ဗြိတိသျှတော်ဝင်မိသားစုဟာ ပွဲလမ်းသဘင်အခမ်းအနားမှာ မကြာခဏပွဲထွက်လေ့ရှိပေမယ့် တစ်ခုထူးခြားတာက သူတို့ရဲ့မျိုးရိုးအမည်ကို ဘယ်သူမှတိတိကျကျမသိပါဘူး။သူတို့အနေနဲ့လည်း မျိုးရိုးအမည်ကို အကျယ်တဝံ့ပြောနေစရာမလိုပါဘူး။ သူတို့ကိုမြင်တာနဲ့ဘယ်သူဆိုတာကိုလူတိုင်းကသိနေတာကိုး။ဒါပေမယ့်တော်ဝင်မိသားစုဝင်တွေဟာ ကျောင်းတက်မယ် (ဒါမှမဟုတ်) စစ်မှုထမ်းမယ်ဆိုရင် သူတို့ရဲ့မျိုးရိုးအမည်ကို ဖော်ပြရမှာဖြစ်ပါတယ်။

၁၉၁၇ ခုနှစ်မတိုင်ခင်တုန်းက တော်ဝင်မိသားစုဝင်မှာ မျိုးရိုးအမည်လုံးဝမရှိပါဘူး။တော်ဝင်မိသားစုရဲ့တရားဝင် ဝက်ဆိုဒ်ကိုကြည့်မယ့်ဆိုရင် ၁၉၁၇ ခုနှစ်အရှေ့ပိုင်း တော်ဝင်မိသားစုဝင်တွေဟာမျိုးရိုးအမည်အစား သူတို့ပိုင်ဆိုင်တဲ့မြို့ (သို့) နယ်ပယ်အမည်နဲ့ပဲ သူတို့ကိုတွဲခေါ်လေ့ရှိပါတယ်။ ဥပမာ -The House of Tudor (ဒါမှမဟုတ်) The House of York ဆိုတာမျိုးပါ။

မူလမျိုးရိုးအမည်

၁၉၁၇ ခုနှစ် ဂျော့ဘုရင် (၅) နန်းတက်လာခဲ့ပြီး နန်းသက် ခုနှစ်နှစ်ကြာခဲ့ပါတယ်။ သူနန်းတက်စဉ်ကာလမှာတော့ သူရဲ့မူလမျိုးရိုးအမည် Saxe-Coburg-Gotha အစား Windsor လို့ပြောင်းလဲခဲ့ပါတယ်။ မျိုးရိုးအမည်ကိုပြောင်းလဲခဲ့ရတဲ့အဓိကအကြောင်းကတော့ ပထမကမ္ဘာစစ်ကိုစတင်ခဲ့တဲ့ ဂျာမန်တွေကို ဆန့်ကျင်တဲ့သဘောဖြစ်ပါတယ်။ Saxe-Coburg-Goth ဆိုတဲ့အမည်က ဂျာမန်အမည်ကဆင်းသက်လာတာပါ။ အဲ့ဒါကြောင့်မို့သူတို့ပိုင်ဆိုင်တဲ့ ဝင်ဆာ ရဲတိုက် (Windsor Castle) ကိုအစွဲပြုပြီး မျိုးရိုးအမည်ကို Windsor ဆိုပြီးတော့ပြောင်းလဲခဲ့ပါတယ်။သူ့အနေနဲ့ တော်ဝင်မိသားစုရဲ့ မျိုးရိုးအမည်ကိုတရားဝင်ပြောင်းလဲခဲ့ပေမယ့် မင်းဆက်အမည်ကိုတော့ဒီအတိုင်းပဲ ထားရှိခဲ့ပါတယ်။ဒီနေ့ခေတ်မှာတော့ တောင်ဝင်မိသားစုကို the House of Windsor လို့သိတဲ့သူများပါတယ်။ ဒါကြောင့်မို့မျိုးရိုးအမည်ကို Windsor လို့ပဲမှတ်ယူကြပါတယ်။

မျိုးရိုးအမည်ကိုထပ်ဖြည့်ခြင်း

ဘုရင်မ အဲလီဇဘက် (၂) နန်းတက်လာတဲ့အချိန်မှာတော့ ပြောင်းလဲမှုအနည်းငယ်ဖြစ်ခဲ့ပါတယ်။၁၉၄၇ ခုနှစ်မှာတော့ မင်းသမီး အဲလိဇဘက် (ဂျော့ဘုရင်- ၅ ရဲ့မြေး) က ဗြိတိသျှတော်ဝင်ရေတပ်မှာအမှုထမ်းခဲ့တဲ့ ဂရိနဲ့ဒန်နစ်ရဲ့မင်းသား ဖိလစ်မောင့်ဘတ်တန် နဲ့လက်ထပ်ခဲ့ပါတယ်။ နှစ်အနည်းငယ်ကြာပြီးတော့အခါမှာအယ်လီဇဘက်ရဲ့ ဖခင်ကွယ်လွန်သွားခဲ့တာမို့သူမက ဘုရင်မအယ်လီဇဘက်ဖြစ်လာပြီး မောင့်ဘတ်တန်ကတော့ အီဒင်ဘတ်မြို့စားမင်းသား ဖိလစ် ဖြစ်လာပါတယ်။

၁၉၆၀ ခုနှစ်မှာတော့ အယ်လီဇဘက်နဲ့မင်းသားဖိလစ်တို့ဟာ သူတို့ရဲမျိုးနွယ်အမည်ကို မူလတော်ဝင်မျိုးနွယ်အမည်နဲ့အနည်းငယ်ကွာပြားစေချင်တဲ့ကြောင့် မျိုးရိုးအမည်ရဲ့ရှေ့မှာ မောင့်ဘတ်တန်ကိုထပ်ဖြည့်ခဲ့ပြီး မောင့်ဘတ်တန်-ဝင်ဆာ (Mountbatten-Windsor) ရယ်လို့ဖြစ်လာပါတယ်။

