၂၀၁၆ ခုနှစ် မတ်လ ၃၀ ရက်နေ့တွင် ရွေးချယ်တင်မြှောက်ခံရသည့် နိုင်ငံတော်သမ္မတကြီး ဦးထင်ကျော်သည် ပြည်ထောင်စုလွှတ်တော်တွင် ကျမ်းသစ္စာကျိန်ဆိုပြီးနောက် နိုင်ငံတော်သမ္မတ အဖြစ် မိန့်ခွန်းပြောကြားခဲ့ပါသည်။ မိန့်ခွန်းသည် တိုတောင်းသော်လည်း ရှင်းလင်းပြတ်သားပြီး အစိုးရအဖွဲ့အသစ် လုပ်ဆောင်မည့် အစီအစဉ် များကို ပြည်သူကို အသိပေးခဲ့ပါသည်။ လွန်ခဲ့သည့် နှစ်ပေါင်း ၁၅၀ ကျော်၊ ၁၈၆၃ နိုဝင်ဘာလ ၁၉ ရက်နေ့တွင် အမေရိကန်နိုင်ငံ ဂက်တီးစ် ဘတ် ( Gettysburg ) တွင်ပြောခဲ့သည့် အမေရိကန်သမ္မတ အေဘရာဟမ်လင်ကွန်း၏ မိန့်ခွန်းသည် ၂ မိနစ်ကျော်သာ ကြာပါသည်။ ယနေ့တိုင်ကမ္ဘာကျော်နေသော မိန့်ခွန်းဖြစ်ပါသည်။ ၂ မိနစ်ကျော်ကျော်သာ ကြာသော မိန့်ခွန်းတွင်  အမေရိကန်ပြည်ထောင်စုကြီး ရေရှည်တည်တန့်ရန်  လွတ်လပ်မှု နှင့် ညီမျှမှု အရေးကြီးကြောင်းကို ပြောကြားသွားခဲ့ပါသည်။

ကျွန်တော်တို့ နိုင်ငံသမ္မတကြီးဦးထင်ကျော်၏ မိန့်ခွန်းသည် ၂ မိနစ် ပင်မကြာသော်လည်း ၂၀၁၅ခုနှစ် နိုဝင်ဘာလရွေးကောက်ပွဲရလဒ်ကြောင့် ဖြစ်ထွန်းလာသော ဒုတိယအကြိမ်လွှတ်တော်နှင့် အစိုးရအဖွဲ့များ သည်

(၁) အမျိုးသားရင်ကြားစေ့ရေး

(၂) ပြည်တွင်းငြိမ်းချမ်းရေး

(၃)  ဒီမိုကရေစီဖယ်ဒရယ် ပြည်ထောင်စု ဖြစ်ပေါ်ရေး ကို ရှေးရှုတဲ့ ဖွဲ့စည်းပုံအခြေခံ ဥပဒေတစ်ခု ပေါ်ပေါက်ရေး

