ပရိသတ်တွေလည်းကြားတော့ကြားဖူးမယ်ထင်ပါတယ်။ စာရေးသူဖတ်ဖူးတာက Black Coffee သောက်တဲ့သူတွေက စိတ္တဇတွေဖြစ်နိုင်တယ်တဲ့။ ကိုယ်လည်း Black Coffee ကြိုက်တော့ လန့်ဖြန့်သွားတာပေါ့။ ဘာလို့လဲဆိုတော့ လေ့လာချက်တစ်ခုက အရသာအခါးတွေကို ကြိုက်နှစ်သက်တာနဲ့ လူတွေ့နဲ့ထိတွေ့ဆက်ဆံတာကို မလိုလားတဲ့ အကျင့်စရိုက်လက္ခဏာတွေကို ဆက်စပ်မိလို့ပဲဖြစ်ပါတယ်။ ဒါကြောင့်ပြောရရင် အခါးအရည်တွေ ၊ ခါးတဲ့အစားအစာတွေကို စားသောက်တဲ့သူတိုင်းက စိတ္တဇဖြစ်နိုင်တယ်လို့ ယူဆလို့ရပါတယ်။

ဒါနဲ့ဒီအကြောင်းကိုစိတ်ဝင်စားတဲ့သူတွေက သိချင်စိတ်ကြောင့်ဆက်ပြီး လေ့လာကြတဲ့အခါမှာ ဘာကိုသွားတွေ့လဲဆိုတော့ ခါးတဲ့အရာတွေကို ကြိုက်နှစ်သက်တာက အမှန်တကယ်မှာလည်း တော်တော် Dark ဖြစ်တဲ့အကျင့်စရိုက်တွေနဲ့ သွားပြီးဆက်စပ်နေတယ်တဲ့။ Black Coffee ကြိုက်တဲ့သူတွေက စိတ္တဇဖြစ်နိုင်တယ်ဆိုတဲ့ လေ့လာချက်ကိုရေးထားတဲ့ ဆောင်းပါးက ၂ဝ၁၆ မှာ Appetite ဂျာနယ်မှာ ဖော်ပြခဲ့တာဖြစ်တယ်။ အဲ့မှာဘာရေးထားလဲဆိုတော့ အခါးကိုကြိုက်တဲ့သူတွေမှာ မကောင်းတဲ့ ၊ မှောင်မိုက်တဲ့ စိတ်နေစိတ်နေထားတွေဖြစ်နိုင်တာကို တွေ့ရပေမယ့်လည်း သက်သေအထောက်အထားတွေကတော့ အရမ်းကိုရှားပါသေးတယ်တဲ့။

အရင်ကလေ့လာချက်တွေမှာတော့ အချိုစားတဲ့သူတွေမှာက သဘောတူလက်ခံတဲ့စိတ်မြင့်ပြီး Neuroticism လည်းမြင့်ပါတယ်တဲ့။ နောက်သုတေသနတွေမှာတော့ အခါးစားတဲ့သူတွေရဲ့ ကိုယ်ကျင့်တရားအရ ဆုံးဖြတ်ချက်တွေက ကြမ်းတမ်းပြီး အရိုင်းဆန်တဲ့အတွေးတွေ ၊အပြုအမူတွေနဲ့ရှိကြတယ်တဲ့။ ဒါတွေမှန်မမှန်သိရအောင်လို့ လေ့လာချက်နှစ်ခုလုပ်ခဲ့ကြတယ်။ လေ့လာချက်တွေကိုတော့ အသေးစိတ်မရှင်းပြတော့ဘူးပေါ့နော်။ ဒါပေမယ့် အဲဒီလေ့လာချက်နှစ်ခုရဲ့အဖြေက အခါးကိုနှစ်သက်တဲ့သူတွေမှာ ယုတ်မာတဲ့စိတ်နေစိတ်ထားတွေကို တွေ့ရတယ်လို့ ထင်ရတယ်တဲ့။ ဒါ့အပြင် ပထမလေ့လာချက်က အခါးကြိုက်တဲ့ဟာနဲ့ သူတစ်ပါးကိုလိမ်လည်လှည့်ဖြားပြီး ကိုယ်ရတာကိုယူဖို့ အမြတ်ထုတ်တဲ့စိတ်တွေနဲ့တောင် ဆက်စပ်မိတယ်တဲ့။

ဒီတော့လေ့လာချက်နှစ်ခုရဲ့အဖြေက အခါးကြိုက်တဲ့သူတွေအပေါ် ဘယ်လိုသက်ရောက်မလဲ။ စာရေးသူကိုးကားထားတဲ့ Health.com က ဆောင်းပါးမှာတော့ Roosevelt University က စိတ္တဗေဒ ပါမောက္ခက ဒီဆက်စပ်မှုတွေက အရမ်းကိုနည်းပါတယ်လို့ ပြောထားခဲ့တယ်။ ဒီလိုလေ့လာချက်တွေက အချက်အလက်တွေ အထောက်အထားတွေ အပြည့်အစုံနဲ့သက်သေပြနိုင်မှ လူတိုင်းကိုသိအောင်မျှဝေသင့်တဲ့အရာတွေဖြစ်တယ်။

ဒါကြောင့်စာရေးသူအတွက်တော့ အခါးကြိုက်တာနဲ့ပဲ စိတ္တဇဖြစ်သွားတယ်ဆိုတာက လက်ခံပေးလို့မရတဲ့အရာပါ။ ကြမ်းတမ်းတဲ့စိတ်နေစိတ်ထားရှိတယ် မရှိဘူးဆိုတာကို ကိုယ်စားသောက်တဲ့အရာနဲ့ပဲ တိုင်းတာလို့မရပါဘူး။ ကိုယ့်ရဲ့အတိတ်ကဖြစ်ရပ်တွေ ၊ ကိုယ့်ရဲ့ပတ်ဝန်းကျင် ၊ ကိုယ်စူးစမ်းနေတဲ့အရာတွေကလည်း ဒီအပေါ်သက်ရောက်မှုတွေရှိပါတယ်။ ပရိသတ်ကြီးတို့ရော ဒီကိစ္စနဲ့ပတ်သက်ပြီး ဘယ်လိုထင်ကြလဲ။

Piki (Akhayar)

www.akhayar.com