော်စိုးအောင် (အခရာ)

www.akhayar.com