[Zawgyi]

ပရီးမီးယားလိဂ္ရဲ႕ ပထမဆံုး အေရွ႕ေတာင္အာရွကစားသမားသမားျဖစ္လာတဲ့ အီသာရစ္ခ်္

ေနးလ္အီသာရစ္ခ်္ Neil Etheridge ဆိုတဲ့ နာမည္က အခုအခ်ိန္မွာ  ေဘာလံုးပရိသတ္ေတြနဲ႔ စိမ္းေနပါလိမ့္မယ္။ ေဘာလံုးဖြံ႔ၿဖိဳးမႈ အားနည္းတဲ့ အေရွ႕ေတာင္အာရွက ကစားသမားတစ္ေယာက္ကို ကမၻာ႔အေကာင္းဆံုးလိဂ္ ၿပိဳင္ပြဲတစ္ခုျဖစ္တဲ့ အဂၤလန္ပရီးမီးယားလိဂ္ ၿပိဳင္ပြဲမွာ ျမင္ေတြ႕ခဲ့ရၿပီ။ အဂၤလန္ႏြယ္ဖြား ဖိလစ္ပိုင္ႏိုင္ငံသားတစ္ေယာက္ျဖစ္ၿပီး ဖိလစ္ပိုင္လက္ေရြးစင္အသင္း ဂိုးေပါက္ကို အေကာင္းဆံုးကာကြယ္ေပးေနတဲ့ ကစားသမားတစ္ေယာက္။ ဖိလစ္ပိုင္လက္ေရြးစင္အသင္းဆိုတာ ေနာက္ပိုင္းေခတ္ေတြမွာ ေတာက္ေလွ်ာက္တိုးတက္လာတဲ့အသင္း။ အေရွ႕ေတာင္အာရွမွာ အေကာင္းဆံုးလို႔ ေျပာႏိုင္တဲ့ ထိုင္းကို ယွဥ္ဖုိ႔အထိ ရည္မွန္းခ်က္ထားေနတဲ့ အသင္း။ ဒီအသင္းရဲ႕ ကစားသမားက ပရီးမီးယားလိဂ္ကို တန္းတက္လာတဲ့ လိဂ္ခ်န္ပီယံရွစ္ကလပ္ ကာဒစ္ဖ္စီးတီးအသင္းရဲ႕ အဓိက ဂိုးသမား။ အခုေတာ့ ဖိလစ္ပိုင္ လက္္ေရြးစင္ဂိုးသမား အီသာရစ္ခ်္ဟာ ပရီးမီးယားလိဂ္မွာ ကစားခြင့္ရတဲ့ ပထမဆံုးအေရွ႕ေတာင္အာရွ ကစားသမားျဖစ္လာခဲ့ၿပီ။

