တစ်ခါတလေဖြစ်တတ်ပါတယ်။ ကျောင်းပြီးလို့ဘွဲ့ရထားပြီးပေမယ့်လည်း အလုပ်ရှာမရတာတို့၊ သင့်တော်တဲ့အလုပ်မတွေ့တာမျိုးတွေပေါ့။ သူများတွေကတော့ ကျောင်းတောင်မပြီးသေးဘူး။ Part Time အလုပ်တွေလုပ်နေကြပြီ။ ကိုယ်ကျမှ ဘွဲ့တွေရထားရက်နဲ့ ဘာအလုပ်မှအဆင်မပြေ၊ လုပ်စရာမရှိဖြစ်နေရင်တော့ သင့်ဖက်က တစ်ခုခုလိုအပ်နေလို့ပါပဲ။ ဒီလိုဘွဲ့တစ်ခုနဲ့ အလုပ်လက်မဲ့လူငယ်တွေအနေနဲ့ အလုပ်မြန်မြန်လုပ်ရဖို့ ဘာတွေလိုအပ်လဲဆိုတာကို ကြည့်ရအောင်။

တကယ်ရှာဖွေပါ

အဆိုးဆုံးအချက်က အလုပ်မရဘူးလို့ ထိုင်အော်နေကြတယ်။ ဘာလို့မရလဲဆိုရင်တော့ မရှာလို့မရတာပါ။ အားသွန်ခွန်စိုက်အလုပ်ရှာတာမျိုးလည်း မရှိဘူး။ မျက်စိဖွင့်နားစွင့်ထားတာမျိုးလည်း မရှိဘူး။ ဟိုဟိုဒီဒီကုမ္ပဏီလေးတွေမှာ CV လေးတစ်စောင်နှစ်စောင်တင်ထားရုံနဲ့ အလုပ်ရမှာမဟုတ်ပါဘူး။ အခုဆိုရင် အလုပ်ရှာဖို့ အပြင်မှာ မိုးလင်းမိုးချုပ် ကုန်းကြောင်းလျှောက်နေဖို့လည်း မလိုအပ်တော့ပါဘူး။ လက်ထဲမှာ ဖုန်းလေးတစ်လုံးနဲ့ Facebook Account တစ်ခုရှိနေရုံနဲ့ လိုချင်တဲ့အလုပ်အကိုင်ကို အချိန်တိုတိုအတွင်း ထိထိရောက်ရောက်ရှာနိုင်ပါတယ်။

Find your job with effective ways

Find your job with effective ways

လူမှုဆက်ဆံရေးနယ်ပယ်ကိုချဲ့ထွင်ပါ

ဘယ်သူနဲ့မှလည်း ခင်ခင်မင်မင်မနေတတ်၊ ဘယ်မှလည်း မသွားချင်မလာချင်နဲ့ အိမ်ထဲမှာပဲ အောင်းနေသရွေ့တော့ အိမ်တံခါးခေါက်ပြီး ဘယ်သူကမှ အလုပ်လာအပ်မှာမဟုတ်ဘူးဆိုတာကို သိထားရပါလိမ့်မယ်။ တစ်ဆင့်စကား တစ်ဆင့်နားနဲ့ အလုပ်ရနိုင်အောင်၊ အလုပ်အကိုင်အခွင့်အလမ်းတွေတိုးတက်လာအောင် လူမှုဆက်ဆံရေးကောင်းရပါလိမ့်မယ်။ အထူးသဖြင့်တော့ ကိုယ့်ကို ကူညီဖေးမနိုင်မယ့်သူငယ်ချင်းတွေနဲ့ တွေ့ပြီး စကားစမြည်ပြောတာပဲဖြစ်ဖြစ်၊ အလုပ်အကိုင်အခွင့်အလမ်းတွေရှိနိုင်တဲ့ ဦးလေးအဒေါ်တွေဆီသွားလည်တာပဲဖြစ်ဖြစ် ပုံမှန်လုပ်ပေးပါ။

Networking is Key

Networking is Key

Internship ဆင်းဖို့မပျင်းပါနဲ့

အလုပ်အကိုင်အခွင့်အလမ်းတော်တော်များများဟာ လမ်းကြောင်းပေါ်ရောက်သွားလေလေ၊ ပိုပြီးမြင်ရလာလေလေ၊ ပိုပြီးများလာလေလေပါပဲ။ ဒါကြောင့် Internship ဆင်းဖို့ မကြောက်ပါနဲ့။ မပျင်းပါနဲ့။ Internship ဟာ လစာကောင်းကောင်းမရလို့၊ ထမင်းဖိုးနဲ့ခရီးစရိတ်ပဲရလို့ မလုပ်ဘူး။ အပြင်ကနေ အလုပ်ပဲရှာမယ်လို့ စိတ်ကူးရှိနေရင်တော့ အခုပဲ အဲဒီ့စိတ်ကူးကို ပြောင်းလဲလိုက်ပါတော့။ ဘယ်အလုပ်မဆို သေးသေးလေးကနေပဲ စတင်ရမှာပါ။

Don't be afraid internship

Don’t be afraid internship

လိုအပ်တာကိုဖြည့်ဆည်းပါ

အလုပ်တွေလည်း ပုံမှန်လိုက်လျှောက်နေတယ်။ အားသွန်ခွန်စိုက်လည်း ရှာဖွေနေပါရက်နဲ့ အလုပ်မရဘူးဖြစ်နေရင်တော့ ကိုယ့်မှာဘာလိုအပ်ချက်ရှိနေပြီလဲဆိုတာကို ပြန်ကြည့်ရပါတော့မယ်။ ဘွဲ့တစ်ဘွဲ့ရရုံနဲ့ အလုံးစုံပြည့်စုံသွားတဲ့လူငယ်တစ်ဦး မဖြစ်သေးပါဘူးနော်။ တခြားလိုအပ်တဲ့ Skills တွေကို ဖြည့်ဆည်းဖို့ ကိုယ့်ကိုယ်ကိုယ် ရိုးရိုးသားသား ပြန်မေးပါ။ ပညာပိုင်းအရလိုနေတာလား။ စိတ်ပိုင်းဆိုင်ရာလိုအပ်နေတာလား။ ဘာလိုအပ်နေတာလဲ။ သေချာစဉ်းစားပြီး လိုအပ်တာကို ဖြည့်ဆည်းပါ။

Develop your skills

Develop your skills

ဘာကြောင့်အလုပ်မရတာလဲ။ အလုပ်လိုချင်ပြီး အလုပ်မရဘူးဆိုရင်တော့ အပေါ်က ပြောပြထားတဲ့အချက်လေးချက်ထဲက ဘယ်အချက်လိုအပ်နေပြီလဲဆိုတာကို ကိုယ့်ကိုယ်ကိုယ် ပွင့်ပွင့်လင်းလင်းရိုးရိုးသားသား ဆန်းစစ်ပါ။ အပြောင်းအလဲလုပ်ရမှာကို မကြောက်ပါနဲ့။ မပြောင်းလဲဘဲ တသမတ်ကြီးပဲ ဘ၀ကိုဖြတ်ကျော်သွားဖို့ မဖြစ်နိုင်ပါဘူး။ ဒါကြောင့် လိုအပ်တာတွေကို အမြန်ဆုံးဖြည့်ဆည်းပြီး အလုပ်တွေရှာဖွေကြရအောင်။

Moethaesay(Akhayar)

www.akhayar.com