ဘဝမှာ အောင်မြင်တယ်၊ မအောင်မြင်ဘူးဆိုတာ ကိုယ့်မှာရှိတဲ့အကျင့်စရိုက်အပေါ်မှာပဲ မူတည်တာပါ။ “ငါတို့ဖြင့် အရက်လည်း မသောက်ဖူး၊ ဆေးလိပ်လည်း မသောက်ပေါင်၊ အကျင့်စရိုက်လည်း ကောင်းပါရဲ့ ဘာကြောင့်မအောင်မြင်တာလဲမသိဘူး” ဆိုပြီး တချို့တွေက ပြောကြပါသေးတယ်။ အရက်မသောက်တိုင်း၊ ဆေးလိပ်မသောက်တိုင်း အကျင့်ကောင်းတယ်၊ အောင်မြင်မယ်လို့ ပြောလို့မရပါဘူး။ တစ်ခါတစ်လေ ကိုယ့်မှာရှိတဲ့ အသေးအဖွဲအကျင့်ဆိုးလေးတွေက အောင်မြင်ဖို့လမ်းကြောင်းအတွက် အဟန့်အတားဖြစ်တတ်ပါတယ်။ ဘယ်လိုအကျင့်တွေက အောင်မြင်ဖို့အတွက် အတားအဆီးဖြစ်တာလဲ၊ ကြည့်ရအောင်။

၁။ စကားပြောရင်း ဖုန်းမပွတ်ပါနဲ့။

လုပ်ငန်းခွင်မှာ အထက်အရာရှိနဲ့ ဒါမှမဟုတ် လုပ်ဖော်ကိုင်ဖက်နဲ့ စကားပြောနေတဲ့အချိန်မှာ ကိုယ့်ဖုန်းကို အကြောင်းရင်းတိတိကျကျမရှိဘဲ ကလိနေတာမျိုး မလုပ်သင့်ပါဘူး။ တခြားသူဟာ သူ့ရဲ့စကားကို အလေးအနက်မထားဘူးလို့ ထင်မြင်သွားနိုင်သလို  စကားလုံးတွေကိုလည်း အပြည့်အဝအာရုံစိုက်နိုင်မှာ မဟုတ်ပါဘူး။

၂။ အတိတ်ဆိုးတွေကို မေ့လိုက်ပါ။

“ငါ ဆယ်တန်းတုန်းက ၂နှစ်ဖြေခဲ့ရတာ၊ တက္ကသိုလ်မှာ ၈နှစ်တက်ခဲ့ရတာ” စသဖြင့် အတိတ်တုန်းက ကျရှုံးခဲ့တဲ့အကြောင်းအရာတွေကို မေ့ထားလိုက်ပါ။ ကျရှုံးခဲ့တာ ထားလိုက်ပါတော့၊ နောက်တစ်ခါ မကျရှုံးဖို့ပဲ အာရုံစိုက်ဖို့ လိုတာပါ။ ဒါကြောင့် မေ့သင့်တာကို မေ့လိုက်ပါ။

၃။ မြွေပွေး ခါးပိုက်မပိုက်နဲ့။

ကိုယ်ကတော့ သူငယ်ချင်းတွေနဲ့ မရှိမတူရှိအတူ ညီအစ်ကိုမောင်နှမအရင်းလို ပေါင်းနေပေမယ့် တစ်ခါတလေမှာ အဲဒီသူငယ်ချင်းအရင်းကြီးတွေကပဲ နောက်ကျောကို ဓားနဲ့ထိုးတတ်ပါတယ်။ အချစ်ဆုံးလူတွေကပဲ အမုန်းဆုံးရန်သူလို ဆက်ဆံတတ်သလို ချောက်ထဲကိုလည်း တွန်းချတတ်ပါတယ်။ အဲဒီတော့ မြွေပွေး ခါးပိုက်မပိုက်နဲ့။

You May Also Like : ဒီနေ့ရဲ့ နာမည်အကြီးဆုံး သတင်းပိုင်ရှင် Betsy DeVos

၎။ ဘယ်သူနဲ့မှ မနှိုင်းယှဉ်နဲ့။

“သူများနဲ့ နှိုင်းယှဉ်လိုက်တာက ကိုယ့်ကိုကိုယ် စော်ကားလိုက်တာပဲ” လို့ ဘီလ်ဂိတ် (Bill Gates ) ပြောခဲ့ဖူးပါတယ်။ လူဆိုတာ ကိုယ်ပိုင်ခံယူချက်နဲ့ခရီးဆက်နေသလို ကိုယ့်သမိုင်းကို ကိုယ်ရေးနေကြတဲ့သူတွေပါ။ အဲဒီတော့ ကိုယ့်လမ်းကိုယ်လျှောက်။

၅။ အတင်းမပြောနဲ့။

တခြားလူတစ်ယောက်ရဲ့ မကောင်းကြောင်းကို ကွယ်ရာမှာ ပြောရင်တော့ အတင်းဖြစ်သွားပါပြီ။ အတင်းအပြောခံရတဲ့သူအတွက်လည်း မကောင်းလှသလို အတင်းပြောတဲ့လူလည်း Personality ကျဆင်းစေသလို ဂုဏ်သိက္ခာလည်း ထိခိုက်စေပါတယ်။ အဲဒါကြောင့် အတင်းမပြောပါနဲ့။

၆။ အလုပ်ချိန်မှာ Notification ပိတ်ပါ။

အလုပ်ကို အာရုံစိုက်လုပ်နေတုန်း Facebook  က Notification  တက်နေတာမျိုး၊ Viber ကအသံထွက်နေတာမျိုးတွေဟာ အာရုံနောက်ပါတယ်။ အလုပ်ကို အာရုံစိုက်ပြီး လုပ်တော့မယ်ဆိုရင်တော့ Facebook မှာ Chat Box ပိတ်ထားတာမျိုး၊ Viber ကို Exit လုပ်ထားတာမျိုးတွေ လုပ်သင့်ပါတယ်။ တစ်ချိန်တည်းမှာ ပစ်မှတ်တစ်ခုတည်းကိုပဲ အာရုံစိုက်တာအကောင်းဆုံးပါပဲ။

ကဲ . . ပရိသတ်ကြီးရေ လောကကြီးမှာ အောင်မြင်ဖို့အတွက် အဟန့်အတားဖြစ်စေတတ်တဲ့ အသေးအဖွဲအကျင့်စရိုက်တွေကို ဖော်ပြလို့ပြီးပါပြီ။ နောက်ပြီးတော့ ဘယ်လိုအကျင့်တွေက ကိုယ့်ကို ချောက်ထဲတွန်းပို့စေတာလဲ။

ကျော်စိုးအောင် (အခရာ)

www.akhayar.com