aff-2010-neil-leonard-dula-etheridge-pai-soe-filipina-myanmar

aff-2010-neil-leonard-dula-etheridge-pai-soe-filipina-myanmar

အသက္ (၂၈)ႏွစ္ရွိၿပီျဖစ္တဲ့ အီသာရစ္ခ်္ကို (၁၉၉၀)ခုႏွစ္၊ ေဖေဖာ္ဝါရီလ၊ (၇)ရက္ေန႔မွာ အဂၤလန္ႏိုင္ငံ၊ လန္ဒန္ၿမိဳ႕မွာ ေမြးဖြားခဲ့ပါတယ္။ အသက္ (၈)ႏွစ္သား အရြယ္မွာ ပရီးမီးယားလိဂ္ထိပ္တန္းကလပ္ ခ်ယ္လ္ဆီးအသင္းရဲ႕ ေဘာလံုးအကယ္ဒမီကို တိုက္စစ္မွဴးတစ္ဦးအျဖစ္ ေရာက္ရွိလာခဲ့ၿပီး ေနာက္ပိုင္းမွာ အရပ္အေမာင္းျမင့္မားတဲ့ အီသာရစ္ခ်္ကို ဂိုးသမားတစ္ဦးျဖစ္လာဖို႔ အကယ္ဒမီနည္းျပက ခိုင္းေစခဲ့တယ္။ ၂၀၀၆ ခုႏွစ္မွာ လန္ဒန္ၿမိဳ႕ခံအသင္းတစ္သင္းျဖစ္တဲ့ ဖူလ္ဟမ္အကယ္ဒမီကို ေရာက္ရွိခဲ့ၿပီး ၂၀၀၈ ခုႏွစ္မွာ ပေရာ္ဖက္ရွင္နယ္စာခ်ဳပ္ကို ခ်ဳပ္ဆိုခဲ့ပါတယ္။ ၂၀၁၀ ခုႏွစ္ကစတင္ၿပီး ၂၀၁၄ ခုႏွစ္အထိ ခ်ာလ္တန္၊ ဘရစၥတိုးလ္ရိုဗာ၊ခရူဝီအသင္းေတြမွာ အငွားသြားေရာက္ ကစားခဲ့ၿပီး ၂၀၁၃-၁၄ ရာသီအကုန္မွာ ဖူလ္ဟမ္အသင္းက စာခ်ဳပ္ဖ်က္သိမ္းခဲ့ပါတယ္။ ေနာက္ပိုင္းမွာ အိုးလ္ဟမ္း၊ ခ်ာလ္တန္နဲ႔ ဝါေဆာလ္အသင္းေတြမွာ ကစားခဲ့ၿပီး အဂၤလန္ League One ကလပ္ ဝါေဆာလ္အသင္းမွာ လက္စြမ္းျပေနတဲ့ အီသာရစ္ခ်္ကို လာမယ့္ရာသီ ကာဒစ္ဖ္စီးတီးအသင္း ပရီးမီးယားလိဂ္ၿပိဳင္ပြဲကို တန္းတက္ခြင့္ရရွိေအာင္ စြမ္းေဆာင္ေပးခဲ့တဲ့ နည္းျပ ေနးလ္ဝါေနာ႔ခ္ Neil Warnock က (၃)ႏွစ္ စာခ်ဳပ္နဲ႔ ေခၚယူခဲ့တာျဖစ္ပါတယ္။

Neil-Etheridge

Neil-Etheridge

အခုႏွစ္ေဘာလံုးရာသီ အစမွာေတာ့ အီသာရစ္ခ်္အတြက္ အခြင့္အလမ္းေကာင္းတစ္ရပ္ျဖစ္လာေစခဲ့ပါတယ္။ ကာဒစ္ဖ္အသင္းရဲ႕ အဓိကဂိုးသမားျဖစ္တဲ့ လီကမ့္ Lee Camp ရာသီႀကိဳပြဲစဥ္မွာ ဒဏ္ရာရရွိသြားခဲ့လို႔ ၂၀၀၁၇-၁၈ ေဘာလံုးရာသီအစပြဲစဥ္ျဖစ္တဲ့ ဘာတန္အသင္းနဲ႔ ပြဲစဥ္မွာ စတင္ပြဲထြက္ခြင့္ရရွိခဲ့ၿပီး Cleen Sheet ရယူကာ လက္စြမ္းျပႏိုင္ခဲ့တာေၾကာင့္ နည္းျပ ေနးလ္ဝါေနာ႔ခ္ရဲ႕ ဦးစားေပး ကစားသမားျဖစ္လာခဲ့တယ္။ အီသာရစ္ခ်္ရဲ႕ ကာဒစ္ဖ္ကစားသမားဘဝ ပထမဆံုးရာသီမွာပဲ အသင္းအတြက္ ပြဲစဥ္အားလံုးနီးပါးဝင္ေရာက္ကစားခဲ့သလို (၁၉)ပြဲအထိ Cleen Sheet ရယူေပးႏိုင္ခဲ့ၿပီး (၃၇)ဂိုးသာ ခြင့္ျပဳခဲ့ရလို႔ လိဂ္ခ်န္ပီယံရွစ္ၿပိဳင္ပြဲရဲ႕ ပံုမွန္ပြဲထြက္ခြင့္ရတဲ့ ဂိုးသမားေတြထဲမွာ ေပးဂိုးအနည္းဆံုး ဂိုးသမားအျဖစ္ မွတ္တမ္းဝင္ခဲ့ပါတယ္။ ႏိုင္ငံလက္ေရြးစင္အသင္းအတြက္ (၅၉)ပဲြ ပါဝင္ကစားေပးခဲ့ဖူးၿပီး ၂၀၁၀ အာဆီယံဆူဇူကီးဖလားၿပိဳင္ပြဲမွာ ျမန္မာအသင္းနဲ႔ ေတြ႔ဆံုစဥ္ ပါဝင္ကစားခဲ့ပါတယ္။

