အာသဝေါမကုန်သေးတဲ့ လူသားတွေအနေနဲ့ အမှားဆိုတာ ဒွန်တွဲနေတတ်ပါတယ်။ အမှားသင့်တာကို မှားရင်၊ မလုပ်သင့်တာကို လုပ်မိရင် နောင်တတရားတွေ ရင်ဝယ်ပိုက်ရင်း ဒုက္ခရောက်တတ်ပါတယ်။ ဘယ်လိုအရာတွေကို ရာသက်ပန်ရှောင်ရမှာလဲ၊ ထားခဲ့ရမှာလဲဆိုတာ အသေးစိတ်ဖော်ပြလိုက်ပါတယ်။

၁။ ခြင်္သေ့လိုလည်း မဟောက်နဲ့။

“နှုတ်ချို သျှိုတစ်ပါး” ဆိုတဲ့အတိုင်း ကျင်လည်နေထိုင်ရာ လူမှုပတ်ဝန်းကျင်မှာ ပျားသကာလို ချိုသာတဲ့ စကားမျိုးဆိုနိုင်လေ အောင်မြင်လေ ဖြစ်ပါတယ်။ ကိုယ်ဟာ အကြီးအကဲဖြစ်ပါစေဦး၊ လက်အောက်ငယ်သားတွေကို ချိုချိုသာသာ နားဝင်အောင် ပြောဆိုဆုံးမသင့်ပါတယ်။ ၆လက်မသာ ရှိတဲ့လျှာဟာ ၆ပေရှိတဲ့လူကို သတ်နိုင်စွမ်းရှိတာကို မမေ့သင့်ပါဘူး။ ဒါ့ကြောင့် လူမှုပတ်ဝန်းကျင်မှာ သူတစ်ဖက်သားကို အပေါ်စီးကနေ အော်ဟစ်ဆူပူငေါက်ငမ်းတာတွေ မလုပ်ပါနဲ့တော့။

၂။ ဖားငယ်လိုလည်း မကြောက်နဲ့။

လုပ်ငန်းတစ်ခုကို အောင်မြင်အောင်ဆောင်ရွက်တဲ့အခါမှာလည်း ကျရှုံးမှာကြောက်တဲ့စိတ်၊ ကဲ့ရဲ့ခံရမှာ ကြောက်တဲ့စိတ်၊ အများအလယ်မှာ ပရိသတ်ကြောက်တဲ့စိတ်တွေ ပယ်ဖျောက်ရမှာဖြစ်ပါတယ်။ လုပ်ငန်းတစ်ခုကို လုပ်ဆောင်တဲ့အခါမှာလည်း အတိတတ်ကအမှားတွေကို သင်ခန်းစာယူပြီးတော့ အတွေ့အကြုံယူကာ အဲဒီတွေ့အကြုံကနေ အောင်မြင်မှုလမ်းဆီကို လျောက်လှမ်းရမှာဖြစ်တဲ့အတွက် ကြောက်ရွံ့တဲ့စိတ်တွေ မောင်းထုတ်ပြီး  စွန့်ဦးတီထွင်စိတ်အပြည့်နဲ့  ရဲရဲဝံ့ဝံ့ကြိုးစားသင့်ပါတယ်။

၃။ တောင်လိုလည်း မမောက်နဲ့။

“ရွှေလင်ပန်းနဲ့ အချင်းဆေး မင်းမွေးတဲ့သမီး” ဖြစ်ပါစေ၊ “မိုးကျရွှေကိုယ်” ဖြစ်ပါစေဦး၊ ကိုယ့်ဘော်ဒါအပေါင်းအသင်းတွေကို မောက်မာတဲ့အသုံးအနှုန်းတွေ၊ အထက်စီးဆန်တဲ့ စကားတွေကို ပယ်ဖျောက်သင့်ပါတယ်။ ပတ်ဝန်းကျင်မှာ မောက်မာနေရင်တော့ သူငယ်ချင်းကောင်းတွေ ဆုံးရှုံးရတဲ့အပြင် လောကခရီးမှာ တစ်ကိုယ်တည်းခရီးဆက်နေရမှာပဲဖြစ်ပါတယ်။

၎။ မြစ်လိုလည်း မကောက်နဲ့။

ဘဝတိုးတက်ရေးအတွက်တော့ ကိုယ်တိုင်တိုးတက်အောင် တည်ဆောက်မယ့်အစား တစ်ဖက်သားကို အကောက်ကြံဖြိုချပြီး နေရာလုတတ်တဲ့အကျင့်မျိုးလည်း ပယ်ဖျောက်ရမှာဖြစ်ပါတယ်။ နောက်ပြီးတော့ ကိုယ်စားနေတဲ့ ထမင်းမှာ သူတစ်ပါးမျက်ရည်စက်တွေ ပါဝင်နေသလားကိုလည်း အရင်စမ်းစစ်သင့်ပါတယ်။ မိမိတစ်ဖို့တည်းအတွက်နဲ့ သူတစ်ပါးကို အကောက်ကြံပြီးရတတ်တဲ့ နေရာ၊ပိုင်ဆိုင်မှုတွေဟာလည်း ရန်သူမျိုး၅ပါးရန်နဲ့ အချိန်မရွေးပျက်စီးတတ်တာကို သတိပြုမိပြီး ဆင်ခြင်သင့်ပါတယ်။

၅။ တွင်းလိုလည်း မစောက်နဲ့။

ကိုယ်တိုင် ဆုံးဖြတ်ရမယ့်ကိစ္စများတွင်လည်းကောင်း၊ အသင်းအဖွဲ့နဲ့ ပူးပေါင်းဆောင်ရွက်နေတဲ့  ကိစ္စများတွင်လည်းကောင်း အမှားအမှန်ကို တဇွတ်ထိုး၊ တယူသန်မဆောင်ရွက်ဘဲ အကောင်းအဆိုး၊အကြောင်းအကျိုးကို ခွဲခြားဆုံးဖြတ်ကာ မှန်မှန်ကန်ကန်လုပ်ဆောင်သင့်ပါတယ်။ အခရာသူ၊ အခရာသားအားလုံး ဆင်းနင်းမြင်းကန် မခံရဘဲနဲ့ ဆင်စီးမြင်းရံနိုင်ပါစေခင်ဗျာ။

ကျော်စိုးအောင် (အခရာ)

www.akhayar.com