တရုတ်နှစ်သစ်ကူးချိန်မှာ မြင်တွေ့နေရတဲ့ နဂါးအက ခြင်္သေ့အကဆိုတာ ဘာအဓိပ္ပါယ်လဲ။ တရုတ်လူမျိုးတွေဟာ နှစ်ကူးချိန်ခါမှာ ဘာလို့အိမ်ကိုမဖြစ်မနေပြန်ကြတာလဲ။ နှစ်ကူးမှာ မပါမဖြစ်အစားအစာကဘာတွေများလဲ။ နှစ်ကူးရက်တွေမှာ ဘယ်လိုဓလေ့ထုံးတမ်းတွေရှိကြလဲ ဒါတွေ ဒါတွေကို သိချင်မိတယ်ဆိုရင် ဒီပို့စ်ကို ဖတ်ပါနော်။

နှစ်သစ်ကူးအပေါ်အယူအဆ

တရုတ်နှစ်သစ်ကူးကာလကို တရုတ်ရိုးရာပြက္ခဒိန်အရ ကြည့်ရှုသတ်မှတ်ကြပါတယ်။ တစ်နှစ်နဲ့တစ်နှစ် နှစ်သစ်ကူးကျရောက်တဲ့ရက်ဟာ မတူကြပါဘူး။ ဒီနှစ် တရုတ်နှစ်သစ်ကူးရက်ကတော့ ဇန်နဝါရီ ၂၈ ရက်မှာ ကျရောက်မှာဖြစ်ပါတယ်။

တရုတ်လူမျိုးတွေဟာ နှစ်တစ်နှစ်ရဲ့အစမှာကောင်းခြင်းတွေ အဆင်ပြေခြင်းတွေနဲ့ အတူမင်္ဂလာရှိစွာ စတင်မှသာ  တစ်နှစ်လုံးအတွက်ကံကောင်းခြင်းတွေရောက်ရှိနိုင်တယ်လို့ ယူဆချက်ပြင်းထန်ကြပါတယ်။

ဘာကြောင့်မိသားစုဆီပြန်ဖို့ အရေးကြီးတာလဲ

တရုတ်လူမျိုးတွေဟာ နှစ်ကူးအခါသမယမှာ မိသားစုမျက်နှာစုံညီတွေ့ဆုံခွင့်ရခြင်းကို အရမ်းတန်ဖိုးထားကြပါတယ်။ ဘယ်နေရာရောက်နေနေ နှစ်ကူးချိန်မှာတော့ မိသားစုနဲ့တွေ့ဆုံဖို့ အရောက်ပြန်လာတတ်ကြပါတယ်။ ဒီလိုမိသားစု စုံစုံလင်လင်နေ့လယ်စာ ညစာ စားခွင့်ရမှလည်းနှစ်သစ်အတွက် မင်္ဂလာရှိတယ်လို့ယူဆကြပါတယ်။ တချို့နိုင်ငံတွေမှာတော့ ဒီလိုအိမ်ပြန်ချိန်မျိုးဆို လေယာဉ်လက်မှတ်တွေခက်ခဲတာ ခရီးသွားတွေကျပ်ညပ်နေတာမျိုးရှိကြတာမို့ သတိထားသင့်ပါတယ်။ တရုတ်ပြည်နယ်တချို့မှာတော့ နှစ်ကူးချိန်ခါ မိဘနေရပ်ပြန်ချိန်မှာ ကိုယ်နဲ့လက်ထပ်မယ့်မိန်းကလေးကို မိတ်ဆက်ရတာမျိုးရှိပါတယ်။ ဒီအချိန်မှာ မိဘနဲ့ မိတ်ဆက်ပေးဖို့အတွက် ကြင်ဖော်ငှားတဲ့ ဝန်ဆောင်မှုက  အရမ်းအလုပ်ဖြစ်တယ်လို့သိရပါတယ်။