Neil-Etheridge-Penalty-Save

Neil-Etheridge-Penalty-Save

အီသာရစ္ခ်္ဟာ ဘုန္းေမာက္ကုိ (၀-၂)ဂုိးနဲ႔ ႐ႈံးနိမ့္ခဲ့တဲ့ ပရီးမီးယားလိဂ္အဖြင့္ပဲြမွာ ကာဒစ္ဖ္အသင္းအတြက္ ပါ၀င္ကစားခဲ့ၿပီး အေရွ႕ေတာင္ အာရွေဘာလုံးေလာကအတြက္ ဂုဏ္ယူစရာေကာင္းတဲ့ မွတ္တမ္းတစ္ခုကုိ ရယူႏုိင္ခဲ့ပါၿပီ။ ေနာက္ၿပီး ဘုန္းေမာက္နဲ႔ပဲြမွာ ပယ္နယ္တီကာကြယ္ႏုိင္ခဲ့တာေၾကာင့္လည္း ၂၀၁၃ ခုႏွစ္က ဟားလ္စီးတီးဂုိးသမား မက္ဂရီေဂၚ McGregor ေနာက္ပုိင္း ပရီးမီးယားလိဂ္ပဲြဦးထြက္ ပယ္နယ္တီကာကြယ္ႏုိင္ခဲ့တဲ့ ပထမဆုံးဂုိးသမားအျဖစ္ပါ စံခ်ိန္တင္ခဲ့တယ္။ ဒါေၾကာင့္ အီသာရစ္ခ်္ကုိ အေရွ႕ေတာင္အာရွရဲ႕ ဂုဏ္ထူးေဆာင္ ကစားသမားအျဖစ္ တင္စားဂုဏ္ယူလုိက္ရတာပဲျဖစ္ပါတယ္ . . . .

ေနးလ္အီသာရစ္ခ်္ရဲ႕ ကစားသမားဘ၀မွတ္တမ္း

Neil Leonard Dula Etheridge
7 February 1990 (age 28)
Enfield, London, England
1.88 m (6 ft 2 in)
Goalkeeper (Cardiff City)
Number – 25

Youth career
2003–2006 Chelsea, 2006–2008 Fulham

Senior career
2008–2014 Fulham, 2008–2009 Leatherhead (loan), 2011 Charlton Athletic (loan), 2012 Bristol Rovers (loan), 2013–2014 Crewe Alexandra (loan), 2014–2015 Oldham Athletic, 2014 Charlton Athletic (loan), 2015 Charlton Athletic, 2015–2017 Walsall, 2017– Cardiff City

National team
2005 England U16 (1), 2008– Philippines (59)

REF:Wikipedia
Photo:Goal, Word Press, Twitter
Aung Kyaw Wai(Akhayar)
www.akhayar.com

[Unicode]

ပရီးမီးယားလိဂ်ရဲ့ ပထမဆုံး အရှေ့တောင်အာရှကစားသမားသမားဖြစ်လာတဲ့ အီသာရစ်ချ်

နေးလ်အီသာရစ်ချ် Neil Etheridge ဆိုတဲ့ နာမည်က အခုအချိန်မှာ  ဘောလုံးပရိသတ်တွေနဲ့ စိမ်းနေပါလိမ့်မယ်။ ဘောလုံးဖွံ့ဖြိုးမှု အားနည်းတဲ့ အရှေ့တောင်အာရှက ကစားသမားတစ်ယောက်ကို ကမ္ဘာ့အကောင်းဆုံးလိဂ် ပြိုင်ပွဲတစ်ခုဖြစ်တဲ့ အင်္ဂလန်ပရီးမီးယားလိဂ် ပြိုင်ပွဲမှာ မြင်တွေ့ခဲ့ရပြီ။ အင်္ဂလန်နွယ်ဖွား ဖိလစ်ပိုင်နိုင်ငံသားတစ်ယောက်ဖြစ်ပြီး ဖိလစ်ပိုင်လက်ရွေးစင်အသင်း ဂိုးပေါက်ကို အကောင်းဆုံးကာကွယ်ပေးနေတဲ့ ကစားသမားတစ်ယောက်။ ဖိလစ်ပိုင်လက်ရွေးစင်အသင်းဆိုတာ နောက်ပိုင်းခေတ်တွေမှာ တောက်လျှောက်တိုးတက်လာတဲ့အသင်း။ အရှေ့တောင်အာရှမှာ အကောင်းဆုံးလို့ ပြောနိုင်တဲ့ ထိုင်းကို ယှဉ်ဖို့အထိ ရည်မှန်းချက်ထားနေတဲ့ အသင်း။ ဒီအသင်းရဲ့ ကစားသမားက ပရီးမီးယားလိဂ်ကို တန်းတက်လာတဲ့ လိဂ်ချန်ပီယံရှစ်ကလပ် ကာဒစ်ဖ်စီးတီးအသင်းရဲ့ အဓိက ဂိုးသမား။ အခုတော့ ဖိလစ်ပိုင် လက်ရွေးစင်ဂိုးသမား အီသာရစ်ချ်ဟာ ပရီးမီးယားလိဂ်မှာ ကစားခွင့်ရတဲ့ ပထမဆုံးအရှေ့တောင်အာရှ ကစားသမားဖြစ်လာခဲ့ပြီ။

