အင်တာဗျူးဆိုတာ အလုပ်ရှင်ဘက်က အလုပ်လျှောက်တဲ့ဝန်ထမ်းကို အလုပ်နဲ့ကိုက်ညီမှုရှိ၊ မရှိကို စစ်ဆေးတဲ့သဘောပဲဖြစ်ပါတယ်။ ဝန်းထမ်းအနေနဲ့လည်း အင်တာဗျူးဖြေချိန်မှာ ကိုယ်ဟာ လက်ရှိအလုပ်နဲ့အကိုက်ညီဆုံးဖြစ်တဲ့အကြောင်း အလုပ်ရှင်ယုံကြည်အောင် သက်သေပြနိုင်လေ အလုပ်ရဖို့အခွင့်အလမ်းများလေ ဖြစ်မှာပါ။ ကိုယ့်အနေနဲ့ အသင့်တော်ဆုံးဝန်ထမ်းဖြစ်စေဖို့ “ပွဲမဝင်ခင် အပြင်ကကျင်းပ” ဆိုသလို အင်တာဗျူးမှာ ဘယ်လိုပြင်ဆင်သင့်တယ်ဆိုတာ ဖော်ပြလိုက်ပါတယ်။

၁။ တစ်သားတည်း ဖြစ်ပါစေ။

တချို့ကုမ္ပဏီတွေကျတော့ မြန်မာဆန်ဆန်ဝတ်စားကြတယ်၊ တချို့တွေက ပေါ့ပေါ့ပါးပါးပုံစံမျိုးနဲ့ပဲ။ အဲဒီတော့ ဝန်ထမ်းတွေ ဘယ်လိုဝတ်စားဆင်ယင်တယ်၊ ဘယ်လိုပုံစံမျိုးနဲ့ နေထိုင်တယ်ဆိုတာ သိစေဖို့ ကုမ္ပဏီနဲ့မလှမ်းမကမ်းဆိုင်တစ်ဆိုင်ကနေ တစ်ရက်လောက်ကြိုတင်ပြီး အကဲခတ်သင့်တယ်။ ပြီးတော့လည်း အိမ်ကနေ ကုမ္ပဏီကိုလာရင် အချိန်ဘယ်လောက်ကြတယ်ဆိုတာ ကြိုတင်ပြီး တွက်ချက်ထား။

၂။ မူးယစ်ဆေးဝါး မသုံးလေနဲ့။

အင်တာဗျူးဖြေချိန်နဲ့ ၂၄အတွင်းမှာ အရက်သောက် မထားလေနဲ့။ ခေါင်းမကြည်ရင် အင်တာဗျူးမှာ အပြည့်အဝအာရုံစိုက်နိုင်မှာ မဟုတ်ဖူး။ အင်တာဗျူးမဝင်ခင်မှာ ဆေးလိပ်သောက်မထားနဲ့။ ဆေးလိပ်နံ့က ဆေးလိပ်မသောက်တဲ့လူအတွက်ဆို နေရထိုင်ရဆိုးစေတယ်။ ကွမ်းစားတဲ့လူဆိုရင် သွားကိုဖြူဖွေးနေအောင် တိုက်ထားပြီးတော့ အင်တာဗျူးမတိုင်ခင် မစားလေနဲ့။ တစ်ကိုယ်ရည်သန့်ရှင်းမှုအပြည့်နဲ့ အင်တာဗျူးဝင်နိုင်ပါစေ။

၃။ နောက်မကျစေနဲ့။

အင်တာဗျူးမှာ ဘယ်လိုနည်းနဲ့မှ နောက်မကျစေနဲ့။ အနည်းဆုံး ၁၅မိနစ်လောက်ကြိုတင်ရောက်နေဖို့ အရေးကြီးပါတယ်။ တအားကြီး စောရောက်နေမယ်ဆိုရင်လည်း ကုမ္ပဏီကို မဝင်သေးဘဲနဲ့ အနီးမှာရှိတဲ့ဆိုင်ကနေ အင်တာဗျူးချိန်ကို စောင့်ဆိုင်းသင့်ပါတယ်။ အင်တာဗျူးနေ့ဆို အိပ်ယာစောစောထပြီး ကိုယ်လက်လေ့ကျင့်ခန်းလုပ်တာက အကောင်းဆုံးဖြစ်မှာပါ။