(၄)  ပြည်သူလူထုအများစု၏ လူနေမှုဘ၀အဆင့်အတန်းတိုးတက်မြင့်မာရေး

တို့ကို အကောင်အထည် ဖော်သွားမည့် မူဝါဒများကို ရှင်းလင်း ပြောကြားခဲ့ပါသည်။

အမျိုးသားရင်ကြားစေ့ရေး

ကျွန်တော်တို့နိုင်ငံတွင် လွတ်လပ်ရေးမရမီကစ၍ သဘောထားကွဲလွဲမှုများမှ စကာ အခြေတည်ခဲ့ သော လက်နက်ကိုင်အဖွဲ့အစည်းများသည် ယနေ့တိုင်ရှိနေဆဲ ဖြစ်ပါသည်။ တဖက်နှင့် တဖက် ကြားရှိ ပဋိပက္ခများ ကို နှစ်ပေါင်း ၆၀ ကျော် လက်နက်ကိုင်ကာ ဖြေရှင်းခဲ့ခြင်းကြောင့် တစ်ဖက်နှင့်တစ်ဖက် ယုံကြည်မှုများ လျော့နည်း နေပါသည်။ မြန်မာနိုင်ငံ၏ ကြွယ်ဝသော သဘာဝသံယံဇာတများကို နှစ်ပေါင်းများ စွာ စီမံခန့်ခွဲမှုအားနည်းစွာ ဖြင့် ထုတ်ယူခဲ့ခြင်း၊ အဂတိလိုက်စားခြင်း၊ တရားဥပဒေ စိုးမိုးမှု အားနည်းခြင်း တို့ကလည်း အစိုးရနှင့်ပြည်သူ၊ တပ်နှင့်ပြည်သူ၊ ငွေကြေးချမ်းသာသည့် လုပ်ငန်းရှင်ကြီး များနှင့်ပြည်သူတို့ကြား ယုံကြည်မှုများ ကင်းမဲ့ကာ တစ်ဖက် နှင့်တစ်ဖက် ရန်သူသဖွယ် ဖြစ်လာပါသည်။ အစိုးရ နှင့်ပြည်သူ၊ တပ်နှင့်ပြည်သူ၊ စီးပွားရေး လုပ်ငန်းရှင်ကြီးများနှင့်ပြည်သူတို့ကြား ယုံကြည်မှုများ ပြန်လည် တည်ဆောက်နိုင်ပြီး တစ်ဦး၏ကောင်းကျိုး ကို တစ်ဦးကလိုလားမှသာ တိုင်းပြည်အေးချမ်း သာယာပြီး ပြည်သူလူထုအများစု၏ လူနေမှု့ ဘ၀အဆင့်အတန်းတိုးတက်မြင့်မားလာမည် ဖြစ်ပါသည်။ ထို့ကြောင့် အမျိုးသားရင်ကြားစေ့ရေး သည်ကျွန်တော် တို့နိုင်ငံ အတွက် အလွန်အရေးကြီးပါသည်။ အမျိုးသားရင်ကြားစေ့ရေး ကို အရေးကြီးသည့် မူဝါဒ အဖြစ် သဘောထား သည် ကိုကြိုဆိုပါသည်။

ပြည်တွင်းငြိမ်းချမ်းရေး

ဦးသိန်းစိန် ဦးဆောင်သော အစိုးရလက်ထက်တွင် လက်နက်ကိုင်အဖွဲ့အစည်း(၈)ခုနှင့်တစ်နိုင်ငံလုံး အပစ်အခတ်ရပ်စဲရေး သဘောတူစာချုပ်ချုပ်ဆိုနိုင်ခဲ့သော်လည်း စာချုပ်မချုပ်နိုင်သေးသည့် လက်နက်ကိုင် အဖွဲ့များ ကျန်ရှိနေပါသေးသည်။ လက်နက်ကိုင်အဖွဲ့အစည်းအားလုံးနှင့် အပစ်အခတ် ရပ်စဲရေး စာချုပ်ရေးထိုးနိုင်ရန် နိုင်ငံတော်သမ္မတဦးထင်ကျော်ဦးဆောင်သော အစိုးရအဖွဲ့မှာ ဆက်လက်ကြိုးပမ်း ရပါဦးမည်။ အပစ်အခတ် ရပ်စဲပြီးနောက် နိုင်ငံရေးဆွေးနွေးပွဲများ အောင်မြင်စွာကျင်းပနိုင်မှသာ ပြည်တွင်းငြိမ်းချမ်းရေးအပြည့်အ၀ ရရှိမည်ဖြစ်ပါသည်။ ပြည်တွင်းငြိမ်းချမ်းရေး အရေးကြီးကြောင်းကို နိုင်ငံတော်သမ္မတကြီး က ကောင်းစွာ နားလည်သဘောပေါက်၍ ဖေါ်ဆောင်မည့် မူဝါဒတွင် ထည့်သွင်း ခဲ့ခြင်းကို ကြိုဆိုပါသည်။