ချွင်းချက်တွေလည်းရှိ

ဒီနေရာမှာ ချွင်းချက်တစ်ခုတော့ ရှိပါတယ်။ တော်ဝင်မင်းသား (ဒါမှမဟုတ်) တော်ဝင်မင်းသမီးရယ်လို့ဖြစ်လာ ရင် သူတို့ရဲ့မျိုးရိုးအမည်ကို အမြဲဖော်ပြနေဖို့မလိုအပ်တော့ပါဘူး။ မောင့်ဘတ်တန်-ဝင်ဆာ (Mountbatten-Windsor)  ဆိုပြီးသုံးနိုင်သလို ဘုရင်မရဲ့သမီးတော် မင်းသမီး အန်နီ (Queen’s daughter, Princess Anne) လို့လည်းသုံးလို့ရပါတယ်။ ၁၉၇၃ခုနှစ်တုန်းက  မင်းသမီး အန်နီကတော့ လက်ထပ်စာချုပ်မှာ ဘုရင်မရဲ့သမီးတော်ဆိုပြီးပဲ သုံးခဲ့ပါတယ်။

တော်ဝင်မိသားစုတွေဟာ မောင့်ဘတ်တန်-ဝင်ဆာ (Mountbatten-Windsor) ဆိုတဲ့အမည်ကို အမြဲသုံးလေ့မရှိပါဘူး။တော်ဝင်မိသားစုဝင်အချို့ကတော့ မျိုးရိုးအမည်နေရာမှာ သူတို့အပိုင်စားရတဲ့နယ်မြေကို ကိုဖော်ပြလေ့ရှိပါတယ်။ မင်းသားဝီလီယမ်နဲ့ မင်းသာဟယ်ရီတို့ စစ်မှုထမ်းတဲ့အချိန်တုန်းကသူတိုရဲ့ အမည်ကို ဝီလီယမ် ဝေးလ် (William Wales) နဲ့ ဟယ်ရီဝေးလ် (Harry Wales) ဆိုပြီးတော့ စာရင်းပေးခဲ့ပါတယ်။ သူတို့ရဲ့အဖေက ဝေလမင်းသား (Prince of Wales) ဖြစ်လို့ပါ။မင်းသမီး အန်နီကရဲ့ကလေးတွေကတော့ သူတို့အဖေရဲ့မျိုးရိုးအမည် ဖိလစ် (Phillips) ကိုသုံးပါတယ်။ မင်းသား အက်ဝပ် (Prince Edward) ရဲ့သမီးကတော်ကတော့ သူရဲ့မျိုးရိုးအမည်မှာ မောင့်ဘတ်တန်ကိုဖြုတ်ပြီးတော့ ဝင်ဆာ (Windsor) ကိုသုံးပါတယ်။

ဘယ်သူကမှ တော်ဝင်မိသားစုဝင်တွေကို မျိုးရိုးအမည် တိတိကျကျသုံးရမယ်လို့ ဖိအားပေးလို့မရပါဘူး။ တရားဝင်မျိုးရိုးဆက်ခံမှုအရတော့ မျိုးရိုးအမည်က ဝင်ဆာ (Windsor) ဖြစ်ရမှာပါ။ ဘုရင်မအယ်လီဇဘက်က မောင့်ဘတ်တန်-ဝင်ဆာ (Mountbatten-Windsor) လို့ထပ်ဖြည့်ခဲ့ပြီး အချို့တော်ဝင်မိသားစုဝင်တွေကတော့ နယ်မြေအမည်နဲ့ပဲ တွဲခေါ်ကြပါတယ်။ မင်းသား ဂျော့ (Prince George) နဲ့ မင်းသမီး ချားလော့ (Princess Charlotte) တို့ကတော့ မျိုးရိုးအမည်ကို သုံးလေ့မရှိပါဘူး။

အနှစ်ချုပ်

  • ၁၉၁၇ ခုနှစ်အထိ ဗြိတိသျှတော်ဝင်မိသားစုမှာ မျိုးရိုးအမည်မရှိပါဘူး
  • အဲ့ဒီနှစ်တုန်းက ဘုရင်ကြီး ဂျော့ (၅) သူတို့မိသားစုရဲ့ မျိုးရိုးအမည်ကို Windsor အဖြစ် တရားဝင်ထုတ်ပြန်ကြေငြာခဲ့ပါတယ်။
  • ဒီနေ့ခေတ်တော်ဝင်မိသားစုတွေမှာတော့ မျိုးရိုးအမည်မရှိတော့ပါဘူး။ ဆွေစဉ်မျိုးဆက်လိုက်ပြီးတော့ ခေါ်ဝေါ်မယ်ဆိုရင်တော့ Mountbatten-Windsor ဖြစ်နိုင်ပါတယ်။ အင်္ဂလန်ပြည်ရဲ့ဘုရင်မနဲ့ သူ့ရဲ့ခင်ပွန်းအမည်ကို ရောပြီးတော့ခေါ်ဆိုတာပါ။
  • တချို့တော်ဝင်မိသားစုတွေကတော့ သူတို့ရဲ့မျိုးရိုးအမည်ကို အပိုင်စားရတဲ့နယ်မြေကိုလိုက်ပြီးတော့ ခေါ်ဝေါ်ကြပါတယ်။ Wales (သို့မဟုတ်) York စသည်ဖြင့်ပါ။

မင်းသုခ (အခရာ)

www.akhayar.com