You May Like : အင်တာဗျူးဖြေထားပြီးရင် ဘာတွေ လုပ်ရမလဲ

၎။ ချိန်သားကိုက်ဖြစ်ပါစေ။

အင်တာဗျူးမှာ အလုပ်ရှင်ဘက်က ချိန်းဆိုရမယ့်ရက်ကို မေးလာခဲ့ရင် တနင်္လာနေ့နဲ့ သောကြာနေ့ကို ဘယ်တော့မှ မချိန်းပါနဲ့။ တနင်္လာနေ့မှာ ဝန်ထမ်းတွေက အလုပ်ကို စိတ်မပါဖြစ်တတ်ပြီး သောကြာနေ့မှာဆို အလုပ်များတတ်ပါတယ်။ ပြီးတော့လည်း နေ့လယ် ၁၂နာရီပတ်လည်မှာ အင်တာဗျူးမချိန်းပါနဲ့။ ထမင်းဆာနေရင် အင်တာဗျူးအတွက် အဆင်မပြေနိုင်သလို ဗိုက်တင်းလွန်းရင်လည်း စိတ်မပါဖြစ်တတ်ပါတယ်။ အင်တာဗျူးဖြေဖို့အကောင်းဆုံးကတော့ အင်္ဂါနေ့မနက်ပိုင်းနဲ့ ကြာသပတေးနေ့တွေပါ။

၅။ ရှင်းလင်းရေး လုပ်တတ်ပါစေ။

အလုပ်ရှင်တွေက အလုပ်လျှောက်ထားသူရဲ့ လူမှုကွန်ရက်အကောင့်တွေကို စစ်ဆေးတတ်ပါတယ်။ အဲဒီတော့ ဗရုတ်သုတ်ခဆန်တဲ့ အရေးအသားတွေ၊ ပုံတွေကို ကြိုတင်ပြီး ရှင်းထုတ်ထားတာ အကောင်းဆုံးပဲ။ ကိုယ်ဟာ အလုပ်မှာ Team Player တစ်ယောက်ဖြစ်ကြောင်း ပေါ်လွင်စေဖို့  တခြားလုပ်ဖော်ကိုင်ဖက်တွေနဲ့ အတွဲညီညီလှုပ်ရှားနေတဲ့ပုံမျိုးတွေကိုပဲ တင်ထားသင့်ပါတယ်။

၆။ ကုမ္ပဏီအကြောင်း ကြိုတင်လေ့လာထားပါ။

ဒီနေ့ခေတ်မှာဆိုရင် ကုမ္ပဏီတွေက ကိုယ်ပိုင် Facebook Page တွေ ဝက်ဘ်ဆိုက်တွေ တည်ထောင်လာပြီဖြစ်ပါတယ်။ ဘယ်တုန်းက တည်ထောင်တယ်၊ Local လား Global လား စသဖြင့်ကုမ္ပဏီအကြောင်းကို ဝက်ဘ်ဆိုက်တွေကပဲ အလွယ်တကူလေ့လာလို့ရပါတယ်။ ပြီးတော့ ကိုယ်ဟာ အလုပ်ကိုအမှန်တကယ် စိတ်ဝင်စားကြောင်း အလုပ်ရှင်သိစေဖို့ အင်တာဗျူးမှာ ထုတ်သုံးတတ်ပါစေ။

ကဲ . . ဒါတွေကတော့ အင်တာဗျူးမဖြေခင်မှာ ဘယ်လိုပြင်ဆင်သင့်တယ်ဆိုတာကို အကျဉ်းချုပ်ဖော်ပြပေးလိုက်တာပဲဖြစ်ပါတယ်။ လိုအပ်ချက်ဆိုတာ နေရာတိုင်းမှာရှိနိုင်တာမို့ ဘယ်အချက်တွေကို ထည့်သွင်းစဉ်းစားသင့်တယ်ဆိုတာ Comment မှာ ဝေငှပေးပါဦးခင်ဗျာ။

ကျော်စိုးအောင် (အခရာ)

www.akhayar.com