ဒီမိုကရေစီဖယ်ဒရယ်ပြည်ထောင်စုဖြစ်ပေါ်ရေးကို ရှေးရှုတဲ့ ဖွဲ့စည်းပုံအခြေခံဥပဒေ တစ်ခုပေါ်ပေါက်ရေး

ကျွန်တော်တို့နိုင်ငံသည် တိုင်းရင်းသားလူမျိုးစုပေါင်း ၁၀၀ ကျော် မှီတင်းနေထိုင်သည့် ပြည်ထောင်စုကြီး ဖြစ်ပါသည်။ မြန်မာနိုင်ငံတွင် နေထိုင်သည့် တိုင်းရင်းသားညီအစ်ကိုမောင်နှစ်မအားလုံး သည် နိုင်ငံရေး၊ စီးပွားရေး၊ လူမှုရေးတို့တွင် တန်းတူညီမျှဖြစ်ရန် လိုအပ်ပါသည်။ ညီမျှမှုရှိမှသာ အမျိုးသား ရင်ကြားစေ့ရေးနှင့်ပြည်တွင်းငြိမ်းချမ်းရေးလည်း အောင်မြင်နိုင်ပါမည်။ ဒီမိုကရေစီ ဖယ်ဒရယ်ပြည်ထောင်စု ကသာ ပြည်ထောင်စုအတွင်းရှိ တိုင်းရင်းသားအားလုံး သာတူညီမျှမှု ကိုရရှိမည်ဖြစ်ပါသည်။ ထို့ကြောင့် ဒီမိုကရေစီဖယ်ဒရယ်ပြည်ထောင်စုဖြစ်ပေါ်ရေးကို ရှေးရှုတဲ့ ဖွဲ့စည်းပုံအခြေခံဥပဒေ တစ်ခုပေါ်ပေါက်ရန် အလွန်အရေးကြီးပါသည်။ ဤအချက် ကို အရေးကြီးသည့် မူဝါဒ အဖြစ် ဖေါ်ဆောင်မည်ဆို၍ ကြိုဆို ပါသည်။

ပြည်သူလူထုအများစု၏ လူနေမှု့ဘ၀အဆင့်အတန်းတိုးတတ်မြင့်မားရေး

နိုင်ငံတော်သမ္မတကြီးပြောကြားသွားသော မူဝါဒ ၄ ခုတွင် ပြည်သူလူထုအများစု၏ လူနေမှုဘ၀ အဆင့်အတန်းမြင့်မားရေးသည် ပြည်သူအများစု မျှော်လင့်တောင့်တနေသည့် ဆန္ဒဖြစ်ပါသည်။ ဤဆန္ဒကို အရေးကြီးသည့် မူဝါဒ အဖြစ် နိုင်ငံတော် သမ္မတကြီး က သတ်မှတ်၍ ပြည်သူများ ကိုယ်စား ၀မ်းသာကြိုဆိုပါသည်။  ပြည်သူလူထုအများစု၏ လူနေမှုဘ၀ အဆင့်အတန်းမြင့်မားရေး အတွက် နိုင်ငံတော်သမ္မတကြီး ဦးထင်ကျော် ဦးဆောင်သော ပြည်ထောင်စု အစိုးရအဖွဲ့သည် အောက်ပါ အချက်များကို အမြန်ဆုံး အကောင်အထည်ဖော်သင့်ကြောင်း ကို ပြည်သူတစ်ယောက်အနေဖြင့်ရိုးသားစွာ ဆန္ဒပြုပါသည်။

၁။       တရားဥပဒေစိုးမိုးရေး

၂။       လာဘ်ပေးလာဘ်ယူ ကင်းရှင်းပပျောက်ရေး

၃။       အစိုးရဌာနများ နှင့်ဆက်ဆံဆောင်ရွက်ရာတွင် ပြည်သူများအတွက် (One Stop Service) လွယ်ကူ ချောမွေ့ အောင်စီစဉ်ပေးခြင်း။