နှစ်ကူးကာလအစားအသောက်များ

နှစ်ကူးချိန်မှာတော့ တရုတ်နှစ်ကူးအစာအစာတွေဖြစ်တဲ့ အီကွေ့ ၊ အန်းကူး ၊ မြေပဲယို၊ နှမ်းပျစ်၊ သကြားလုံး တွေက မပါမဖြစ်ပါဝင်ရပါတယ်။ ကံကောင်းခြင်းတွေရောက်လာစေဖို့ဆိုတဲ့အဓိပ္ပါယ်နဲ့စားသောက်တဲ့ အစားအသောက်တွေကတော့ ငါး၊ ဖက်ထုပ် ၊ ကော်ပြန့်ကြော် ၊ အီကွေ့ ၊ ဆန်မုန့်လုံးချို ၊ ခေါက်ဆွဲ ၊ လိမ္မော်သီးလိုမျိုးအသီးအနှံတွေဖြစ်ကြပါတယ်။ ငါးရဲ့တရုတ်အသံထွက်က ကျန်ရှိတယ်ဆိုတဲ့စကားလုံးနဲ့အဓိပ္ပါယ်တူပြီး ကောင်းသောအရာတွေကျန်ရှိတယ်ဆိုတဲ့အဓိပ္ပါယ်ဖြစ်ပါတယ်။ ဖက်ထုပ်နဲ့ကော်ပြန့်ကြော်တွေကတော့ ချမ်းသာကြွယ်ဝခြင်းဆိုတဲ့ အနက်ရှိပါတယ်။ အီကွေ့ကတော့ တစ်နှစ်ထက်တစ်နှစ်ပိုတိုးတက်ပါစေ၊ လုပ်ငန်းတွေအောင်မြင်ပါစေ၊ ကလေးတွေဆိုရင်တော့ အရပ်ရှည်ပြီးပိုဖွံ့ဖြိုးပါစေ စာမေးပွဲအောင်မြင်ပါစေ ဆိုတဲ့အဓိပ္ပါယ်တွေသက်ရောက်ပါတယ်။ မုန့်လုံးချိုတွေက မိသားစုပေါင်းစည်းနေထိုင်နိုင်ခြင်း ၊ ခေါက်ဆွဲကတော့ ပျော်ရွှင်မှုနဲ့အသက်ရှည်ရှည်နေထိုင်နိုင်ဖို့ကိုယ်စားပြုပြီး အသီးအနှံတွေကတော့ ပြည့်စုံကုံလုံခြင်းကို ကိုယ်စားပြုပါတယ်။

ထုံးတမ်းစဉ်လာများ

မြန်မာနှစ်သစ်ကူးလိုပဲ တရုတ်နှစ်သစ်ကူးရက်မတိုင်ခင်မှာလည်း အိမ်သန့်ရှင်းရေးလုပ် အိမ်မှာသုံးတဲ့ အသုံးအဆောင်တွေ အားလုံးကို သန့်ရှင်းစင်ကြယ်စေပြီး အေးချမ်းကြည်လင်စွာနဲ့နှစ်သစ်ကို ကြိုဆိုကြတဲ့ ဓလေ့ရှိပါတယ်။

နှစ်သစ်ကူးနေ့မှာတော့ ရေချိုး ခေါင်းလျှော် အဝတ်လျှော်မလုပ်ရတာမျိုးတွေရှိပါတယ်။ ဘာလို့လဲဆိုတော့ ကိုယ့်ဆီက ကံကောင်းခြင်းတွေ မထွက်စေချင်လို့ပါ။ နံနက်အိပ်ရာထချိန်မှာလည်း လူတွေကို ဆူဆူညံညံနဲ့ ကတိုက်ကရိုက်နှိုးတာမျိုး မလုပ်ရပါဘူး။ တစ်နှစ်လုံး ပျာယာခတ်နေရမယ်လို့ယူဆကြပါတယ်။ အိမ်မှာရှိသူတွေကလည်း ပျင်းပျင်းရိရိမနေရပါဘူး။ ဒါကလည်း နောက်တစ်နှစ်မှာ ကိုယ့်ရဲ့အလုပ်အကိုင်ကို ထိခိုက်စေနိုင်ပါတယ်။

