Customer is always right ဆိုတာ

“Customer is always right” တဲ့။ ဒါဟာ ကမ္ဘာတစ်ဝှမ်းက ကုန်ထုတ်ပစ္စည်းရောင်းချသူတွေ၊ စတိုးဆိုင်ကြီးကြီး ငယ်ငယ်တွေကအစ စားသုံးသူကို ဝန်ဆောင်မှုပေးနေတဲ့ အဖွဲ့အစည်းတိုင်း လက်ကိုင်ထားတဲ့ ဆောင်ပုဒ်တွေထဲက တစ်ခုပါပဲ။ တကယ်တော့ Customer ဆိုတာ ကိုယ့်ဝင်ငွေကို ဖြည့်ဆည်းပေးနေတဲ့ ရတနာသိုက်ကြီးပါပဲ။ ဒီတော့ ရတနာတွေကို စောင့်ရှောက်သလို စောင့်ရှောက်သင့်တာပေ့ါ။ လက်တွေ့မှာတော့ ဒီလို တကယ်ဖြစ်ပါရဲ့လား။ ကိုယ့်လုပ်ငန်းရဲ့ တန်ဖိုးထားမှုစံဟာ စားသုံးသူက အမြဲမှန်တယ်ဆိုထားပေမယ့် ကိုယ့်ဝန်ထမ်းက ကိုယ့်စံကို မလိုက်နာတဲ့အခါ၊ မလိုက်နာသလို ဖြစ်သွားတဲ့ အခါ၊ Mid Management Level လောက်က အုပ်ချုပ်မှုညံ့ဖျင်းတဲ့အခါ Customer ကို ဂရုစိုက်မှု မပေးနိုင်တဲ့အပြင် စိတ်အနှောက်အယှက်ပေးမိတာတွေ၊ ပြန်စော်ကားမိတာတွေ၊ အရမ်းဆိုးရင် ကိုယ်ထိလက်ရောက် လုပ်မိတာတွေပါ ဖြစ်လာတတ်ပါတယ်။ တကယ်တော့ ဒီလိုဖြစ်ရပ်မျိုးတွေဟာ ဒီခေတ်မှာ ကိုယ့်လုပ်ငန်း Image အတွက် အရမ်းကို ဆိုးရွားစေပါတယ်။ ဒီလို အင်တာနက်ခေတ်ကြီးမှာ၊ သတင်းအချက်အလက်စီးဆင်းမှုလျင်မြန်နေတဲ့ ခေတ်ကြီးမှာ “အမှိုက်ကစ၊ ပြသာဒ်မီးလောင်”ဆိုသလို ကိစ္စသေးသေးလေး၊ မီးပွားသေးသေးလေးကနေတောင် Company ကြီး တစ်ခုလုံးရဲ့ ပုံရိပ်ကို ထိခိုက်သွားစေတာတွေ၊ Company ရှယ်ယာတွေ ထိုးကျသွားတာတွေ၊ အရမ်းဆိုးသွားရင် Company ပြိုလဲသွားတဲ့ထိ ဖြစ်နိုင်ပါတယ်။ အနီးစပ်ဆုံး ဥပမာပေးရရင်ဖြင့် ဧပြီ ၉ ရက်နေ့က အမေရိကန်အခြေစိုက် Airline တစ်ခုဖြစ်တဲ့ United Airlines ဟာ သူတို့လေယာဉ်ပေါ်ကနေ ခရီးသည်ကို ဆွဲချခဲ့မှုနဲ့ ပြဿနာအကြီးအကျယ်တက်ခဲ့ပါတယ်။ ဖြစ်ပုံက United airlinesဟာ သူတို့ရဲ့ ဝန်ထမ်းတွေကို တခြားမြို့ဆီ ပို့ဆောင်ပေးဖို့အတွက် ခုံနေရာ ၄နေရာ လိုအပ်ပါတယ် လေယာဉ်တစ်စီးလုံးဟာ ခုံအပြည့်ဖြစ်နေပါတယ်။ ဒီအတွက် ခရီးသည်တွေထဲက ၄ ယောက်ဟာ ခုံက ထပေးရမှာ ဖြစ်ပြီး Company ရဲ့ မူဝါဒအရ ခုံနေရာစွန့်ပေး၊ ထပေးတဲ့ သူတွေကို ငွေပြန်အမ်းတဲ့ မူဝါဒရှိပေမယ့် အဲဒီတုန်းက ဘယ်သူကမှ ထိုင်ခုံက ထပေးဖို့ စိတ်ကူးမရှိခဲ့ကြပါဘူး။ အဲ့ဒါနဲ့ပဲ ခရီးသည်လေးယောက်ကို ကျပန်းရွေးချယ်ခဲ့ပြီး ထိုင်ခုံနေရာထပေးဖို့ ပြောခဲ့တဲ့ အချိန်မှာ ခရီးသည် သုံးယောက်က လေယာဉ်ပေါ်က ဆင်းသွားခဲ့ပေမယ့် နောက်ထပ်ခရီးသည်တစ်ယောက် ဖြစ်တဲ့ Dr.