ရှုပ်ထွေးပွေလီလှတဲ့ လောကကြီးထဲမှာ ရိုးရိုးရှင်းရှင်း ဖြတ်သန်းနိုင်ဖို့ဆိုတာ လွယ်ကူလှတဲ့ကိစ္စတော့ မဟုတ်လှပါဘူး။ မကောင်းမှု ဒုစရိုက်အလုပ်တွေကို တစ်သက်လုံးရှောင်ကြဉ်ပြီး ကောင်းမှု သုစရိုက်အလုပ်တွေကိုသာ အမြဲမပြတ်လုပ်ဆောင်နေမှသာ အောင်မြင်ပျော်ရွှင်တဲ့ဘဝကို ပိုင်ဆိုင်နိုင်မှာဖြစ်ပါတယ်။ လောကီလောကုတ်နှစ်မျိုးစလုံးကို ကောင်းကျိုးမပေးတဲ့အပြင် လူမုန်းများစေနိုင်တဲ့ အကျင့်စရိုက်တွေကို ဖယ်ရှားမှသာ အောင်မြင်နိုင်မှာဖြစ်ပါတယ်။ ဘဝမှာ ပျော်ရွှင်စေဖို့ မလုပ်သင့်တဲ့အချက်တွေကို ဖော်ပြလိုက်ပါတယ်။

၁။ ခရီးထွက်ဖို့ လက်မတွန့်ပါနဲ့။

အရွယ်ကောင်းတုန်းသာ လုပ်လို့ရတဲ့အရာထဲမှာ ပညာသင်တာအပြင် ခရီးထွက်တာလည်း ပါပါသေးတယ်။ လစဉ်သီးသန့်ပိုက်ဆံစုထားပြီး တစ်နှစ်မှာ အနည်းဆုံး၂ခေါက်လောက် ခရီးထွက်နိုင်အောင် ကြိုးစားပါ။ ဒေသန္တရဗဟုသုတတိုးပွားစေရုံမက အသက်ရှည်ကျန်းမာစေတဲ့အတွက် အားလပ်ချိန်တိုင်း ခရီးထွက်လိုက်ပါ။

၂။ အရေးကြီးကိစ္စတွေကို ကိုယ်တိုင်ပြောပါ။

ကိုယ့်ဘဝအတွက် အရေးကြီးမယ်ထင်တဲ့ကိစ္စတွေကို ကိုယ်တိုင်ပြောဆိုလုပ်ဆောင်မှသာ ပိုကောင်းမှာပါ။ အရေးကြီးတဲ့ကိစ္စတွေကို မက်ဆေ့ပို့တာမျိုး၊ လူကြုံပြောခိုင်းတာမျိုး မလုပ်ဘဲနဲ့ ကိုယ်တိုင်ပဲလုပ်ပါ။ အရေးကြီးတဲ့ကိစ္စတွေကို ကိုယ်တိုင်အချိန်ပေးလုပ်မှသာ ပိုကောင်းတဲ့ရလဒ်မျိုး ရရှိမှာဖြစ်ပါတယ်။

၃။ တောင်းပန်ရမယ့်ကိစ္စကို အချိန်မဆွဲပါနဲ့။

ကိုယ်ဟာ တခြားတစ်ယောက်အပေါ် အပြစ်ရှိသလို ခံစားမိရင် အချိန်မဆိုင်းဘဲ တောင်းပန်လိုက်ပါ။ ဝန်ချတောင်းပန်တယ်ဆိုတာက လက်မြှောက်အရှုံးပေးတာမဟုတ်ဘဲနဲ့ တစ်ဖက်လူကို လေးစားရာရောက်ပါတယ်။ တောင်းပန်လိုက်လို့ သိမ်ငယ်သွားတယ်လို့ မတွေးပါနဲ့။

၎။ သူငယ်ချင်းတွေနဲ့တွေ့ရင် ဖုန်းမသုံးပါနဲ့။

လူတစ်ယောက်ရဲ့တစ်နေ့တာ ၂၄နာရီမှာ အလုပ်လုပ်ရတာက ၈နာရီ၊ အလုပ်အသွားအပြန်က ၂နာရီ၊ အိပ်ချိန်က ၈နာရီ အားလုံးပေါင်းလိုက်မယ်ဆိုရင် သူငယ်ချင်းတွေကို ပေးလိုက်ရတဲ့အချိန်က ဘာမှမကျန်သလောက်ပါပဲ။ သူငယ်ချင်းတွေနဲ့ လက်ဖက်ရည်ဆိုင်ထိုင်တုန်းမှာ ဖုန်းလေးတွေ ဘေးနားမှာ ချထားလိုက်ပါ။

၅။ အလေးထားရမယ့်နေ့ကို မပျက်ကွက်ပါနဲ့။

တန်ဖိုးထားရတဲ့လူတစ်ယောက်ရဲ့နေ့ထူးနေ့မြတ်တွေကို ဘယ်တော့မှ မသိကျိုးကျွန် မပြုပါနဲ့။ အမြဲတမ်းခေါင်းထဲမှာ မှတ်ထားပြီး အမြဲတမ်းသတိရနေပါစေ။ နေ့ထူးနေ့မြတ်တွေမှာ သူ့အတွက်အချိန်ပေးပြီး သီးသန့်ကမ္ဘာလေး တည်ဆောက်ပေးလိုက်ပါ။

၆။ တစ်ဖက်သတ်မချစ်ပါနဲ့။

အချစ်ဆိုတဲ့အရာဟာ ပူလောင်မှုမရှိဘဲနဲ့ သီးသန့်ဖြစ်တည်နေတဲ့အရာတစ်ခုပါ။ တစ်ဘီးတည်း လိမ့်နေရင် ရေရှည်မှာ အန္တရာယ်ကြီးမားရုံသာမက ဝမ်းနည်းမှုတွေနဲ့သာ ပြည့်ညှက်နေမှာပါ။ တစ်ဖက်သတ်အချစ်ဆိုတာ တစ်ဖက်ကို သတ်ရင်းနဲ့ ကိုယ်တိုင်လည်း သေတတ်ပါတယ်။ အဲဒီတော့ ချင်းစိမ်းနဲ့မိဿလင် သူကြင်မှ ကိုယ်ကြင်။

ရှောင်ကြဉ်သင့်တဲ့အချက်အလက်တွေကို တက်နိုင်သလောက် ဖော်ပြခဲ့ပြီးပါပြီ။ လိုအပ်ချက်တွေများရှိရင် Comment မှာ ဖော်ပြလိုက်ပါဦးနော်။

ကျော်စိုးအောင် (အခရာ)

www.akhayar.com