ထမင်း ဟင်း အသစ်မချက်ရဘဲ နှစ်ကူးမတိုင်ခင်က ချက်ထားတဲ့ထမင်းဟင်းတွေ စားသုံးခြင်းက နောက်နှစ်အတွက် အစားအစာတွေကျန်သေးတယ် ဖူလုံတယ်လို့ အယူအဆရှိပါတယ်၊ တချို့တွေကတော့ အသားမစားတာ မီးမသုံးရတာတွေရှိပါတယ်။ မီးမွှေးရင် တစ်နှစ်လုံးပူလောင်မှာစိုးတဲ့အနက်ရှိပါတယ်။ အမှိုက်လှည်းပစ်တာကလည်း ကိုယ့်အိမ်က ကံကောင်းခြင်းတွေ အပြင်ကိုထုတ်ရာရောက်တယ်လို့ ယူဆတဲ့အတွက် အမှိုက်မလှည်းရတာမျိုးရှိပါတယ်။

အန်ပေါင်းပေးတာဘာကြောင့်လဲ

တရုတ်နှစ်သစ်ကူး အခါသမယဆိုရင် အန်ပေါင်းပေးတဲ့ ထုံးတမ်းကလည်းထင်ရှားပါတယ်။ အန်ပေါင်းပေးခြင်းက ပျော်ရွှင်မှု၊ ကံကောင်းခြင်းတွေနဲ့ ခွန်အားတွေရရှိအောင်ဆိုတဲ့ ရည်ရွယ်ချက်ဖြစ်ပါတယ်။ အန်ပေါင်းအိတ်ရရှိသူကတော့ တစ်နှစ်လုံး ငြိမ်းချမ်းမှုတွေ ပျော်ရွှင်မှုတွေရရှိနိုင်တယ်လို့ လက်ခံယုံကြည်ထားကြပါတယ်။ စီးပွားရေးပြေလည်တဲ့ သားသမီးတွေက မိဘ၊ ဘိုးဘွားတွေကို ဂါရဝပြု ကန်တော့ကြသလို ကလေးငယ်တွေကိုတော့ မဖြစ်မနေ အန်ပေါင်းပေးရတဲ့ ထုံးစံရှိပါတယ်။

တချို့မျိုးရိုးမှာအိမ်ထောင်ကျပြီးသူက အန်ပေါင်းပေးရတာမျိုးရှိသလို တချို့ကတော့ အသက်လေးဆယ်ကျော်တာနဲ့ ပေးလို့ရတဲ့ ဓလေ့ရှိတယ်လို့သိရပါတယ်။  အန်ပေါင်းပေးတဲ့အခါ ၄ နဲ့ ၅ ဂဏန်းတွေမပေးရပါဘူး။ ၆၊ ၈၊ ၉ နံပါတ်တွေကို အများဆုံးပေးကြပါတယ်။

နဂါးအက ခြင်္သေ့အက

နဂါးအကဟာဆိုရင်လည်း မကောင်းတဲ့နိမိတ်တွေကျန်ခဲ့ပြီး  ကောင်းခြင်းတွေသာ တိုးပွားလာစေဖို့ ဖြစ်ပါတယ်။ ခြင်္သေ့အကကတော့ ကံကောင်းခြင်းတွေ၊ ရဲရင့်ခြင်းတွေ၊ ကျက်သရေရှိခြင်းတွေကို သယ်ဆောင်လာတယ်လို့ယူဆကြပါတယ်။ အိမ်ရှေ့မှာ ဆိုင်ရှေ့မှာ နဂါးအက ခြင်္သေ့အကတွေ လာကခြင်းက မင်္ဂလာရှိတယ် လာဘ်လာဘကောင်းတယ်လို့ ယူဆကြတာမို့ ဒီလိုလာကခြင်းကို ကြိုဆိုချီးမြှောက်ကြပါတယ်။ နှစ်သစ်ကူးညမှာဆိုရင် စားသောက်ဆိုင်တွေမှာ ဟိုတယ်တွေမှာ ညစာသုံးဆောင်ရင်း ခြင်္သေ့အက နဂါးအကတွေကို ကြည့်ရှုခံစားနိုင်ကြပါတယ်။