aff-2010-neil-leonard-dula-etheridge-pai-soe-filipina-myanmar

aff-2010-neil-leonard-dula-etheridge-pai-soe-filipina-myanmar

အသက် (၂၈)နှစ်ရှိပြီဖြစ်တဲ့ အီသာရစ်ချ်ကို (၁၉၉၀)ခုနှစ်၊ ဖေဖော်ဝါရီလ၊ (၇)ရက်နေ့မှာ အင်္ဂလန်နိုင်ငံ၊ လန်ဒန်မြို့မှာ မွေးဖွားခဲ့ပါတယ်။ အသက် (၈)နှစ်သား အရွယ်မှာ ပရီးမီးယားလိဂ်ထိပ်တန်းကလပ် ချယ်လ်ဆီးအသင်းရဲ့ ဘောလုံးအကယ်ဒမီကို တိုက်စစ်မှူးတစ်ဦးအဖြစ် ရောက်ရှိလာခဲ့ပြီး နောက်ပိုင်းမှာ အရပ်အမောင်းမြင့်မားတဲ့ အီသာရစ်ချ်ကို ဂိုးသမားတစ်ဦးဖြစ်လာဖို့ အကယ်ဒမီနည်းပြက ခိုင်းစေခဲ့တယ်။ ၂၀၀၆ ခုနှစ်မှာ လန်ဒန်မြို့ခံအသင်းတစ်သင်းဖြစ်တဲ့ ဖူလ်ဟမ်အကယ်ဒမီကို ရောက်ရှိခဲ့ပြီး ၂၀၀၈ ခုနှစ်မှာ ပရော်ဖက်ရှင်နယ်စာချုပ်ကို ချုပ်ဆိုခဲ့ပါတယ်။ ၂၀၁၀ ခုနှစ်ကစတင်ပြီး ၂၀၁၄ ခုနှစ်အထိ ချာလ်တန်၊ ဘရစ္စတိုးလ်ရိုဗာ၊ခရူဝီအသင်းတွေမှာ အငှားသွားရောက် ကစားခဲ့ပြီး ၂၀၁၃-၁၄ ရာသီအကုန်မှာ ဖူလ်ဟမ်အသင်းက စာချုပ်ဖျက်သိမ်းခဲ့ပါတယ်။ နောက်ပိုင်းမှာ အိုးလ်ဟမ်း၊ ချာလ်တန်နဲ့ ဝါဆောလ်အသင်းတွေမှာ ကစားခဲ့ပြီး အင်္ဂလန် League One ကလပ် ဝါဆောလ်အသင်းမှာ လက်စွမ်းပြနေတဲ့ အီသာရစ်ချ်ကို လာမယ့်ရာသီ ကာဒစ်ဖ်စီးတီးအသင်း ပရီးမီးယားလိဂ်ပြိုင်ပွဲကို တန်းတက်ခွင့်ရရှိအောင် စွမ်းဆောင်ပေးခဲ့တဲ့ နည်းပြ နေးလ်ဝါနော့ခ် Neil Warnock က (၃)နှစ် စာချုပ်နဲ့ ခေါ်ယူခဲ့တာဖြစ်ပါတယ်။

