ဂျပန်နိုင်ငံကူးလက်မှတ်ဟာ စင်္ကာပူနိုင်ငံကို ကျော်လွန်ပြီး ကမ္ဘာ့သြဇာအကြီးဆုံးဖြစ်သွားပါပြီလို့ အောက်တိုဘာလ (၉) ရက်နေ့တုန်းက ထုတ်ပြန်တဲ့ Henley Passport Index အရ သိရပါတယ်။ Henley Passport Index ဟာ (၁၉၉) နိုင်ငံရဲ့ နိုင်ငံကူးလက်မှတ်တွေကို ဗီဇာကင်းလွတ်ခွင့်နဲ့ ပတ်သက်လို့ နိုင်ငံတကာလေကြောင်းအဖွဲ့တွေမှာ စစ်တမ်းကောက်ယူပြီး နှစ်စဉ်ညွှန်းကိန်းထုတ်ပြန်လေ့ရှိပါတယ်။

စင်္ကာပူနိုင်ငံဟာ (၁၉၉) နိုင်ငံအနက် (၁၈၉) နိုင်ငံမှာ ဗီဇာကင်းလွတ်ခွင့်ရှိပေမယ့် ဂျပန်နိုင်ငံဟာ (၁၉ဝ) နိုင်ငံမှာ ဗီဇာကင်းလွတ်ခွင့်ရှိတာကြောင့် နံပါတ် (၁) နေရာမှာ ရောက်သွားတာဖြစ်ပါတယ်။ ဂျပန်နိုင်ငံကူးလက်မှတ်ဟာ အခုလို ကမ္ဘာ့သြဇာအကြီးဆုံးဖြစ်သွားတာ မြန်မာအစိုးရကို ကျေးဇူးတင်ရမှာဖြစ်ပါတယ်။ ဘာဖြစ်လို့လဲဆိုတော့ အောက်တိုဘာလ (၁) ရက်နေ့မှာ မြန်မာအစိုးရဟာ ဂျပန်နိုင်ငံကို ဗီဇာကင်းလွတ်ခွင့်ပြုလိုက်တဲ့အတွက် ရမှတ်တူဖြစ်နေတဲ့ စင်္ကာပူနိုင်ငံကို ကျော်တက်သွားတာဖြစ်ပါတယ်။

ဂျာမဏီ၊ ပြင်သစ်နဲ့ တောင်ကိုရီးယားနိုင်ငံတွေရဲ့ နိုင်ငံကူးလက်မှတ်ဟာ (၁၈၈) နိုင်ငံကို ဗီဇာမဲ့သွားလာနိုင်ပြီး တတိယနေရာမှာ ပူးတွဲရပ်တည်နေပါတယ်။ အမေရိကန်နိုင်ငံဟာ (၁၈၆) နိုင်ငံကို ဗီဇာမဲ့သွားလာနိုင်ပြီး နော်ဝေး၊ ဗြိတိန်နိုင်ငံတွေနဲ့ ပဉ္စမနေရာမှာ ပူးတွဲရှိနေပါတယ်။ အီရတ်နဲ့ အာဖဂန်နစ္စတန်နိုင်ငံတွေဟာ နိုင်ငံ (၃ဝ) ကိုသာ ဗီဇာမဲ့သွားလာနိုင်ပြီး ညွှန်းကိန်းဇယားရဲ့အောက်ဆုံးမှာရှိနေပါတယ်။ မြန်မာနိုင်ငံကူးလက်မှတ်ဟာ (၄၈) နိုင်ငံကို ဗီဇာမဲ့သွားလာနိုင်ပြီး (၁၉၉) နိုင်ငံမှာ အဆင့် (၉၃) နဲ့ ရပ်တည်နေပါတယ်။

ကျော်စိုးအောင် (အခရာ)

www.akhayar.com