နှစ်သတ်မှတ်ခြင်း

တရုတ်နှစ်တွေကို ကြွက်၊ နွား၊ ကျား ၊ ယုန် ၊ နဂါး ၊ မြွေ ၊ မြင်း ၊ ဆိတ် ၊ မျောက် ၊ ကြက် ၊ ခွေး ၊ ဝက် စသဖြင့် သတ်မှတ်ထားကြပြီး ဒီနှစ်ကတော့ ကြက်နှစ်ဖြစ်ပါတယ်။ ကြက်နှစ်မှာဆိုရင် ကောင်းသောတိုးတက်ခြင်းတွေ ရရှိလာနိုင်ပါတယ်။ အထူးသဖြင့် ချစ်ခြင်းမေတ္တာ၊ ငွေကြေး နဲ့ စီးပွားရေး ဘက်မှာ ပိုမိုကံကောင်းမှုတွေရှိလာမယ်လို့ သုံးသပ်ကြပါတယ်။ ကြက်ဟာ သူ့အသွင်အပြင်အပေါ် ဂုဏ်ယူဝံ့ကြွားတာမို့ ဒီနှစ်မှာတော့ ကိုယ့်အသွင်အပြင် ဖက်ရှင်အတွက်ပိုအလေထားသင့်တယ်လို့ ဖတ်မှတ်ရပါတယ်။

ပိုစည်ကားမယ့် ဒီနှစ်နှစ်ကူး

ဒီနှစ်တရုတ်နှစ်သစ်ကူးက အရင်နှစ်တွေထက် ပိုစည်ကားနိုင်တယ်လို့ စဉ့်အိုးတန်းလမ်း တရုတ်ဘုရားကျောင်းက တာဝန်ရှိသူကပြောပါတယ်။ လမ်းမတော်ကနေ ရွှေတိဂုံဘုရားလမ်းအထိ တရုတ်တန်း တောက်လျှောက်မှာ မုခ်ဦးတွေထားရှိမှာဖြစ်ပြီး ရွှေတိဂုံဘုရားလမ်း ၊ မဟာဗန္ဓုလလမ်း ၊ လမ်းမတော်လမ်း ၊ လသာလမ်း နဲ့ စဉ့်အိုးတန်းလမ်း ဘုရားကျောင်းမှာ မုခ်ဦးတွေရှိနေမှာဖြစ်ပါတယ်။ နှစ်သစ်ကူးရက်ဖြစ်တဲ့ ၂၈ ရက်နေ့မှာတော့ အဲဒီလမ်းတွေကို တစ်ဖက်ပိတ်ထားမှာပါ။

ဒီနှစ်မှာတော့ ထူးခြားမှုအနေနဲ့ တရုတ်ရုပ်သေးပညာကို ပြန်တင်ဆက်နိုင်ဖို့ ကြိုးစားနေတယ်လို့ သိရပါတယ်။ ဗမာရုပ်သေး ပညာရှင်တွေနဲ့ပူးပေါင်းပြီး တရုတ်ရုပ်သေးအနုပညာကို စဉ့်အိုးတန်းလမ်း ဘုံကျောင်းမှာ တင်ဆက်သွားဖို့ ရှိနေပါတယ်။

GONG XI FA CAI  (နှစ်သစ်မှာ စီးပွားလာဘ်လာဘ တိုးပါစေ) ဆိုတဲ့ စာတန်းတွေနဲ့ ပျော်မြုးစရာ ကောင်းတဲ့ တရုတ်နှစ်ကူး အခါသမယကို မြန်မာပြည်မှာနေထိုင်တဲ့မောင်နှမတွေအားလုံး စိတ်အေးချမ်းစွာ အတူဆင်နွှဲနိုင်စေဖို့ တင်ဆက်လိုက်ပါတယ်။

ဂျူဂျူး (အခရာ)

www.akhayar.com