ပြည်ပအန္တရာယ်၊ အကြမ်းဖက်သမားတွေရဲ့ရန်နဲ့ ဒုစရိုက်သမားတွေရဲ့လုပ်ရပ်တွေကြောင့် နိုင်ငံတကာမှာ စုံထောက်အဖွဲ့အစည်းတွေ ထားရှိကြရပါတယ်။ ၂ဝ၁၈ခုနှစ်ရဲ့နိုင်ငံတကာသတ်မှတ်ချက်အရ ကမ္ဘာ့အကောင်းဆုံးစုံထောက်အဖွဲ့အစည်းဟာ အစ္စရေးနိုင်ငံရဲ့ Mossad အဖွဲ့ ဖြစ်ပါတယ်။ ဒါပေမယ့် အခုဆောင်းပါးမှာတော့ ကမ္ဘာ့စတုတ္ထအကောင်းဆုံး စုံထောက်အဖွဲ့အစည်းဖြစ်တဲ့ ‘‘ဗဟိုထောက်လှမ်းရေးအေဂျင်စီ’- Central Intelligence Agency (CIA) မှာ စုံထောက်တစ်ယောက်ဖြစ်ဖို့ လိုအပ်ချက်တွေကို အသေးစိတ်ဖော်ပြလိုက်ရပါတယ်။

(၁) စုံထောက်တစ်ယောက်ဟာ (၁၈) နှစ်ပြည့်ရမယ်။

နိုင်ငံတကာမှာ အသက် (၁၈) နှစ်မပြည့်သေးတဲ့သူကို ‘ကလေး’ လို့ပဲ သတ်မှတ်ထားကြတာပါ။ ဆုံးဖြတ်ချက် မခိုင်မာသေးဘူး၊ အမှားအမှန် ဝေဖန်ပိုင်းခြားနိုင်စွမ်း မရှိသေးဘူးဆိုပြီး အသက်မပြည့်သေးတဲ့သူတွေဟာ စုံထောက်အလုပ်ကို လျှောက်ထားခွင့်မရှိပါဘူး။

(၂) အမေရိကန်နိုင်ငံသား ဖြစ်ရမယ်။

CIA အဖွဲ့ဟာ အမေရိကန်နိုင်ငံပိုင်တဲ့ ဗဟိုစုံထောက်အေဂျင်စီဖြစ်တဲ့အတွက် အဖွဲ့ဝင်တိုင်းဟာ အမေရိကန်နိုင်ငံသားဖြစ်ရမယ်လို့ သတ်မှတ်ထားတာပါ။ ဗြိတိန်နိုင်ငံရဲ့ဗဟိုထောက်လှမ်းရေးအဖွဲ့ ‘MI6’ မှာဆိုရင်လည်း ဗြိတိန်နိုင်ငံသားတွေကိုပဲ အဖွဲ့ဝင်ခန့်မှာပါ။ ISI ဆိုရင်လည်း ပါကစ္စတန်နိုင်ငံသား စသဖြင့်ပေါ့။ အမိနိုင်ငံတော်ကို ကာကွယ်ရမှာဖြစ်တဲ့အတွက် အဖွဲ့ဝင်တွေကို နိုင်ငံသားတွေပဲ သတ်မှတ်ထားတာပါ။

(၃) GPA 3.0 ရမှတ်နဲ့ ဘွဲ့ရထားရမယ်။

‘ဘွဲ့တစ်ခုရဖူးသူဖြစ်ရမယ်’ ဆိုတဲ့ သတ်မှတ်ချက်ကတော့ ရှင်းပါတယ်။ သက်ဆိုင်ရာတက္ကသိုလ်တစ်ခုက အသိအမှတ်ပြုဘွဲ့တစ်ခု ပိုင်ဆိုင်ထားရမယ်ဆိုတဲ့ သဘောပါ။ ဒီနေရာမှာ GPA ဆိုတာကို ရှင်းလင်းချင်ပါသေးတယ်။ GPA ဆိုတာက ‘Grade Point Average’ (ပညာရေး ပျမ်းမျှရမှတ်) ကို ဆိုလိုတာပါ။ (နိုင်ငံတကာတက္ကသိုလ်တွေကို လျှောက်ထားတဲ့ ကျောင်းသားတွေကိုလည်း GPA ရမှတ် တောင်းလေ့ရှိပါတယ်။) တက္ကသိုလ်ပထမနှစ်ကနေ နောက်ဆုံးနှစ်အထိ ကျောင်းတက်ချိန်နဲ့ ရမှတ်တွေကို မူတည်ပြီး သတ်မှတ်တာဖြစ်ပါတယ်။ ကျောင်းခေါ်ချိန်နဲ့ ရမှတ်ပါ ကောင်းမှသာ GPA ကောင်းမှာဖြစ်ပါတယ်။ GPA အဆင့်မှာ 4.0 ကို အမြင့်ဆုံးသတ်မှတ်ထားတဲ့အတွက် GPA 3.0 ရမှတ်ကို တောင်းဆိုလိုက်တာက ပညာရေးမှာလည်း ပုံမှန်အဆင့်ရှိရမယ်လို့ ဆိုလိုတာဖြစ်ပါတယ်။