၎။       နိုင်ငံခြားရင်းနှီးမြှုပ်နှံမှုများ ပိုမိုဝင်ရောက်နိုင်အောင် စီမံဆောင်ရွက်ခြင်း။

၅။       အသေးစားနှင့်အလတ်စား တိုင်းရင်းသားလုပ်ငန်းရှင်များ ဖွံ့ဖြိုးတိုးတတ်အောင် စီမံပေးခြင်း။

၆။       ရာသီဥတု၏ထိုးနှက်မှု နှင့် ကျန်းမာရေးစောင့်ရှောက်မှု့အားနည်းခြင်းကြောင့် ရောဂါဘယများ၏ ထိုးနှက်မှု့ကို ခံစားနေရသော ကျေးရွာနေပြည်သူများကို အာမခံစနစ်များ ( ဥပမာ၊ ကျန်းမာရေးအာမခံ၊ ရာသီဥတု အာမခံ ) ဖြင့် အကာအကွယ်ပေးခြင်း။

၇။       ပြည်သူတစ်ဦးချင်းစီ၏ အရည်အသွေးများ တိုးတတ်လာစေရန် အသက်မွေးဝမ်းကြောင်း ပညာသင် ကျောင်းများ နိုင်ငံအနှံ့ ဖွင့်လှစ်ခြင်း။

နိဂုံးချုပ်မှာတော့ နိုင်ငံတော်သမ္မတကြီး က နိုင်ငံတော်သမ္မတ အဖြစ် ကတိသစ္စာ ဆိုခဲ့ခြင်းကို ထိန်းသိမ်းစောင့်ရှောက်မည်ဖြစ်ကြောင်း၊ ဒီမိုကရေစီ စံချိန်စံညွှန်း များနဲ့ ကိုက်ညီတဲ့ ဖွဲ့စည်းပုံ အခြေခံဥပဒေတစ်ရပ် ဖြစ်ပေါ်ရေး အတွက် စိတ်ရှည်သည်းခံရမှာဖြစ်ကြောင်း နှင့် ပြည်သူများရဲ့ မျှော်လင့်ချက်များ၊ ဆန္ဒများ ပြည့်ဝစေရန် ကြိုးပမ်းဆောင်ရွက်သွားမည်ဖြစ်ကြောင်း  ကို ပြောကြား သွားခဲ့ပါသည်။

၂ မိနစ်ကျော်သာ ကြာသော အမေရိကန်သမ္မတ အေဘရာဟမ်လင်ကွန်း၏ ဂက်တီးစ်ဘတ် မိန့်ခွန်း သည် ကမ္ဘာပေါ်တွင် ဒီမိုကရေစီအထွန်းကားဆုံး နှင့် ကမ္ဘာ့ အင်အားအကြီးဆုံး အမေရိကန်နိုင်ငံ ဖြစ်ပေါ်လာမှု၏ အစဟု ဆိုနိုင်ပါသည်။  နိုင်ငံတော်သမ္မတကြီး ဦးထင်ကျော် ၏ ၂ မိနစ်ပင် မကြာသော မိန့်ခွန်း  ကိုလည်း  အာဆီယံ နှင့် ကမ္ဘာ့အလယ်တွင် ချမ်းသာကြွယ်ဝ၍ ဒီမိုကရေစီ စံချိန်စံညွှန်း များနဲ့ ကိုက်ညီသည့် မြန်မာနိုင်ငံ ဖြစ်ပေါ်လာမည့်သမိုင်းအစ မိန့်ခွန်း အဖြစ်ဂုဏ်ယူစွာ မှတ်တမ်းတင်လိုက် ပါသည်။

ကျော်ကျော်လှိုင် ( SMART )

(www.akhayar.com)