Neil-Etheridge

Neil-Etheridge

အခုနှစ်ဘောလုံးရာသီ အစမှာတော့ အီသာရစ်ချ်အတွက် အခွင့်အလမ်းကောင်းတစ်ရပ်ဖြစ်လာစေခဲ့ပါတယ်။ ကာဒစ်ဖ်အသင်းရဲ့ အဓိကဂိုးသမားဖြစ်တဲ့ လီကမ့် Lee Camp ရာသီကြိုပွဲစဉ်မှာ ဒဏ်ရာရရှိသွားခဲ့လို့ ၂၀၀၁၇-၁၈ ဘောလုံးရာသီအစပွဲစဉ်ဖြစ်တဲ့ ဘာတန်အသင်းနဲ့ ပွဲစဉ်မှာ စတင်ပွဲထွက်ခွင့်ရရှိခဲ့ပြီး Cleen Sheet ရယူကာ လက်စွမ်းပြနိုင်ခဲ့တာကြောင့် နည်းပြ နေးလ်ဝါနော့ခ်ရဲ့ ဦးစားပေး ကစားသမားဖြစ်လာခဲ့တယ်။ အီသာရစ်ချ်ရဲ့ ကာဒစ်ဖ်ကစားသမားဘဝ ပထမဆုံးရာသီမှာပဲ အသင်းအတွက် ပွဲစဉ်အားလုံးနီးပါးဝင်ရောက်ကစားခဲ့သလို (၁၉)ပွဲအထိ Cleen Sheet ရယူပေးနိုင်ခဲ့ပြီး (၃၇)ဂိုးသာ ခွင့်ပြုခဲ့ရလို့ လိဂ်ချန်ပီယံရှစ်ပြိုင်ပွဲရဲ့ ပုံမှန်ပွဲထွက်ခွင့်ရတဲ့ ဂိုးသမားတွေထဲမှာ ပေးဂိုးအနည်းဆုံး ဂိုးသမားအဖြစ် မှတ်တမ်းဝင်ခဲ့ပါတယ်။ နိုင်ငံလက်ရွေးစင်အသင်းအတွက် (၅၉)ပွဲ ပါဝင်ကစားပေးခဲ့ဖူးပြီး ၂၀၁၀ အာဆီယံဆူဇူကီးဖလားပြိုင်ပွဲမှာ မြန်မာအသင်းနဲ့ တွေ့ဆုံစဉ် ပါဝင်ကစားခဲ့ပါတယ်။

Neil-Etheridge-Penalty-Save

Neil-Etheridge-Penalty-Save

အီသာရစ်ချ်ဟာ ဘုန်းမောက်ကို (ဝ-၂)ဂိုးနဲ့ ရှုံးနိမ့်ခဲ့တဲ့ ပရီးမီးယားလိဂ်အဖွင့်ပွဲမှာ ကာဒစ်ဖ်အသင်းအတွက် ပါဝင်ကစားခဲ့ပြီး အရှေ့တောင် အာရှဘောလုံးလောကအတွက် ဂုဏ်ယူစရာကောင်းတဲ့ မှတ်တမ်းတစ်ခုကို ရယူနိုင်ခဲ့ပါပြီ။ နောက်ပြီး ဘုန်းမောက်နဲ့ပွဲမှာ ပယ်နယ်တီကာကွယ်နိုင်ခဲ့တာကြောင့်လည်း ၂၀၁၃ ခုနှစ်က ဟားလ်စီးတီးဂိုးသမား မက်ဂရီဂေါ် McGregor နောက်ပိုင်း ပရီးမီးယားလိဂ်ပွဲဦးထွက် ပယ်နယ်တီကာကွယ်နိုင်ခဲ့တဲ့ ပထမဆုံးဂိုးသမားအဖြစ်ပါ စံချိန်တင်ခဲ့တယ်။ ဒါကြောင့် အီသာရစ်ချ်ကို အရှေ့တောင်အာရှရဲ့ ဂုဏ်ထူးဆောင် ကစားသမားအဖြစ် တင်စားဂုဏ်ယူလိုက်ရတာပဲဖြစ်ပါတယ် . . . .

နေးလ်အီသာရစ်ချ်ရဲ့ ကစားသမားဘဝမှတ်တမ်း

Neil Leonard Dula Etheridge
7 February 1990 (age 28)
Enfield, London, England
1.88 m (6 ft 2 in)
Goalkeeper (Cardiff City)
Number – 25

Youth career
2003–2006 Chelsea, 2006–2008 Fulham

Senior career
2008–2014 Fulham, 2008–2009 Leatherhead (loan), 2011 Charlton Athletic (loan), 2012 Bristol Rovers (loan), 2013–2014 Crewe Alexandra (loan), 2014–2015 Oldham Athletic, 2014 Charlton Athletic (loan), 2015 Charlton Athletic, 2015–2017 Walsall, 2017– Cardiff City

National team
2005 England U16 (1), 2008– Philippines (59)

REF:Wikipedia
Photo:Goal, Word Press, Twitter
Aung Kyaw Wai(Akhayar)
www.akhayar.com