(၄) နိုင်ငံခြားဘာသာစကား တတ်ကျွမ်းရမယ်။

CIA အဖွဲ့ရဲ့သတ်မှတ်ချက်ထဲမှာတော့ အဖွဲ့ဝင်တွေဟာ နိုင်ငံခြားဘာသာစကား တက်ကျွမ်းရမယ်လို့ သတ်မှတ်ထားပါတယ်။ ဒါမှလည်း တခြားနိုင်ငံတွေကို ထောက်လှမ်းရေးကိစ္စတွေနဲ့ ဝင်ထွက်သွားလာတဲ့အခါ အဆင်ပြေမှာပါ။ နိုင်ငံခြားဘာသာစကားကို များများတက်ကျွမ်းလေ အလုပ်ရဖို့ ပိုကောင်းလေဖြစ်ပါတယ်။

(၅) နိုင်ငံခြားခရီးသွားလာဖူးသူ ဖြစ်ရမယ်။

ဒီအချက်ကတော့ ရှင်းပါတယ်။ CIA အဖွဲ့သားတွေဟာ အကြမ်းဖက်သမားတွေကို သူများနိုင်ငံအထိ ဝင်ရောက်ပြီး သတ်ဖြတ်သုတ်သင်ရတယ်၊ သက်ဆိုင်ရာအစိုးရအဖွဲ့အစည်းတွေနဲ့ ပူးပေါင်းပြီး တရားခံတွေကို ဖမ်းဆီးရတယ်ဆိုတော့ နိုင်ငံခြားကို ခရီးသွားဖူးတဲ့သူမှပဲ အဆင်ပြေမှာပါ။ သူများနိုင်ငံရဲ့လမ်းတွေကိုလည်း ကျွမ်းကျွမ်းကျင်ကျင် သွားလာနိုင်မှသာ CIA ကောင်းဖြစ်မှာပါ။ ပြီးတော့ သက်ဆိုင်ရာနိုင်ငံရဲ့ယဉ်ကျေးမှုကို အသားကျအောင် နေထိုင်တတ်မှသာ စုံထောက်ကောင်းဖြစ်လာမှာ ဖြစ်ပါတယ်။

(၆) စုံထောက်အတွေ့အကြုံ အနည်းဆုံး (၃) နှစ်ရှိရမယ်။

သက်ဆိုင်ရာ ရဲစုံထောက် (ဒါမှမဟုတ်) FBI စုံထောက် လုပ်ပြီးမှ CIA မှာ အလုပ်လျှောက်တာက ပိုကောင်းပါတယ်။ စုံထောက်အတွေ့အကြုံ (၃) နှစ်ရှိမှသာ လျှောက်ထားနိုင်တာဖြစ်ပါတယ်။ အတွေ့အကြုံမရှိသေးတဲ့သူတွေအတွက် မသင့်တော်ပါဘူး။ ကျန်းမာရေး ကောင်းမွန်ရမယ်၊ စစ်တပ်မှာ တာဝန်ထမ်းဆောင်ဖူးရမယ်၊ ဖိအားတွေ အောက်မှာ အလုပ်လုပ်နိုင်ရမယ်၊ ကိုယ်ခံပညာကျွမ်းကျင်ရမယ်ဆိုတာ တခြားလိုအပ်ချက်တွေဖြစ်ပါတယ်။ ပြီးတော့ မူးယစ်ဆေးဝါး ကင်းရှင်းရမယ်လို့ သတ်မှတ်ထားပါသေးတယ်။

သတ်မှတ်ချက်နဲ့ ကိုက်ညီတဲ့ ဝန်ထမ်းတွေကို ဗာဂျီးနီးယားပြည်နယ် (Virginia) မှာရှိတဲ့ CIA University မှာ တက်ရောက်ရမှာပါ။ သင်တန်းကာလ (၁) နှစ်ခွဲ တက်ရောက်ရမှာဖြစ်ပြီး လက်နက်တပ်ဆင်မှု၊ ဘာသာစကား၊ အကြားစွမ်းရည်၊ အတွေးအခေါ်၊ ဖိအားခံနိုင်မှု၊ ကိုယ်ခံပညာတွေကို သင်ကြားရမှာဖြစ်ပါတယ်။ CIA ရဲ့ Special Agent ဖြစ်သွားရင်လည်း တစ်နှစ်လစာ ဒေါ်လာ ၁၃၆,၇၇၁ အထိ ရရှိမှာဖြစ်ပါတယ်။

ကျော်စိုးအောင် (အခရာ)

www.akhayar.com